Éxodo 14:31 - Li Santil hu

³¹ Ut eb laj Israel queꞌxxucua ru ut queꞌxlokꞌoni li Ka̱cuaꞌ Dios nak queꞌril li quixba̱nu reheb laj Egipto. Queꞌxpa̱b li Dios ut queꞌabin chiru laj Moisés xban nak aꞌan aj cꞌanjel chiru li Dios.

Q'eqchi Bible

³¹ Ut naq eb' laj Israel ke'ril k'aru kixb'aanu li Qaawa' reheb' laj Ejiipt rik'in xnimal xwankil li ruq', li tenamit ke'xxiwa ru li Qaawa' ut ke'xpaab' li Qaawa' jo' ajwi' laj Moisés laj k'anjel chiru.

Éxodo 14:31 ပူးပေါင်းရင်းမြစ်များ

San Juan 2:11

Aꞌan aꞌin li xbe̱n milagro li quixba̱nu li Jesús nak quixsukꞌisi li haꞌ chokꞌ vino aran Caná re Galilea. Riqꞌuin li milagro aꞌin quixcꞌutbesi nak cuan xcuanquil ut eb lix tzolom queꞌxpa̱b nak li Jesús aꞌan li Ralal li Dios.

San Juan 11:45

Ut nabaleb laj judío li cuanqueb rochben lix María queꞌxpa̱b li Jesús nak queꞌril li milagro li quixba̱nu.

San Lucas 8:13

Ut li iyaj li quinak saꞌ xya̱nk li pec, aꞌan retalileb li nequeꞌabin re li ra̱tin li Dios ut nequeꞌxpa̱b chi saheb saꞌ xchꞌo̱l. Abanan incꞌaꞌ nacana saꞌ xchꞌo̱leb. Nak nayaleꞌ rix lix pa̱ba̱leb, incꞌaꞌ nequeꞌxcuy xnumsinquil. Nachꞌinan ban xchꞌo̱leb.

Salmos 119:120

Cꞌajoꞌ nak ninxucuac nak nincꞌoxla chanru nak tatrakok a̱tin saꞌ xbe̱neb li incꞌaꞌ useb xnaꞌleb.

2 Crónicas 20:20

Cuulajak chic nak toj ekꞌela queꞌcuacli ut queꞌco̱eb saꞌ li chaki chꞌochꞌ Tecoa. Nak ac e̱lqueb re, laj Josafat quixakli chiruheb ut quixye reheb: —Cherabihak la̱ex aj Judá ut la̱ex aj Jerusalén. Chepa̱b li Ka̱cuaꞌ le̱ Dios re nak aꞌan ta̱tenkꞌa̱nk e̱re. Ut cꞌojobomak e̱chꞌo̱l riqꞌuineb lix profetas re nak us tex-e̱lk, chan.

Éxodo 19:9

Li Ka̱cuaꞌ Dios quixye re laj Moisés: —Re nak tateꞌxpa̱b chi junelic laj Israel, la̱in tina̱tinak a̱cuiqꞌuin saꞌ jun chok moymo ru ut eb aꞌan teꞌrabi nak yo̱kin chi a̱tinac a̱cuiqꞌuin.— Ut laj Moisés quixye reheb laj Israel li cꞌaꞌru quixye li Dios.

Éxodo 4:31

Ut li cristian queꞌxpa̱b li cꞌaꞌru queꞌyeheꞌ re. Queꞌrabi nak li Ka̱cuaꞌ Dios quixnau li raylal li yo̱queb chixcꞌulbal ut quixtokꞌoba ruheb, queꞌxxulub lix jolomeb ut queꞌxlokꞌoni li Ka̱cuaꞌ Dios.

Hechos 8:13

Ut quipa̱ban ajcuiꞌ laj Simón ut quicubsi̱c xhaꞌ. Ut yo̱ chi xic chirix laj Felipe yalak bar. Quisach xchꞌo̱l chirilbaleb li milagro ut li sachba chꞌo̱lej li yo̱ chixba̱nunquil laj Felipe.

1 Samuel 12:18

Ut laj Samuel quixtzꞌa̱ma chiru li Dios nak tixtakla li hab. Ut saꞌ ajcuiꞌ li ho̱nal aꞌan li Dios quixtakla li ca̱k ut li hab. Ut cꞌajoꞌ nak queꞌxxucua ru li Dios ut queꞌxxucua ajcuiꞌ ru laj Samuel.

Hebreos 3:5

Relic chi ya̱l nak laj Moisés quipa̱ban chiru li Dios ut quicꞌamoc be chiruheb laj Israel. Quixchꞌolob xya̱lal li cꞌaꞌru ta̱cꞌulma̱nk mokon. Laj Moisés yal aj cꞌanjel chiru li Dios.

Josué 4:24

Quixba̱nu chi joꞌcan re nak chixjunileb li cuanqueb saꞌ ruchichꞌochꞌ teꞌxqꞌue retal nak kꞌaxal nim xcuanquil li Ka̱cuaꞌ ut re ajcuiꞌ nak la̱ex junelic te̱xucua ru li Ka̱cuaꞌ le̱ Dios, chan laj Josué.

1 Samuel 12:16

Oybenihomak cuan toj te̱ril li sachba chꞌo̱lej li tixba̱nu li Dios che̱ru.

Nehemías 9:9

Ut caqꞌue ajcuiꞌ retal chanru nak yo̱queb chi cꞌuluc raylal li kaxeꞌto̱nil yucuaꞌ aran Egipto ut cacuabi nak queꞌxya̱ba la̱ cꞌabaꞌ nak cuanqueb chire li Caki Palau.

Josué 4:14

Saꞌ li cutan aꞌan laj Josué quiqꞌueheꞌ xlokꞌal xban li Dios re nak eb laj Israel teꞌx-oxlokꞌi joꞌ najtil ta̱cua̱nk saꞌ xya̱nkeb, joꞌ nak queꞌx-oxlokꞌi laj Moisés junxil.

Josué 24:7

Ut eb le̱ xeꞌto̱nil yucuaꞌ queꞌxjap re chixtzꞌa̱manquil xtenkꞌanquil chicuu. Ut quinqꞌue li kꞌojyi̱n saꞌ xyiheb aꞌan ut eb laj Egipto. Ut la̱in quintakla li haꞌ re nak tixjunaji rib saꞌ xbe̱neb laj Egipto ut queꞌosoꞌ. La̱ex nequenau cꞌaꞌru quinba̱nu. Ut najt quexcuan saꞌ li chaki chꞌochꞌ.