Éxodo 14:30 - Li Santil hu

³⁰ Joꞌcaꞌin nak li Ka̱cuaꞌ Dios quixcoleb laj Israel saꞌ rukꞌeb laj Egipto saꞌ li cutan aꞌan. Ut xban xcuanquil li Ka̱cuaꞌ Dios, eb laj Egipto queꞌcam saꞌ li palau. Eb laj Israel queꞌril nak camenakeb chic laj Egipto chire li palau.

Q'eqchi Bible

³⁰ Sa' li kutan a'an li Qaawa' kixkoleb' laj Israel sa' ruq'eb' laj Ejiipt, ut eb' laj Israel ke'rileb' laj Ejiipt chi kamenaqeb' chik chire li palaw.

Éxodo 14:30 ပူးပေါင်းရင်းမြစ်များ

Salmos 106:10

Joꞌcaꞌin nak quixcoleb lix tenamit saꞌ rukꞌeb li xicꞌ nequeꞌiloc reheb. Quixcoleb saꞌ rukꞌeb li queꞌrahobtesin reheb.

Salmos 106:8

Abanan li Ka̱cuaꞌ quicoloc reheb joꞌ quixye reheb. Quixcꞌut chiruheb lix cuanquil re nak ta̱qꞌuehekꞌ xlokꞌal.

San Judas 1:5

Usta ac xchꞌolobaman che̱ru, nacuaj cuiꞌchic xjulticanquil e̱re chanru nak li Ka̱cuaꞌ Dios quirisiheb chak lix tenamit aj Israel saꞌ li naꞌajej Egipto. Ut mokon chic quixsacheb li incꞌaꞌ queꞌpa̱ban chiru saꞌ xya̱nkeb laj Israel.

Salmos 58:10

Li ti̱queb xchꞌo̱l teꞌsahokꞌ chirilbal nak teꞌqꞌuehekꞌ chixtojbal xma̱queb li incꞌaꞌ useb xnaꞌleb. Chanchan nak teꞌnumekꞌ saꞌ xbe̱n lix quiqꞌueleb nak teꞌsachekꞌ ruheb li incꞌaꞌ useb xnaꞌleb.

Salmos 59:10

At inDios, la̱in ninnau nak niquina̱ra ut ninnau ajcuiꞌ nak la̱at tattenkꞌa̱nk cue. La̱at tatqꞌuehok cue chirilbal chanru nak ta̱sacheb xcuanquil li xicꞌ nequeꞌiloc cue.

1 Samuel 14:23

Queꞌpletic toj retal queꞌcuulac saꞌ li tenamit Bet-avén. Ut li Ka̱cuaꞌ Dios quixcoleb laj Israel saꞌ li cutan aꞌan.

Éxodo 14:13

Laj Moisés quixye reheb: —Mexxucuac. Cacuubresihomak ban e̱chꞌo̱l. Ho̱n nequeril chanru nak tocolekꞌ xban li Ka̱cuaꞌ Dios. Eb laj Egipto li yo̱quex chi rilbal anakcuan ma̱ jun cua chic te̱ril ruheb.

Isaías 63:9

Quiyotꞌeꞌ xchꞌo̱l li Ka̱cuaꞌ xban li raylal li yo̱queb chixcꞌulbal eb laj Israel. Ut lix takl, aꞌan li quicoloc reheb. Xban nak li Dios naxraheb ut naruxta̱na ruheb, joꞌcan nak quixcoleb. Ut aꞌan qui-iloc chak reheb chalen chak najter.

Salmos 91:8

Yal ta̱cuil chanru nak teꞌqꞌuehekꞌ chixtojbal rix lix ma̱usilal li incꞌaꞌ useb xnaꞌleb.

2 Crónicas 32:22

Joꞌcan nak li Ka̱cuaꞌ quixcol laj Ezequías ut eb li cuanqueb Jerusalén saꞌ rukꞌ laj Senaquerib lix reyeb laj Asiria. Quixcoleb chiruheb chixjunileb. Ut quixqꞌueheb chi cua̱nc saꞌ tuktu̱quil usilal riqꞌuineb chixjunileb li tenamit li cuanqueb chi xjun sutam.

Deuteronomio 4:34

¿Ma cuan ta biꞌ junak Dios quixsicꞌ ta ru junak tenamit saꞌ xya̱nkeb li jun chꞌol chic? Li Dios quixcꞌutbesi nabal li retalil nak quexrisi chak saꞌ li naꞌajej Egipto. Quixba̱nu riqꞌuin milagro ut sachba chꞌo̱lej ut riqꞌuin pletic. Riqꞌuin xnimal xcuanquil quixba̱nu li cꞌaꞌak re ru xiu xiu rilbal. La̱ex queril nak li Ka̱cuaꞌ le̱ Dios quixba̱nu li sachba chꞌo̱lej nak quexrisi chak saꞌ li naꞌajej Egipto.

1 Samuel 11:13

Ut laj Saúl quixye reheb: —Ma̱ jun reheb laj Israel ta̱camsi̱k anakcuan xban nak saꞌ li cutan aꞌin li Ka̱cuaꞌ coxcol la̱o aj Israel, chan.

Isaías 63:8

Li Ka̱cuaꞌ quixye: —Aꞌaneb li cualal incꞌajol. Incꞌaꞌ tineꞌxbalakꞌi, chan. Joꞌcan nak quixcoleb.

Isaías 63:11

Ut eb li tenamit queꞌjulticoꞌ re chanru nak queꞌcuan junxil nak laj Moisés laj cꞌanjel chiru li Dios quicꞌamoc be chiruheb. Ut queꞌxye: —¿Ma ma̱cuaꞌ ta biꞌ li Dios li quitenkꞌan reheb li tenamit chi numecꞌ jun pacꞌal li palau rochbeneb li nacꞌamoc be chiruheb? ¿Ma ma̱cuaꞌ ta biꞌ li Dios quicꞌamoc be chiruheb riqꞌuin lix Santil Musikꞌ?

Jueces 10:11

Li Ka̱cuaꞌ quixye reheb: —¿Ma incꞌaꞌ ta biꞌ quexrahobtesi̱c xbaneb laj Egipto ut eb laj amorreo? ¿Ma incꞌaꞌ ta biꞌ quexrahobtesi̱c xbaneb laj Amón ut xbaneb laj filisteo?

Oseas 1:7

Abanan eb li ralal xcꞌajol laj Judá tincuil xtokꞌoba̱l ruheb. La̱in li Ka̱cuaꞌ lix Dioseb. La̱in tincolok reheb. Incꞌaꞌ tebincol riqꞌuin tzimaj, chi moco riqꞌuin chꞌi̱chꞌ, chi moco riqꞌuin pletic, chi moco riqꞌuineb cui̱nk li nequeꞌchal chirix cacua̱y chi pletic, chan li Ka̱cuaꞌ.