Éxodo 14:3 - Li Santil hu

³ Laj faraón tixye nak xsach li be chiruheb saꞌ li chaki chꞌochꞌ. Aran incꞌaꞌ naru teꞌnumekꞌ, chaꞌak.

Q'eqchi Bible

³ Toja' naq laj Parahón tixye chirixeb' laj Israel: «Yookeb' chi xb'eeninkil rib' sa' li tenamit, ut li chaqich'och' xram xb'eheb'».

Éxodo 14:3 ပူးပေါင်းရင်းမြစ်များ

Hechos 4:28

Joꞌcaꞌin queꞌxba̱nu xban nak ac joꞌcan chak saꞌ a̱chꞌo̱l la̱at. Ut ac yebil chak a̱ban nak joꞌcan ta̱cꞌulma̱nk.

Ezequiel 38:17

Joꞌcaꞌin xye li nimajcual Dios re laj Gog: ¿Ma ma̱cuaꞌ ta biꞌ la̱at quina̱tinac chak cha̱cuix junxilaj nak quina̱tinac riqꞌuineb li profeta aj Israel li queꞌcꞌanjelac chicuu? Chiru nabal chihab eb aꞌan queꞌxye resil nak la̱in tatintakla chi pletic riqꞌuineb laj Israel.

Salmos 139:4

Toj ma̱jiꞌ na-el chi xtzꞌu̱mal cue li cua̱tin, ac xanau chixjunil li cꞌaꞌru tinye.

Salmos 139:2

La̱at nacacuil chixjunil li ninba̱nu. Usta najt cuanquin, la̱at nacanau chixjunil li yo̱quin chixcꞌoxlanquil.

Salmos 71:11

Eb aꞌan nequeꞌxye: Kata̱kehak ut kachapak xban nak ac xcanaba̱c xban li Dios ut ma̱ ani chic naru nacoloc re, chanqueb.

Salmos 3:2

Nabaleb li yo̱queb chi a̱tinac chicuix ut nequeꞌxye: Li Dios incꞌaꞌ tixcol aꞌan chiku, chanqueb.

1 Samuel 23:23

Qꞌuehomak retal chi us bar cuanqueb li naꞌajej li naxmuk cuiꞌ rib. Texcha̱lk cuiꞌchic chi junpa̱t ut te̱ye cue cꞌaꞌru xerabi. Ut la̱in tinxic che̱rix cui toj cuan aran ut tinsiqꞌui toj retal tintau usta tinsiqꞌui saꞌ chixjunil li naꞌajej Judá, chan.

1 Samuel 23:7

Laj Saúl quirabi nak laj David co̱ Keila ut quixye: —Li Dios xkꞌaxtesi saꞌ cuukꞌ laj David xban nak x-oc saꞌ jun tenamit sutsu saꞌ tzꞌac. Ut li oqueba̱l re li tenamit tzꞌaptzꞌo chi us, chan.

Deuteronomio 31:21

Nabal li raylal ut li chꞌaꞌajquilal ta̱cha̱lk saꞌ xbe̱neb. Abanan ta̱bicha̱k li bich aꞌin chokꞌ retalil li ma̱usilal queꞌxba̱nu. La̱in ninnau cꞌaꞌru cuan saꞌ xchꞌo̱leb usta toj ma̱jiꞌ xincꞌameb saꞌ li naꞌajej li quinyechiꞌi reheb, chan li Dios.

Jueces 16:2

Eb li cuanqueb Gaza queꞌrabi resil nak laj Sansón cuan saꞌ li tenamit aꞌan. Queꞌxsut li naꞌajej li cuan cuiꞌ ut chixjunil li cutan yo̱queb chixcꞌacꞌalenquil li oqueba̱l re li tenamit. Chiru li kꞌojyi̱n queꞌoc chi hila̱nc. Queꞌxcꞌoxla nak toj ta̱sake̱uk nak teꞌxcamsi.

Éxodo 14:2

—Ye reheb laj Israel nak jalan li be teꞌxcꞌam toj jun pacꞌal li naꞌajej Pi-hahirot. Saꞌ xyi li naꞌajej Migdol ut li palau saꞌ xjayal li naꞌajej Baal-zefón te̱yi̱b le̱ muheba̱l chire li palau.

Éxodo 14:4

Ut la̱in tincacuubresi xchꞌo̱l laj faraón ut laj faraón texta̱ke la̱ex aj Israel re nak texsukꞌisi chak. Ut kꞌaxal cuiꞌchic ta̱nimobresi̱k lin cꞌabaꞌ xban laj faraón ut eb lix soldado. Ut eb laj Egipto teꞌxnau nak la̱in li Ka̱cuaꞌ Dios, chan li Dios re laj Moisés. Ut eb laj Israel queꞌxba̱nu joꞌ quixye li Ka̱cuaꞌ Dios.