Éxodo 14:27 - Li Santil hu

²⁷ Ut saꞌ li cutan aꞌan toj ekꞌela laj Moisés quixqꞌue li rukꞌ saꞌ xbe̱n li palau. Ut li haꞌ quixjunaji rib. Riqꞌuin li quixba̱nu li Dios, eb laj Egipto queꞌxsach xnaꞌleb saꞌ xyi li palau ut queꞌe̱lelic raj saꞌ li haꞌ.

Q'eqchi Bible

²⁷ Ut laj Moisés kixye' li ruq' sa' xb'een li palaw ut naq ak xhik'e'k, li palaw kisutq'iik wi' chik sa' xna'aj: eb' laj Ejiipt ke'raj raj elelik, ab'an ke'rame'k xb'aan li ha', ut li Qaawa' kixkuteb' laj Ejiipt sa' xyi li palaw.

Éxodo 14:27 ပူးပေါင်းရင်းမြစ်များ

Josué 4:18

Ut eb laj tij li yo̱queb chi cꞌamoc re li Lokꞌlaj Ca̱x queꞌel saꞌ xyi li nimaꞌ ut queꞌco̱eb chire li nimaꞌ. Nak ac xeꞌel saꞌ li nimaꞌ, qui-oc cuiꞌchic chi be̱c li haꞌ chi cau rok ut quixcꞌul cuiꞌchic rib ut yo̱ chi butꞌu̱nc.

Salmos 78:53

Quixcꞌameb ut quirileb re nak incꞌaꞌ teꞌxucuak. Ut eb li xicꞌ nequeꞌiloc reheb, quixqꞌueheb chi osocꞌ saꞌ li palau.

Hebreos 11:29

Xban lix pa̱ba̱leb laj Israel, queꞌnumeꞌ saꞌ xyi li Caki Palau. Chaki chꞌochꞌ li queꞌnumeꞌ cuiꞌ. Ut joꞌcan ajcuiꞌ queꞌraj xba̱nunquil eb laj Egipto. Aban incꞌaꞌ queꞌru xban nak li haꞌ quixjunaji rib saꞌ xbe̱neb ut aran queꞌosoꞌ chixjunileb.

Deuteronomio 11:4

La̱ex queril chanru nak li Ka̱cuaꞌ quixsach ruheb chixjunileb li soldado aj Egipto ut quixsach ajcuiꞌ eb lix cacua̱y ut lix carruaje. Queꞌosoꞌ saꞌ li Caki Palau nak yo̱queb che̱ra̱linanquil.

Nehemías 9:11

La̱at cajach li palau chi ribil re nak chaki li chꞌochꞌ teꞌnumekꞌ cuiꞌ laj Israel saꞌ xyi li palau. Ut eb li yo̱queb chi ta̱ke̱nc reheb re teꞌxchap, casach ruheb saꞌ li haꞌ. Chanchan nak nacuteꞌ junak nimla pec saꞌ xchamal li haꞌ nak queꞌosoꞌ.

Salmos 106:11

Eb li xicꞌ queꞌiloc reheb quilajeꞌosoꞌ saꞌ li palau ut ma̱ jun chic queꞌcoleꞌ.

Salmos 136:15

Aꞌan li quiqꞌuehoc reheb chi osocꞌ saꞌ li Caki Palau laj faraón joꞌqueb ajcuiꞌ lix soldado xban nak kꞌaxal nim li ruxta̱n saꞌ kabe̱n junelic.

Isaías 10:26

Ut li nimajcual Dios tixqꞌueheb chixtojbal xma̱queb joꞌ quixba̱nu reheb laj Madián nak quixcamsiheb saꞌ li sako̱nac li cuan aran Oreb. Tixcꞌut lix cuanquil chiruheb laj Asiria joꞌ nak quixcꞌut chiruheb laj Egipto nak queꞌoc chi numecꞌ saꞌ li Caki Palau.

Josué 24:7

Ut eb le̱ xeꞌto̱nil yucuaꞌ queꞌxjap re chixtzꞌa̱manquil xtenkꞌanquil chicuu. Ut quinqꞌue li kꞌojyi̱n saꞌ xyiheb aꞌan ut eb laj Egipto. Ut la̱in quintakla li haꞌ re nak tixjunaji rib saꞌ xbe̱neb laj Egipto ut queꞌosoꞌ. La̱ex nequenau cꞌaꞌru quinba̱nu. Ut najt quexcuan saꞌ li chaki chꞌochꞌ.