Éxodo 14:24 - Li Santil hu

²⁴ Nak yo̱ chi sake̱uc cuan li Ka̱cuaꞌ Dios saꞌ li chok ut saꞌ li xam. Quirileb laj Egipto ut quixtakla li raylal saꞌ xbe̱neb.

Q'eqchi Bible

²⁴ Ab'an naq hik'e'k re, li Qaawa' ki'ilok toj sa' li xam ut sa' li choql, ut kixsach xwankileb' laj Ejiipt.

Éxodo 14:24 ပူးပေါင်းရင်းမြစ်များ

Éxodo 13:21

Cuan nak queꞌbe̱c chi kꞌek chi cutan. Chiru li cutan li Ka̱cuaꞌ Dios quicꞌamoc be chiruheb riqꞌuin jun chok ut chiru li kꞌojyi̱n quicꞌamoc be riqꞌuin jun xam saꞌ choxa re xcutanobresinquil ruheb lix beheb.

Éxodo 14:25

Ut eb li carruaje queꞌxtiquib tꞌilc. Chꞌaꞌaj chic nak yo̱queb chi xic. Eb laj Egipto queꞌxucuac ut queꞌxye chi ribileb rib: —Us tosukꞌi̱k. Us toe̱lelik chiruheb laj Israel. Li Ka̱cuaꞌ Dios yo̱ xtenkꞌanquileb aꞌan ut la̱o aj Egipto xicꞌ yo̱ chikilbal, chanqueb.

Salmos 48:5

Abanan nak queꞌril li tenamit Jerusalén, queꞌsach xchꞌo̱leb. Queꞌxucuac ut queꞌe̱lelic.

Li xHu LAJ JOB 40:12

Cꞌut xxuta̱neb li nequeꞌxnimobresi ribeb ut sach ruheb li incꞌaꞌ useb xnaꞌleb toj bar cuanqueb cuiꞌ.

Li xHu LAJ JOB 34:29

Cui li Dios incꞌaꞌ tixqꞌueheb chixtojbal xma̱queb, ¿ani ta biꞌ chic ta̱ru̱k ta̱ba̱nu̱nk re? Ut cui incꞌaꞌ ta̱ril li cꞌaꞌru yo̱queb chixba̱nunquil, ¿ani ta biꞌ chic ta̱ilok re? Aꞌan na-iloc reheb li tenamit joꞌ eb ajcuiꞌ li cristian,

Li xHu LAJ JOB 34:20

Cui li Dios naraj, eb li cristian saꞌ junpa̱t nequeꞌcam ut ma̱ aniheb chic saꞌ ruchichꞌochꞌ. Usta tuktu kꞌojyi̱n tixtakla chak li raylal saꞌ xbe̱neb. Ma̱cuaꞌ junak cui̱nk ta̱sachok re li nim xcuanquil. Aꞌ ban li Dios.

Salmos 104:32

Caꞌaj cuiꞌ naril li ruchichꞌochꞌ li Dios, ut li ruchichꞌochꞌ na-ecꞌan saꞌ xnaꞌaj. Caꞌaj cuiꞌ naxtochꞌ caꞌchꞌin li tzu̱l ut na-el xsibel.

Li xHu LAJ JOB 22:13

¿Chanru nak ta̱ye la̱at nak li Dios incꞌaꞌ naxqꞌue retal li cꞌaꞌru na-uxman? La̱at nacacꞌoxla nak li Dios incꞌaꞌ naril li ma̱c li na-uxman chi mukmu.

1 Samuel 11:11

Cuulajak chic nak toj ekꞌela, laj Saúl quixjachi lix soldado saꞌ oxib jachal. Nak quisake̱u, queꞌco̱eb saꞌ junpa̱t saꞌ li naꞌajej li cuanqueb cuiꞌ lix muheba̱leb laj Amón ut queꞌoc chi pletic riqꞌuineb. Nak quicuaꞌleboꞌ ac xeꞌxcamsiheb laj Amón ut li incꞌaꞌ queꞌcamsi̱c queꞌxjeqꞌui ribeb ut queꞌe̱lelic chi xjunju̱nkaleb. Ma̱ jun reheb quicana chi cuan rochben.

Salmos 78:14

Quixtakla li chok chi cꞌamoc be chiruheb chi cutan ut chi kꞌek jun li xam quicꞌamoc be chiruheb.

Salmos 90:4

Relic chi ya̱l cha̱cuu la̱at jun mil chihab chanchan li jun cutan ajcuiꞌ li ac xnumeꞌ. Ut chanchan nak nanumeꞌ cuib oxib o̱r re li kꞌojyi̱n.

Amós 9:4

Ut cui ta teꞌchapekꞌ ut teꞌcꞌamekꞌ xbaneb li xicꞌ nequeꞌiloc reheb, tintakla xcamsinquileb riqꞌuin chꞌi̱chꞌ. La̱in tebinsach ut incꞌaꞌ tincoleb, chan li Ka̱cuaꞌ.