Éxodo 14:22 - Li Santil hu

²² Ut eb laj Israel saꞌ chaki chꞌochꞌ queꞌnumeꞌ nak quixjach rib li haꞌ. Chanchan li tzꞌac quicana li haꞌ saꞌ xcaꞌ pacꞌalil li be.

Q'eqchi Bible

²² Eb' laj Israel koxe'okaq sa' li palaw chi chaqi ru xb'eheb': chanchan li tz'ak naq kikanaak li ha' chi xka'pak'alil li b'e.

Éxodo 14:22 ပူးပေါင်းရင်းမြစ်များ

Hebreos 11:29

Xban lix pa̱ba̱leb laj Israel, queꞌnumeꞌ saꞌ xyi li Caki Palau. Chaki chꞌochꞌ li queꞌnumeꞌ cuiꞌ. Ut joꞌcan ajcuiꞌ queꞌraj xba̱nunquil eb laj Egipto. Aban incꞌaꞌ queꞌru xban nak li haꞌ quixjunaji rib saꞌ xbe̱neb ut aran queꞌosoꞌ chixjunileb.

Salmos 66:6

Quixjach ru li haꞌ saꞌ li Caki Palau ut chaki li chꞌochꞌ li queꞌnumeꞌ cuiꞌ. Ut quixram ru li haꞌ saꞌ li nimaꞌ Jordán ut chaki li queꞌnumeꞌ cuiꞌ. Joꞌcan nak chisahokꞌ li kachꞌo̱l riqꞌuin li cꞌaꞌru quixba̱nu li Dios.

Salmos 78:13

Quixjach ru li haꞌ ut quixnumsiheb jun pacꞌal li Caki Palau. Chanchan jun li tzꞌac nak quixakli li haꞌ ut chaki queꞌnumeꞌ cuiꞌ.

Éxodo 15:19

Chixjunileb lix cacua̱yeb ut lix carruaje, joꞌ ajcuiꞌ chixjunileb lix soldado laj faraón quilajeꞌco̱eb rubel li haꞌ nak quixjunaji rib li palau xban xcuanquil li Ka̱cuaꞌ Dios. Abanan la̱o aj Israel conumeꞌ saꞌ chaki chꞌochꞌ saꞌ xyi li palau.

Éxodo 14:29

Ut eb laj Israel ac xeꞌnumeꞌ jun pacꞌal li palau saꞌ li chaki chꞌochꞌ. Chanchan li tzꞌac quicana li haꞌ saꞌ xcaꞌ pacꞌalil li be nak queꞌnumeꞌ.

1 Corintios 10:1

Ex inherma̱n, la̱in nacuaj nak texcꞌoxlak caꞌchꞌinak chirix li cꞌaꞌru queꞌxcꞌul li kaxeꞌto̱nil yucuaꞌ nak queꞌel saꞌ li tenamit Egipto. Li Dios quixtakla li chok chi cꞌamoc be chiruheb ut chixjunileb queꞌnumeꞌ jun pacꞌal li Caki Palau nak quixjach rib re teꞌnumekꞌ.

Isaías 63:13

¿Ma ma̱cuaꞌ ta biꞌ li Dios li quiberesin reheb saꞌ xchamal li palau? Queꞌnumeꞌ jun pacꞌal ut incꞌaꞌ queꞌxtich li rokeb. Chanchaneb li cacua̱y nak nanumeꞌ saꞌ li ru takꞌa.

Nehemías 9:11

La̱at cajach li palau chi ribil re nak chaki li chꞌochꞌ teꞌnumekꞌ cuiꞌ laj Israel saꞌ xyi li palau. Ut eb li yo̱queb chi ta̱ke̱nc reheb re teꞌxchap, casach ruheb saꞌ li haꞌ. Chanchan nak nacuteꞌ junak nimla pec saꞌ xchamal li haꞌ nak queꞌosoꞌ.

Éxodo 15:8

Chanchan apunbil xaba̱nu nak xajach ru li palau. Chanchan li tzꞌac quicana li haꞌ saꞌ xcaꞌ pacꞌalil li be saꞌ xyi li palau.

Números 33:8

Nak queꞌel Pi-hahirot queꞌnumeꞌ saꞌ xyi li palau ut queꞌco̱eb saꞌ li chaki chꞌochꞌ. Nak ac xeꞌbe̱c oxib cutan saꞌ li chaki chꞌochꞌ Etam, queꞌxyi̱b lix muheba̱leb aran Mara.

Zacarías 2:5

Chanchan sutsu̱k riqꞌuin xam li tenamit Jerusalén nak cua̱nkin riqꞌuineb chixcolbaleb riqꞌuin lin cuanquil. Ut tincꞌutbesi lin lokꞌal saꞌ xya̱nkeb, chan li Ka̱cuaꞌ.

Josué 3:17

Ut chaki li chꞌochꞌ queꞌnumeꞌ cuiꞌ chixjunileb laj Israel saꞌ li nimaꞌ Jordán. Ut eb laj tij li yo̱queb chi cꞌamoc re lix Lokꞌlaj Ca̱x li Ka̱cuaꞌ xakxo̱queb saꞌ xyi li nimaꞌ Jordán nak yo̱queb chi numecꞌ li tenamit, ut chaki li chꞌochꞌ li xakxo̱queb cuiꞌ.

Josué 4:22

Ut la̱ex te̱chꞌolob chiruheb chanru nak eb laj Israel queꞌnumeꞌ jun pacꞌal li nimaꞌ Jordán ut chaki li queꞌnumeꞌ cuiꞌ.

1 Samuel 25:16

Eb aꞌan coeꞌxcol chi kꞌek chi cutan ut queꞌxcol ajcuiꞌ li kaqueto̱mk.

2 Reyes 2:8

Ut laj Elías quirisi li tꞌicr li cuan chirix. Quixbas ru ut chiru aꞌan quixsacꞌ li haꞌ. Ut li nimaꞌ quixjach rib. Laj Elías ut laj Eliseo queꞌnumeꞌ jun pacꞌal li nimaꞌ ut chaki li chꞌochꞌ li queꞌnumeꞌ cuiꞌ.

Salmos 74:15

Nak ma̱cꞌaꞌ rucꞌaheb laj Israel, la̱at caqꞌue xhaꞌeb. La̱at caqꞌue li yuꞌam haꞌ re nak teꞌucꞌak. Ut la̱at cajach chi ribil li nimaꞌ re nak chaki teꞌnumekꞌ cuiꞌ usta kꞌaxal cau rok li nimaꞌ.

Salmos 136:14

Aꞌan li quinumsin ke la̱o aj Israel jun pacꞌal li palau xban nak kꞌaxal nim li ruxta̱n saꞌ kabe̱n junelic.

Isaías 43:16

Najter kꞌe cutan la̱in quexinqꞌue chi numecꞌ saꞌ li palau. La̱in quinramoc re li haꞌ re nak incꞌaꞌ chic ta̱be̱k.

Isaías 63:12

¿Ma ma̱cuaꞌ ta biꞌ li Dios quitenkꞌan re laj Moisés chixba̱nunquil li sachba chꞌo̱lej riqꞌuin xnimal xcuanquil? ¿Ma ma̱cuaꞌ ta biꞌ li Dios li quijachoc ru li palau chiruheb li ralal xcꞌajol re nak ta̱qꞌuehekꞌ xlokꞌal chi junelic?

Josué 3:16

Ut li rok li haꞌ li nachal chak takecꞌ quixakli nachꞌ riqꞌuin li tenamit Adam li cuan chixcꞌatk li naꞌajej Saretán. Li tenamit aꞌan najt cuan riqꞌuin li naꞌajej li yo̱queb cuiꞌ chi numecꞌ laj Israel. Ut incꞌaꞌ chic naxic li haꞌ takꞌa saꞌ li palau Mar Muerto xcꞌabaꞌ. Joꞌcan nak quixjach rib li haꞌ nak quixakli. Ut eb laj Israel queꞌnumeꞌ jun pacꞌal saꞌ xjayal li naꞌajej Jericó.

2 Reyes 2:14

Quixsacꞌ li haꞌ riqꞌuin lix tꞌicr laj Elías ut quixye: —¿Bar cuan li Ka̱cuaꞌ lix Dios laj Elías? chan. Nak ac xsacꞌ li haꞌ riqꞌuin lix tꞌicr laj Elías, li haꞌ quixjach rib ut laj Eliseo quinumeꞌ jun pacꞌal li nimaꞌ.

Salmos 106:9

Li Dios quixye re li palau nak tixjach rib ut quixjach rib. Chaki li chꞌochꞌ li queꞌnumeꞌ cuiꞌ lix tenamit. Joꞌcan nak li Dios quixnumsiheb jun pacꞌal li palau.

Salmos 136:13

Aꞌan li quijachoc ru li Caki Palau xban nak kꞌaxal nim li ruxta̱n saꞌ kabe̱n junelic.

Isaías 11:15

Li Ka̱cuaꞌ Dios riqꞌuin lix nimal xcuanquil tixchakihobresi li palau li cuan Egipto. Ut tixtakla li tikcual ikꞌ saꞌ xbe̱n li nimaꞌ Éufrates. Tixjach ru li nimaꞌ ut teꞌcana̱k cuukub chi cocꞌ nimaꞌ re nak eb li tenamit teꞌnumekꞌ jun pacꞌal chi incꞌaꞌ teꞌrisi lix xa̱beb.

Isaías 11:16

Nak eb li joꞌ qꞌuial chic li teꞌcolekꞌ teꞌe̱lk Asiria teꞌnumekꞌ saꞌ jun li nimla be joꞌ queꞌxba̱nu eb laj Israel nak queꞌel chak Egipto junxil.

Isaías 51:10

Ut, ¿ma ma̱cuaꞌ ta biꞌ la̱at catqꞌuehoc re chi chakic li palau re nak la̱ tenamit teꞌbe̱k saꞌ chaki chꞌochꞌ nak queꞌnumeꞌ jun pacꞌal? ¿Ma ma̱cuaꞌ ta biꞌ la̱at catcoloc reheb chiruheb li xicꞌ nequeꞌiloc reheb?