Éxodo 14:21 - Li Santil hu

²¹ Tojoꞌnak laj Moisés quixqꞌue li rukꞌ saꞌ xbe̱n li palau. Li Ka̱cuaꞌ Dios quixtakla jun cacuil ikꞌ li nachal chak saꞌ releb li sakꞌe. Yo̱ li ikꞌ chixjunil li kꞌojyi̱n ut xban li ikꞌ li palau quixjach rib ut quixchakihobresi lix beheb laj Israel li teꞌnumekꞌ cuiꞌ saꞌ li palau.

Q'eqchi Bible

²¹ Laj Moisés kixye' li ruq' sa' xb'een li palaw ut li Qaawa' kixtaqla chaq chiru chixjunil li q'oqyink jun kawil iq' li xchalk sa' releb'l saq'e, ut kixchaqihob'resi li palaw: toja' naq kixjek' rib' li ha'.

Éxodo 14:21 ပူးပေါင်းရင်းမြစ်များ

Isaías 63:12

¿Ma ma̱cuaꞌ ta biꞌ li Dios quitenkꞌan re laj Moisés chixba̱nunquil li sachba chꞌo̱lej riqꞌuin xnimal xcuanquil? ¿Ma ma̱cuaꞌ ta biꞌ li Dios li quijachoc ru li palau chiruheb li ralal xcꞌajol re nak ta̱qꞌuehekꞌ xlokꞌal chi junelic?

Éxodo 15:8

Chanchan apunbil xaba̱nu nak xajach ru li palau. Chanchan li tzꞌac quicana li haꞌ saꞌ xcaꞌ pacꞌalil li be saꞌ xyi li palau.

Salmos 66:6

Quixjach ru li haꞌ saꞌ li Caki Palau ut chaki li chꞌochꞌ li queꞌnumeꞌ cuiꞌ. Ut quixram ru li haꞌ saꞌ li nimaꞌ Jordán ut chaki li queꞌnumeꞌ cuiꞌ. Joꞌcan nak chisahokꞌ li kachꞌo̱l riqꞌuin li cꞌaꞌru quixba̱nu li Dios.

Isaías 51:10

Ut, ¿ma ma̱cuaꞌ ta biꞌ la̱at catqꞌuehoc re chi chakic li palau re nak la̱ tenamit teꞌbe̱k saꞌ chaki chꞌochꞌ nak queꞌnumeꞌ jun pacꞌal? ¿Ma ma̱cuaꞌ ta biꞌ la̱at catcoloc reheb chiruheb li xicꞌ nequeꞌiloc reheb?

Salmos 78:13

Quixjach ru li haꞌ ut quixnumsiheb jun pacꞌal li Caki Palau. Chanchan jun li tzꞌac nak quixakli li haꞌ ut chaki queꞌnumeꞌ cuiꞌ.

Salmos 74:13

Riqꞌuin xnimal la̱ cuanquilal, cajach ru li Caki Palau re nak teꞌnumekꞌ jun pacꞌal eb laj Israel. Ut casach ruheb laj Egipto li yo̱queb chi ta̱ke̱nc reheb re teꞌxchap. Chanchan nak cacamsiheb li ni̱nki xul li cuanqueb saꞌ li palau nak casach ruheb.

Nehemías 9:11

La̱at cajach li palau chi ribil re nak chaki li chꞌochꞌ teꞌnumekꞌ cuiꞌ laj Israel saꞌ xyi li palau. Ut eb li yo̱queb chi ta̱ke̱nc reheb re teꞌxchap, casach ruheb saꞌ li haꞌ. Chanchan nak nacuteꞌ junak nimla pec saꞌ xchamal li haꞌ nak queꞌosoꞌ.

Josué 4:23

Li Ka̱cuaꞌ li kaDios quixchakihobresi li nimaꞌ Jordán li joꞌ nimal tonumekꞌ cuiꞌ joꞌ nak quixchakihobresi li Caki Palau li joꞌ nimal conumeꞌ cuiꞌ chak junxil.

Salmos 136:13

Aꞌan li quijachoc ru li Caki Palau xban nak kꞌaxal nim li ruxta̱n saꞌ kabe̱n junelic.

Éxodo 14:16

La̱at ta̱taksi la̱ xukꞌ ut ta̱teleb la̱ cuukꞌ saꞌ xbe̱n li palau re nak tixjach rib li haꞌ. Tincanab chi chaki le̱ be re nak texnumekꞌ saꞌ li palau.

Isaías 51:15

La̱in li Ka̱cuaꞌ la̱ Dios. La̱in ninqꞌue chi ecꞌa̱nc li palau re nak ta̱ecꞌa̱nk ru. “Nimajcual Dios” incꞌabaꞌ.

Li xHu LAJ JOB 26:12

Riqꞌuin lix cuanquil quixye re li palau nak tixcanab ecꞌa̱nc. Xban nak cuan xnaꞌleb naxqꞌue chi tukla̱c ru li palau.

Hechos 7:36

Laj Moisés, aꞌan li qui-isin reheb Egipto. Nabal li milagro ut li sachba chꞌo̱lej quixba̱nu aran Egipto ut saꞌ li Caki Palau. Chiru caꞌcꞌa̱l chihab quicꞌamoc be chiruheb saꞌ li chaki chꞌochꞌ.

Génesis 8:1

Li Dios quixtokꞌoba ru laj Noé joꞌ ajcuiꞌ chixjunileb li xul li cuanqueb saꞌ li jucub cab. Quixtakla jun nimla ikꞌ saꞌ xbe̱n li ruchichꞌochꞌ ut qui-oc chi chakic li haꞌ.

Éxodo 7:19

Li Dios quixye ajcuiꞌ re laj Moisés: —Ta̱ye re laj Aarón, “Yeꞌ la̱ xukꞌ saꞌ xbe̱neb li haꞌ li cuan Egipto, saꞌ xbe̱neb li nimaꞌ, li cocꞌ rok haꞌ, joꞌ eb ajcuiꞌ li palau re nak ta̱quicꞌokꞌ. Yalak bar naxocman cuiꞌ li haꞌ saꞌ li tenamit Egipto, junes quicꞌ chic ta̱tauma̱nk,” chan.

Éxodo 14:20

Li chok quicana saꞌ xyiheb laj Israel ut laj Egipto. Chi joꞌcan quikꞌojyi̱noꞌ lix beheb laj Egipto ut eb laj Israel cutan yo̱queb cuiꞌ chi xic. Quinumeꞌ li kꞌojyi̱n ut incꞌaꞌ queꞌcuulac cuanqueb cuiꞌ laj Israel.

Josué 2:10

La̱o nakanau nak quex-el chak Egipto li Dios quixchakihobresi li haꞌ saꞌ li Caki Palau re nak texnumekꞌ jun pacꞌal. Ut nakanau ajcuiꞌ nak la̱ex quesach ruheb chi junaj cua li cuib chi rey laj Sehón ut laj Og, lix reyeb laj amorreo li cuanqueb jun pacꞌal li nimaꞌ Jordán.

Josué 3:17

Ut chaki li chꞌochꞌ queꞌnumeꞌ cuiꞌ chixjunileb laj Israel saꞌ li nimaꞌ Jordán. Ut eb laj tij li yo̱queb chi cꞌamoc re lix Lokꞌlaj Ca̱x li Ka̱cuaꞌ xakxo̱queb saꞌ xyi li nimaꞌ Jordán nak yo̱queb chi numecꞌ li tenamit, ut chaki li chꞌochꞌ li xakxo̱queb cuiꞌ.

2 Reyes 2:8

Ut laj Elías quirisi li tꞌicr li cuan chirix. Quixbas ru ut chiru aꞌan quixsacꞌ li haꞌ. Ut li nimaꞌ quixjach rib. Laj Elías ut laj Eliseo queꞌnumeꞌ jun pacꞌal li nimaꞌ ut chaki li chꞌochꞌ li queꞌnumeꞌ cuiꞌ.

Isaías 23:11

Li Ka̱cuaꞌ quixyeꞌ li rukꞌ saꞌ xbe̱n li palau ut eb li cuanqueb xcuanquil nequeꞌsicsot xban xxiuheb. Quixye nak ta̱sachekꞌ xcuanquileb li tenamit li nequeꞌxcol cuiꞌ ribeb laj Canaán.

Isaías 43:16

Najter kꞌe cutan la̱in quexinqꞌue chi numecꞌ saꞌ li palau. La̱in quinramoc re li haꞌ re nak incꞌaꞌ chic ta̱be̱k.

Isaías 50:2

¿Cꞌaꞌut nak ma̱ ani xintau nak xincꞌulun? ¿Cꞌaꞌut nak incꞌaꞌ xine̱sume nak xexinbok? ¿Ma xecꞌoxla nak la̱in incꞌaꞌ xru xexintenkꞌa? ¿Ma xecꞌoxla nak la̱in ma̱cꞌaꞌ incuanquil re e̱colbal? ¿Ma incꞌaꞌ nequenau nak yal riqꞌuin li cua̱tin ninchakihobresi li palau ut ninsukꞌisi li nimaꞌ chokꞌ chaki chꞌochꞌ? Ut eb li car nequeꞌcam ut nequeꞌkꞌa xban nak ma̱cꞌaꞌ chic li haꞌ.

Isaías 63:13

¿Ma ma̱cuaꞌ ta biꞌ li Dios li quiberesin reheb saꞌ xchamal li palau? Queꞌnumeꞌ jun pacꞌal ut incꞌaꞌ queꞌxtich li rokeb. Chanchaneb li cacua̱y nak nanumeꞌ saꞌ li ru takꞌa.

Habacuc 3:8

At nimajcual Dios, ¿ma yo̱ ta biꞌ a̱joskꞌil saꞌ xbe̱n li nimaꞌ nak xaxakab li haꞌ? ¿Ma yo̱ ta biꞌ a̱joskꞌil saꞌ xbe̱n li palau nak xajach ru? La̱at xaba̱nu aꞌan re xcolbaleb la̱ tenamit nak queꞌnumeꞌ jun pacꞌal li haꞌ chirixeb lix cacua̱y ut saꞌ eb lix carruaje.

Li xHu LAJ JOB 38:24

¿Ma nacanau bar nachal chak li cutan nak naxjeqꞌui rib saꞌ ruchichꞌochꞌ? Ut, ¿ma nacanau chanru nak naxjecꞌ rib li ikꞌ li nachal bar na-el cuiꞌ chak li sakꞌe?

Salmos 148:8

Cheꞌxqꞌuehak ta xlokꞌal li Ka̱cuaꞌ li ca̱k, li sakbach, li ratzꞌam que ut li xchuꞌque, joꞌ ajcuiꞌ li ca̱k-sut-ikꞌ li na-abin chiru.

Isaías 44:27

Cui la̱in tinye nak ta̱chakik li palau, ta̱chakik. Ut cui tinye nak teꞌchakik li nimaꞌ, teꞌchakik ajcuiꞌ.