Éxodo 14:19 - Li Santil hu

¹⁹ Ut lix ángel li Dios li yo̱ chi cꞌamoc be chiruheb laj Israel quixjal xnaꞌaj. Quicana chi ixbej. Joꞌcan ajcuiꞌ li chok co̱ chi ixbej.

Q'eqchi Bible

¹⁹ Toja' naq li x'ánjel li Yos li yo chi k'amok xb'eheb' laj Israel kixjal xna'aj ut kiq'axonk chirixeb'. Jo'kan ajwi' li choql li wank chi uub'ej ki'elk aran ut koxk'e rib' chi ixb'ej:

Éxodo 14:19 ပူးပေါင်းရင်းမြစ်များ

Isaías 63:9

Quiyotꞌeꞌ xchꞌo̱l li Ka̱cuaꞌ xban li raylal li yo̱queb chixcꞌulbal eb laj Israel. Ut lix takl, aꞌan li quicoloc reheb. Xban nak li Dios naxraheb ut naruxta̱na ruheb, joꞌcan nak quixcoleb. Ut aꞌan qui-iloc chak reheb chalen chak najter.

Éxodo 32:34

Ayu. Cuben ut tatcꞌamok be chiruheb li tenamit. Texxic saꞌ li naꞌajej xinye a̱cue. Ut lin ángel ta̱cꞌamok be cha̱cuu. Aban nak ta̱cuulak xkꞌehil tinrakok a̱tin saꞌ xbe̱neb, aran teꞌxtoj lix ma̱queb, chan li Dios.

Números 20:16

Nak kaya̱ba xcꞌabaꞌ li Ka̱cuaꞌ, quirabi li katij ut quixtakla jun lix ángel chikisinquil aran Egipto. Anakcuan cuanco Cades, li tenamit li cuan nachꞌ riqꞌuin lix nuba̱l la̱ naꞌaj.

Éxodo 14:24

Nak yo̱ chi sake̱uc cuan li Ka̱cuaꞌ Dios saꞌ li chok ut saꞌ li xam. Quirileb laj Egipto ut quixtakla li raylal saꞌ xbe̱neb.

Éxodo 14:20

Li chok quicana saꞌ xyiheb laj Israel ut laj Egipto. Chi joꞌcan quikꞌojyi̱noꞌ lix beheb laj Egipto ut eb laj Israel cutan yo̱queb cuiꞌ chi xic. Quinumeꞌ li kꞌojyi̱n ut incꞌaꞌ queꞌcuulac cuanqueb cuiꞌ laj Israel.

Salmos 77:20

La̱at caberesiheb la̱ tenamit joꞌ nak nequeꞌberesi̱c li carner. Ut caqꞌueheb laj Moisés ut laj Aarón chi cꞌamoc be chiruheb.

Salmos 78:53

Quixcꞌameb ut quirileb re nak incꞌaꞌ teꞌxucuak. Ut eb li xicꞌ nequeꞌiloc reheb, quixqꞌueheb chi osocꞌ saꞌ li palau.

Isaías 52:12

Abanan moco saꞌ a̱nil ta tex-e̱lk, chi moco tex-e̱lelik nak tex-e̱lk. Li Ka̱cuaꞌ aꞌan li ta̱cꞌamok be che̱ru ut aꞌan ajcuiꞌ li ta̱ilok e̱re.

Isaías 58:8

Cui te̱ba̱nu chixjunil aꞌin, la̱in tin-osobtesi̱nk e̱re ut ta̱qꞌuehekꞌ e̱lokꞌal joꞌ nak nasake̱u li cutan. La̱in texinqꞌuirtesi saꞌ junpa̱t. Saꞌ ti̱quilal tincꞌamok be che̱ru ut lin lokꞌal junelic cua̱nk e̱riqꞌuin.

Oseas 12:13

Li Ka̱cuaꞌ riqꞌuin profeta quirisiheb chak laj Israel aran Egipto. Ut riqꞌuin profeta, quixberesiheb.

Zacarías 12:8

Saꞌ eb li cutan aꞌan li Ka̱cuaꞌ tixcoleb li cuanqueb Jerusalén. Eb li ma̱cꞌaꞌeb xcuanquil saꞌ xya̱nkeb, cauhakeb chic ribeb joꞌ laj David. Eb li ralal xcꞌajol laj David chanchanakeb li Dios ut chanchanakeb lix ángel li Ka̱cuaꞌ li nacꞌamoc be chiruheb.

Miqueas 2:13

Li Ka̱cuaꞌ Dios ta̱colok reheb chiruheb li tenamit li queꞌnumta saꞌ xbe̱neb. Chanchan nak yo̱ chixtebal li be chiruheb nak ta̱risiheb saꞌ xya̱nkeb li xicꞌ nequeꞌiloc reheb. Ut li Ka̱cuaꞌ, aꞌan ta̱cꞌamok be chiruheb ut aꞌanak lix reyeb.