Éxodo 14:17 - Li Santil hu

¹⁷ La̱in tincacuubresi xchꞌo̱leb laj Egipto re nak teꞌxic che̱rix. Ut riqꞌuin li tinba̱nu riqꞌuineb laj faraón joꞌ eb ajcuiꞌ chixjunileb lix soldado, joꞌ ajcuiꞌ eb lix carruaje, kꞌaxal cuiꞌchic teꞌxqꞌue inlokꞌal eb laj Israel.

Q'eqchi Bible

¹⁷ K'e reetal, laa'in tinkawub'resi xch'ooleb' laj Ejiipt re naq te'xik cherix. Toja' naq taanimaaq inloq'al naq tinsach xwankil laj Parahón ut chixjunileb' laj puub', li xb'eleb'aal ch'iich' ut li wankeb' chirixeb' li kawaay.

Éxodo 14:17 ပူးပေါင်းရင်းမြစ်များ

Éxodo 14:8

Li Ka̱cuaꞌ Dios quixcacuubresi xchꞌo̱l laj faraón lix reyeb laj Egipto re nak tixta̱keheb laj Israel. Ut eb laj Israel nequeꞌtzololnac chi xic. Ut li Ka̱cuaꞌ Dios yo̱ chi cꞌamoc be chiruheb riqꞌuin lix nimal xcuanquilal.

Éxodo 14:4

Ut la̱in tincacuubresi xchꞌo̱l laj faraón ut laj faraón texta̱ke la̱ex aj Israel re nak texsukꞌisi chak. Ut kꞌaxal cuiꞌchic ta̱nimobresi̱k lin cꞌabaꞌ xban laj faraón ut eb lix soldado. Ut eb laj Egipto teꞌxnau nak la̱in li Ka̱cuaꞌ Dios, chan li Dios re laj Moisés. Ut eb laj Israel queꞌxba̱nu joꞌ quixye li Ka̱cuaꞌ Dios.

Ezequiel 34:20

Joꞌcan nak la̱in ninye e̱re nak tinrakok a̱tin saꞌ xbe̱neb li carner. Tincuisiheb li ni̱nkeb xtibel saꞌ xya̱nkeb li bakeb.

Ezequiel 34:11

Joꞌcaꞌin quixye li nimajcual Dios: —Abihomak li tinye e̱re. La̱in tebinsicꞌ lin carner toj retal tebintau ut la̱in chic tin-ilok reheb xban nak la̱in ninnauheb ru.

Deuteronomio 32:39

¿Ma incꞌaꞌ nequenau nak la̱in li Ka̱cuaꞌ Dios? Ma̱cꞌaꞌ chic junak dios chicuu la̱in. Caꞌaj cuiꞌ la̱in. La̱in nincamsin ut la̱in ninqꞌuehoc yuꞌam. La̱in ninqꞌuehoc raylal ut la̱in ninbanoc. Ut ma̱ ani ta̱ru̱k tixcol rib saꞌ cuukꞌ.

Ezequiel 6:3

Joꞌcaꞌin ta̱ye reheb li tzu̱l li cuanqueb Israel: Cherabihak li ra̱tin li Ka̱cuaꞌ. Joꞌcaꞌin xye li Ka̱cuaꞌ reheb li tzu̱l ut eb li bol joꞌ ajcuiꞌ eb li nimaꞌ ut eb li ru takꞌa. La̱in tintakla chak saꞌ e̱be̱n li raylal. Tinsach ruheb saꞌ li ple̱t li naꞌajej li najteb xteram li nequeꞌxlokꞌoni cuiꞌ li jalanil dios.

Ezequiel 5:8

Joꞌcan nak la̱in li Ka̱cuaꞌ ninye e̱re: —La̱in yo̱ injoskꞌil saꞌ e̱be̱n la̱ex aj Jerusalén. Texinqꞌue chixtojbal e̱ma̱c chiruheb li xni̱nkal tenamit.

Isaías 51:12

Li Ka̱cuaꞌ quixye: —La̱in li Ka̱cuaꞌ ninqꞌuehoc xcacuilal a̱chꞌo̱l. ¿Cꞌaꞌut nak nacaxucua ruheb li cui̱nk li nequeꞌcam? Eb aꞌan teꞌosokꞌ joꞌ li pim.

Isaías 48:15

La̱in xinyehoc re ut la̱in xinxakaban re ut la̱in tintakla̱nk re. Ut li cꞌaꞌru tixba̱nu, us ta̱e̱lk chiru.

Oseas 5:14

La̱in tincꞌut lin joskꞌil chiruheb li ralal xcꞌajol laj Efraín. Chanchanakin li cakcoj nak tinrahobtesiheb. Chanchanakin li ral li cakcoj nak tinrahobtesiheb li ralal xcꞌajol laj Judá. Joꞌ nak naxchap lix tib li cakcoj, joꞌcan ajcuiꞌ tinba̱nu la̱in riqꞌuineb. La̱in tinqꞌueheb saꞌ raylal ut tincanabeb xjuneseb ut ma̱ ani ta̱ru̱k ta̱colok reheb saꞌ cuukꞌ.

Jeremías 23:39

la̱at ta̱ye reheb nak la̱in tintzꞌekta̱naheb ut tintzꞌekta̱na ajcuiꞌ li tenamit li xinqꞌue reheb aꞌan ut reheb ajcuiꞌ lix xeꞌto̱nil yucuaꞌ.

Levítico 26:28

ta̱numta̱k lin joskꞌil saꞌ e̱be̱n. Cuukub sut chic li raylal li tinqꞌue saꞌ e̱be̱n.

Éxodo 7:3

La̱in tincacuubresi xchꞌo̱l laj faraón. Nabal incuanquilal tincꞌutbesi saꞌ li tenamit Egipto.

Éxodo 4:23

Xinye a̱cue nak ta̱canabeb chi xic eb laj Israel re nak teꞌcꞌanjelak chicuu. Cui incꞌaꞌ nacacanabeb chi xic, la̱in tincamsi li xbe̱n a̱cualal, chaꞌkat re laj faraón,” chan li Dios re laj Moisés.

Génesis 9:9

—Abihomak li cꞌaꞌru tinye e̱re. La̱in tinba̱nu jun li contrato e̱riqꞌuin la̱ex ut riqꞌuineb ajcuiꞌ le̱ ralal e̱cꞌajol.

Génesis 6:17

Ut la̱in tinqꞌue li nimla butꞌi haꞌ saꞌ ruchichꞌochꞌ, re nak teꞌosokꞌ chixjunil li cuanqueb jun sut rubel choxa. Chixjunil li cuanqueb saꞌ ruchichꞌochꞌ talajeꞌca̱mk.

Romanos 9:18

Joꞌcan nak li Dios naril xtokꞌoba̱l ru li ani naraj xtokꞌobanquil ru ut naxcacuubresi xchꞌo̱l li ani naraj xcacuubresinquil xchꞌo̱l saꞌ li ma̱usilal.

Éxodo 14:23

Ut chixjunileb lix soldado laj faraón joꞌ eb ajcuiꞌ lix carruaje yo̱queb chixta̱kenquileb laj Israel. Queꞌoc ajcuiꞌ saꞌ xyi li palau saꞌ li chaki be.

Levítico 10:3

Tojoꞌnak laj Moisés quixye re laj Aarón: —Aꞌan aꞌin li quiraj xyebal li Ka̱cuaꞌ nak quixye: “Ta̱cꞌutu̱nk lin santilal chiruheb li ani nequeꞌxba̱nu li cꞌaꞌru ninye. Ut chiruheb chixjunileb li tenamit ta̱qꞌuehekꞌ inlokꞌal.”— Ut laj Aarón incꞌaꞌ quichakꞌoc nak quirabi li cꞌaꞌru quixye.

Josué 11:20

Li Ka̱cuaꞌ quixcacuubresi lix chꞌo̱leb li tenamit li cuanqueb Canaán re nak teꞌpletik, re nak teꞌsachekꞌ ruheb chixjunileb xbaneb laj Israel. Li Ka̱cuaꞌ Dios ac quixye re laj Moisés nak incꞌaꞌ teꞌril xtokꞌoba̱l ruheb. Teꞌxcamsiheb ban chixjunileb.

1 Samuel 6:6

¿Cꞌaꞌut nak te̱cacuubresi le̱ chꞌo̱l joꞌ queꞌxba̱nu laj Egipto ut laj faraón? Eb aꞌan nabal li raylal quiqꞌueheꞌ saꞌ xbe̱neb xban li Dios, tojoꞌnak queꞌxcanabeb laj Israel chi e̱lc saꞌ lix tenamiteb.

Génesis 50:9

Queꞌco̱eb ajcuiꞌ nabal li soldados saꞌ eb li carre̱t ut nabaleb ajcuiꞌ queꞌco̱eb chirix cacua̱y. Chi joꞌcaꞌin numtajenak xqꞌuialeb laj mukunel li queꞌco̱eb.

Éxodo 4:21

Li Ka̱cuaꞌ Dios quixye ajcuiꞌ re laj Moisés: —Nak cua̱nkat aran Egipto, ta̱ba̱nu chiru laj faraón chixjunil li cꞌaꞌru xinye a̱cue ut xinqꞌue a̱cuanquilal chixba̱nunquil. La̱in tinqꞌue xcacuil xchꞌo̱l laj faraón re nak incꞌaꞌ tixcanabeb chi e̱lc eb laj Israel.

Jueces 4:7

La̱in tinba̱nu̱nk re nak teꞌcha̱lk laj Sísara cuan cuiꞌ li nimaꞌ Cisón. Laj Sísara, aꞌan li nacꞌamoc be chiruheb lix soldado li rey Jabín. Teꞌcha̱lk chi pletic e̱riqꞌuin rochbeneb lix soldado ut lix carruaje re pletic. La̱in tatinqꞌue chi numta̱c saꞌ xbe̱neb,” chan li Ka̱cuaꞌ.—

Ezequiel 28:22

Ta̱ye reheb: Joꞌcaꞌin xye li Ka̱cuaꞌ li nimajcual Dios. La̱in yo̱ injoskꞌil saꞌ e̱be̱n la̱ex aj Sidón. Riqꞌuin li tinba̱nu ta̱qꞌuehekꞌ inlokꞌal. La̱in tinrakok a̱tin saꞌ e̱be̱n la̱ex aj Sidón ut riqꞌuin aꞌan te̱qꞌue retal nak la̱in li Ka̱cuaꞌ li nimajcual Dios ut ta̱cꞌutu̱nk lin santilal.