Éxodo 14:16 - Li Santil hu

¹⁶ La̱at ta̱taksi la̱ xukꞌ ut ta̱teleb la̱ cuukꞌ saꞌ xbe̱n li palau re nak tixjach rib li haꞌ. Tincanab chi chaki le̱ be re nak texnumekꞌ saꞌ li palau.

Q'eqchi Bible

¹⁶ Ut laa'at, taqsi laaxuq', ye' laawuq' sa' xb'een li palaw re naq tixjach rib'; chi jo'kan eb' laj Israel te'ok sa' li palaw chi chaqi ru li b'e.

Éxodo 14:16 ပူးပေါင်းရင်းမြစ်များ

Éxodo 7:19

Li Dios quixye ajcuiꞌ re laj Moisés: —Ta̱ye re laj Aarón, “Yeꞌ la̱ xukꞌ saꞌ xbe̱neb li haꞌ li cuan Egipto, saꞌ xbe̱neb li nimaꞌ, li cocꞌ rok haꞌ, joꞌ eb ajcuiꞌ li palau re nak ta̱quicꞌokꞌ. Yalak bar naxocman cuiꞌ li haꞌ saꞌ li tenamit Egipto, junes quicꞌ chic ta̱tauma̱nk,” chan.

Éxodo 14:26

Tojoꞌnak li Ka̱cuaꞌ Dios quixye re laj Moisés: —Teleb la̱ cuukꞌ saꞌ xbe̱n li palau re nak tixjunaji rib li haꞌ ut ta̱xic saꞌ xbe̱neb laj Egipto rochbeneb lix carruaje, chan.

Éxodo 4:20

Tojoꞌnak laj Moisés quixqꞌue li rixakil joꞌ eb ajcuiꞌ li ralal chirixeb lix bu̱reb. Ut queꞌco̱eb Egipto. Quixcꞌam ajcuiꞌ saꞌ rukꞌ lix xukꞌ li quiqꞌueheꞌ re xban li Dios.

Éxodo 4:17

Ut li xukꞌ aꞌin ta̱cꞌam saꞌ a̱cuukꞌ ut riqꞌuin aꞌan ta̱ba̱nu li naꞌleb li xincꞌut cha̱cuu, chan li Dios re.

Éxodo 4:2

Li Dios quixye re: —¿Cꞌaꞌru li cuan saꞌ a̱cuukꞌ? chan. —Jun li xukꞌ, chan laj Moisés.

Isaías 10:26

Ut li nimajcual Dios tixqꞌueheb chixtojbal xma̱queb joꞌ quixba̱nu reheb laj Madián nak quixcamsiheb saꞌ li sako̱nac li cuan aran Oreb. Tixcꞌut lix cuanquil chiruheb laj Asiria joꞌ nak quixcꞌut chiruheb laj Egipto nak queꞌoc chi numecꞌ saꞌ li Caki Palau.

Éxodo 7:9

—Cui laj faraón tixye e̱re “Cꞌutumak chicuu le̱ cuanquil”, tojoꞌnak la̱at, at Moisés, ta̱ye re laj Aarón “Cut la̱ xukꞌ chi rok laj faraón” ut la̱ xukꞌ ta̱sukꞌi̱k chokꞌ cꞌantiꞌ, chan li Dios.

Números 20:11

Quixtaksi li xukꞌ ut quixsacꞌ li pec caꞌ sut ut nabal li haꞌ qui-el saꞌ li sako̱nac. Chixjunileb li tenamit queꞌucꞌac joꞌqueb ajcuiꞌ li queto̱mk.

Éxodo 14:15

Ut li Ka̱cuaꞌ Dios quixye re laj Moisés: —¿Cꞌaꞌru nequeroybeni? Ye reheb li cristian nak xicakeb.

Éxodo 17:5

Ut li Ka̱cuaꞌ Dios quixye re laj Moisés: —Ayu. Numen chiruheb li tenamit. Cꞌameb cha̱cuix li cui̱nk li nequeꞌcꞌamoc be saꞌ xya̱nkeb. Ut ta̱cꞌam la̱ xukꞌ saꞌ a̱cuukꞌ li xataksi saꞌ xbe̱n li nimaꞌ Nilo xcꞌabaꞌ.

Éxodo 17:6

Aran toxina̱tau saꞌ li nimla pec li cuan saꞌ li naꞌajej Horeb. Ta̱sacꞌ li pec ut ta̱e̱lk chak li haꞌ saꞌ li pec re nak naru teꞌucꞌak, chan li Dios. Ut eb li cui̱nk yo̱queb chi rilbal nak laj Moisés quixba̱nu joꞌ quitakla̱c cuiꞌ xban li Dios.

Josué 8:18

Ut li Ka̱cuaꞌ Dios quixye re laj Josué: —Taksi la̱ chꞌi̱chꞌ cuan saꞌ la̱ cuukꞌ re xyebal reheb nak teꞌoc saꞌ li tenamit xban nak la̱in tinkꞌaxtesi e̱re li tenamit Hai, chan. Laj Josué quixtaksi lix chꞌi̱chꞌ cuan saꞌ rukꞌ saꞌ xbe̱n li tenamit Hai.

2 Reyes 4:29

Laj Eliseo quixye re laj Giezi: —Yi̱b a̱cuib ut tatxic saꞌ rochoch li ixk. Cꞌam lin xukꞌ. Cui ani ta̱a̱tina̱nk a̱cue, ma̱sume. Ti̱c ban tatxic. Ut ta̱qꞌue lin xukꞌ saꞌ xnakꞌ ru li chꞌina al, chan.

Habacuc 3:8

At nimajcual Dios, ¿ma yo̱ ta biꞌ a̱joskꞌil saꞌ xbe̱n li nimaꞌ nak xaxakab li haꞌ? ¿Ma yo̱ ta biꞌ a̱joskꞌil saꞌ xbe̱n li palau nak xajach ru? La̱at xaba̱nu aꞌan re xcolbaleb la̱ tenamit nak queꞌnumeꞌ jun pacꞌal li haꞌ chirixeb lix cacua̱y ut saꞌ eb lix carruaje.