Éxodo 14:14 - Li Santil hu

¹⁴ La̱ex mexcꞌoxlac. Ma̱cuaꞌ la̱ex texpletik. Li Ka̱cuaꞌ Dios ban ta̱pletik riqꞌuineb chokꞌ e̱ru̱chil, chan laj Moisés.

Q'eqchi Bible

¹⁴ Li Qaawa' taayaloq cherix. Mexk'oxlak”.

Éxodo 14:14 ပူးပေါင်းရင်းမြစ်များ

Deuteronomio 3:22

Mexxucuac xban nak moco e̱junes ta texpletik riqꞌuineb. Li Ka̱cuaꞌ le̱ Dios ban ta̱tenkꞌa̱nk e̱re chi pletic riqꞌuineb.

Deuteronomio 20:4

Li Ka̱cuaꞌ le̱ Dios, aꞌan li ta̱cua̱nk e̱riqꞌuin. Aꞌan ta̱tenkꞌa̱nk e̱re chi pletic riqꞌuineb li xicꞌ nequeꞌiloc e̱re re texnumta̱k saꞌ xbe̱neb.”

2 Crónicas 20:17

La̱ex incꞌaꞌ texpletik. Te̱xakab e̱rib aran ut incꞌaꞌ tex-ecꞌa̱nk. Cauhak taxak e̱chꞌo̱l xban nak te̱ril chanru nak li Dios texcol la̱ex aj Judá ut aj Jerusalén. Mexxucuac chi moco ta̱chꞌina̱nk e̱chꞌo̱l. Texxic cuulaj chixcꞌulbaleb ut li Dios cua̱nk e̱riqꞌuin, chan.

Josué 23:3

Ac xeril chixjunil li quixba̱nu li Ka̱cuaꞌ le̱ Dios reheb li tenamit aꞌin saꞌ e̱cꞌabaꞌ la̱ex. Li Ka̱cuaꞌ le̱ Dios, aꞌan li quitenkꞌan e̱re saꞌ li ple̱t.

Deuteronomio 1:30

Li Ka̱cuaꞌ le̱ Dios, aꞌan ta̱cꞌamok be che̱ru. Aꞌan ta̱tenkꞌa̱nk e̱re chi pletic, joꞌ nak quextenkꞌa nak cuanquex Egipto. La̱ex queqꞌue retal cꞌaꞌru quixba̱nu.

Josué 23:10

Jun li cui̱nk saꞌ e̱ya̱nk naru ta̱ra̱linaheb jun mil chi cui̱nk, usta jun ajcuiꞌ, xban nak li Ka̱cuaꞌ le̱ Dios yo̱ che̱tenkꞌanquil chi pletic joꞌ quixyechiꞌi e̱re junxil.

Isaías 30:15

Ut quixye ajcuiꞌ li Ka̱cuaꞌ li Dios Santo li nequeꞌxlokꞌoni eb laj Israel: —Sukꞌinkex cuiqꞌuin. Cꞌojobomak le̱ chꞌo̱l cuiqꞌuin ut texcolekꞌ. Cui la̱ex tex-oybeni̱nk cuiqꞌuin, te̱tau le̱ cacuilal, chan li Dios. Abanan la̱ex incꞌaꞌ queraj.

2 Crónicas 20:29

Ut chixjunileb li ni̱nki tenamit cꞌajoꞌ nak queꞌxucuac nak queꞌrabi resil chanru nak li Ka̱cuaꞌ quipletic riqꞌuineb li xicꞌ nequeꞌiloc reheb laj Israel.

Salmos 50:3

Ta̱cuulak xkꞌehil nak li Ka̱cuaꞌ li kaDios ta̱cha̱lk chi rakoc a̱tin saꞌ xbe̱n chixjunil. Chanchan li xam ut li ca̱k-sut-ikꞌ nak ta̱cha̱lk chi rakoc a̱tin riqꞌuin xnimal xcuanquil.

Éxodo 15:3

Li Dios numtajenak xcuanquil saꞌ xbe̱neb li xicꞌ nequeꞌiloc ke. Ka̱cuaꞌ Dios xcꞌabaꞌ.

Éxodo 14:25

Ut eb li carruaje queꞌxtiquib tꞌilc. Chꞌaꞌaj chic nak yo̱queb chi xic. Eb laj Egipto queꞌxucuac ut queꞌxye chi ribileb rib: —Us tosukꞌi̱k. Us toe̱lelik chiruheb laj Israel. Li Ka̱cuaꞌ Dios yo̱ xtenkꞌanquileb aꞌan ut la̱o aj Egipto xicꞌ yo̱ chikilbal, chanqueb.

Nehemías 4:20

Li bar te̱rabi cuiꞌ chi ecꞌa̱nc li trompeta, aran texxic chixchꞌutubanquil e̱rib kiqꞌuin. Ut li Ka̱cuaꞌ li kaDios, aꞌan ta̱tenkꞌa̱nk ke chi pletic, chanquin reheb.

Salmos 83:1

At Ka̱cuaꞌ, choa̱cuabi taxak ut ma̱canab ta yal chi joꞌcan li cꞌaꞌru yo̱co chixtzꞌa̱manquil cha̱cuu. Chasume ban li katij.

Josué 10:42

Saꞌ li ple̱t aꞌan laj Josué quinumta saꞌ xbe̱neb chixjunileb li rey ut queꞌre̱chani lix naꞌajeb xban nak li Ka̱cuaꞌ yo̱ chi tenkꞌa̱nc reheb laj Israel.

Josué 10:14

Ma̱ jun sut quicꞌulman chi joꞌcan joꞌ li quicꞌulman saꞌ li cutan aꞌan, chi moco junxil chi moco mokon. Li Dios quixsume lix tij laj Josué, usta yal cui̱nk, ut quixtenkꞌaheb laj Israel chi numta̱c saꞌ xbe̱neb li xicꞌ nequeꞌiloc reheb.

Josué 10:10

Li Ka̱cuaꞌ Dios quirocsi xxiuheb laj amorreo nak queꞌril eb laj Israel. Ut nabaleb li cuanqueb Gabaón queꞌcamsi̱c. Ut li incꞌaꞌ queꞌcam, queꞌa̱linac ut eb laj Israel queꞌxta̱keheb toj saꞌ li naꞌajej Bet-horón. Ut cuanqueb cuiꞌchic li queꞌcamsi̱c nak yo̱queb chi numecꞌ saꞌ eb li naꞌajej Azeca ut Maceda.

Jueces 5:20

Eb li chahim li cuanqueb saꞌ choxa queꞌpletic. Nak queꞌxbeni ribeb chiru choxa queꞌpletic riqꞌuin laj Sísara.

Éxodo 14:15

Ut li Ka̱cuaꞌ Dios quixye re laj Moisés: —¿Cꞌaꞌru nequeroybeni? Ye reheb li cristian nak xicakeb.

1 Samuel 4:7

Cꞌajoꞌ nak queꞌxucuac ut queꞌxye: —Li Dios cuan saꞌ xya̱nkeb. Ma̱ jun sut quicꞌulman joꞌ aꞌin. Anakcuan xo-osoꞌ.

2 Crónicas 20:15

Laj Jahaziel quixye reheb: —Chacuabihak, at rey Josafat. Ut cherabihak ajcuiꞌ la̱ex li cuanquex Judá ut Jerusalén. Li Ka̱cuaꞌ yo̱ chixyebal e̱re chi joꞌcaꞌin, “Mexxucuac, chi moco chi-oc e̱cꞌaꞌux chirilbal li qꞌuila tenamit li xeꞌchal chi pletic e̱riqꞌuin xban nak ma̱cuaꞌ la̱ex texpletik. Li Dios ban ta̱pletik riqꞌuineb.”

Nehemías 4:14

Ut nak queꞌcuil nak cuanqueb saꞌ xnaꞌajeb, quinxakli chiruheb ut quina̱tinac riqꞌuineb li queꞌtaklan ut eb li queꞌcꞌamoc be joꞌqueb ajcuiꞌ chixjunileb li tenamit. Quinye reheb: —Mexxucuac chiruheb. Julticak e̱re nak li Ka̱cuaꞌ li nakaxucua ru, aꞌan kꞌaxal nim xcuanquil. Pletinkex re xcolbaleb le̱ rech tenamitil, ut le̱ ralal e̱cꞌajol ut re ajcuiꞌ xcolbal rix le̱ rixakil joꞌ ajcuiꞌ le̱ jun cablal, chanquin reheb.

Nehemías 9:11

La̱at cajach li palau chi ribil re nak chaki li chꞌochꞌ teꞌnumekꞌ cuiꞌ laj Israel saꞌ xyi li palau. Ut eb li yo̱queb chi ta̱ke̱nc reheb re teꞌxchap, casach ruheb saꞌ li haꞌ. Chanchan nak nacuteꞌ junak nimla pec saꞌ xchamal li haꞌ nak queꞌosoꞌ.

Salmos 35:1

At Ka̱cuaꞌ, sumeheb la̱at li teꞌraj pletic cuiqꞌuin. Ut la̱at taxak tatsume̱nk reheb.

Lamentaciones 3:26

Kꞌaxal us nak junak ta̱roybeni nak ta̱tenkꞌa̱k xban li Ka̱cuaꞌ. Ut incꞌaꞌ yo̱k chixcuechꞌinquil li cꞌaꞌru naxba̱nu.