Éxodo 14:13 - Li Santil hu

¹³ Laj Moisés quixye reheb: —Mexxucuac. Cacuubresihomak ban e̱chꞌo̱l. Ho̱n nequeril chanru nak tocolekꞌ xban li Ka̱cuaꞌ Dios. Eb laj Egipto li yo̱quex chi rilbal anakcuan ma̱ jun cua chic te̱ril ruheb.

Q'eqchi Bible

¹³ Kichaq'ok laj Moisés ut kixye reheb' li tenamit: “Mexxiwak, kawaq eech'ool ut teeril li kolb'a ib' tixk'e eere li Qaawa' sa' li kutan a'in. Xb'aan naq eb' laj Ejiipt li yookex chi rilb'al anaqwan, maajun wa chik teerileb' ru.

Éxodo 14:13 ပူးပေါင်းရင်းမြစ်များ

2 Crónicas 20:17

La̱ex incꞌaꞌ texpletik. Te̱xakab e̱rib aran ut incꞌaꞌ tex-ecꞌa̱nk. Cauhak taxak e̱chꞌo̱l xban nak te̱ril chanru nak li Dios texcol la̱ex aj Judá ut aj Jerusalén. Mexxucuac chi moco ta̱chꞌina̱nk e̱chꞌo̱l. Texxic cuulaj chixcꞌulbaleb ut li Dios cua̱nk e̱riqꞌuin, chan.

2 Crónicas 20:15

Laj Jahaziel quixye reheb: —Chacuabihak, at rey Josafat. Ut cherabihak ajcuiꞌ la̱ex li cuanquex Judá ut Jerusalén. Li Ka̱cuaꞌ yo̱ chixyebal e̱re chi joꞌcaꞌin, “Mexxucuac, chi moco chi-oc e̱cꞌaꞌux chirilbal li qꞌuila tenamit li xeꞌchal chi pletic e̱riqꞌuin xban nak ma̱cuaꞌ la̱ex texpletik. Li Dios ban ta̱pletik riqꞌuineb.”

Éxodo 14:30

Joꞌcaꞌin nak li Ka̱cuaꞌ Dios quixcoleb laj Israel saꞌ rukꞌeb laj Egipto saꞌ li cutan aꞌan. Ut xban xcuanquil li Ka̱cuaꞌ Dios, eb laj Egipto queꞌcam saꞌ li palau. Eb laj Israel queꞌril nak camenakeb chic laj Egipto chire li palau.

2 Reyes 6:16

Lix profeta li Dios quixye re: —Matxucuac. Kꞌaxal nabal li teꞌoque̱nk chikix la̱o chiru li teꞌoque̱nk chirix eb aꞌan, chan.

Isaías 35:4

Qꞌuehomak xcacuil xchꞌo̱leb li yo̱queb chi lucta̱c. Yehomak reheb: —Cacuubresihomak e̱chꞌo̱l. Mexxucuac. Li Ka̱cuaꞌ ta̱colok e̱re ut tixqꞌueheb chixtojbal lix ma̱queb li xicꞌ nequeꞌiloc e̱re.—

Lamentaciones 3:26

Kꞌaxal us nak junak ta̱roybeni nak ta̱tenkꞌa̱k xban li Ka̱cuaꞌ. Ut incꞌaꞌ yo̱k chixcuechꞌinquil li cꞌaꞌru naxba̱nu.

Oseas 13:4

Li Ka̱cuaꞌ quixye: —La̱in li Ka̱cuaꞌ le̱ Dios li quin-isin chak e̱re Egipto. Ma̱cꞌaꞌ chic junak Dios chicuu la̱in chi moco cuan chic junak aj Colol e̱re. Caꞌaj cuiꞌ la̱in.

Habacuc 3:13

La̱at catchal chixcolbaleb la̱ tenamit ut chixcolbaleb li ac sicꞌbil ruheb a̱ban. Ut casach ru li nacꞌamoc be saꞌ xya̱nkeb li incꞌaꞌ useb xnaꞌleb. Ut casacheb ru chixjunileb li nequeꞌta̱ken re. Chanchan nak najuqꞌueꞌ jun li cab nak casach chixjunil.

Isaías 43:11

Caꞌaj cuiꞌ la̱in li nimajcual Dios. Caꞌaj cuiꞌ la̱in nincoloc.

Deuteronomio 20:3

Ut tixye reheb, “Abihomak la̱ex aj Israel. Anakcuan texxic chi pletic riqꞌuineb li xicꞌ nequeꞌiloc e̱re. Incꞌaꞌ ta̱chꞌina̱k e̱chꞌo̱l chi moco texxucuak. Incꞌaꞌ texcꞌoxlak chi moco ta̱sachk e̱chꞌo̱l xbaneb li xicꞌ nequeꞌiloc e̱re.

Números 14:9

Joꞌcan nak me̱kꞌetkꞌeti e̱rib chiru li Ka̱cuaꞌ ut mexxucuac chiruheb li tenamit li cuanqueb saꞌ li naꞌajej aꞌan xban nak la̱o tonumta̱k saꞌ xbe̱neb ut take̱chaniheb. Eb aꞌan ma̱ ani natenkꞌan reheb, abanan la̱o cuan li Ka̱cuaꞌ li nimajcual Dios kiqꞌuin chikatenkꞌanquil. Joꞌcan nak mexxucuac, chanqueb laj Josué ut laj Caleb.

Génesis 49:18

Ut laj Jacob quixye re li Ka̱cuaꞌ Dios: —At inDios, la̱in yo̱quin cha̱cuoybeninquil nak tatcha̱lk chincolbal, chan re li Dios.

Jeremías 3:23

Relic chi ya̱l nak ma̱cꞌaꞌ na-oc cuiꞌ li cꞌaꞌru xkaba̱nu chak saꞌ eb li tzu̱l. Junes choki̱nc xkaba̱nu. Relic chi ya̱l nak caꞌaj cuiꞌ la̱at li Ka̱cuaꞌ li kaDios naru nacatcoloc ke la̱o aj Israel.

Nehemías 9:9

Ut caqꞌue ajcuiꞌ retal chanru nak yo̱queb chi cꞌuluc raylal li kaxeꞌto̱nil yucuaꞌ aran Egipto ut cacuabi nak queꞌxya̱ba la̱ cꞌabaꞌ nak cuanqueb chire li Caki Palau.

Génesis 15:1

Chanchan matqꞌuec yo̱ laj Abram nak li Dios quixcꞌutbesi rib chiru saꞌ visión. Li Dios quixye re: —Matxucuac, Abram, xban nak la̱in tin-ilok a̱cue. Kꞌaxal numtajenak la̱ kꞌajca̱munquil tinqꞌue, chan li Dios.

Salmos 3:8

At Ka̱cuaꞌ, la̱at laj Colol ke. Choa̱cuosobtesi taxak la̱o la̱ tenamit.

Isaías 26:3

At Ka̱cuaꞌ, la̱at nacatqꞌuehoc reheb chi cua̱nc saꞌ usilal li nequeꞌcꞌoxlan a̱cue. Ma̱cꞌaꞌ nachꞌiꞌchꞌiꞌin reheb xban nak cauheb xchꞌo̱l a̱cuiqꞌuin.

San Mateo 28:5

Ut nak queꞌcuulac li ixk, li ángel quixye reheb: —Mexxucuac la̱ex. La̱in ninnau nak yo̱quex chixsicꞌbal li Jesús li quicam chiru cruz.

Isaías 30:15

Ut quixye ajcuiꞌ li Ka̱cuaꞌ li Dios Santo li nequeꞌxlokꞌoni eb laj Israel: —Sukꞌinkex cuiqꞌuin. Cꞌojobomak le̱ chꞌo̱l cuiqꞌuin ut texcolekꞌ. Cui la̱ex tex-oybeni̱nk cuiqꞌuin, te̱tau le̱ cacuilal, chan li Dios. Abanan la̱ex incꞌaꞌ queraj.

1 Crónicas 11:14

Laj Eleazar rochbeneb lix soldado queꞌxxakab ribeb saꞌ xyi li acui̱mk ut queꞌpletic riqꞌuineb laj filisteo re teꞌxcol ribeb. Queꞌpletic toj retal queꞌnumta saꞌ xbe̱neb xban nak li Ka̱cuaꞌ quitenkꞌan reheb.

Habacuc 3:8

At nimajcual Dios, ¿ma yo̱ ta biꞌ a̱joskꞌil saꞌ xbe̱n li nimaꞌ nak xaxakab li haꞌ? ¿Ma yo̱ ta biꞌ a̱joskꞌil saꞌ xbe̱n li palau nak xajach ru? La̱at xaba̱nu aꞌan re xcolbaleb la̱ tenamit nak queꞌnumeꞌ jun pacꞌal li haꞌ chirixeb lix cacua̱y ut saꞌ eb lix carruaje.

Oseas 13:9

Anakcuan xex-osoꞌ, la̱ex aj Israel. La̱in raj tintenkꞌa̱nk e̱re, abanan la̱ex xine̱tzꞌekta̱na.

Génesis 46:3

Ut li Ka̱cuaꞌ Dios quixye re: —La̱in li Ka̱cuaꞌ Dios li quixlokꞌoni la̱ yucuaꞌ. Matxucuac chi xic Egipto xban nak aran tinqꞌueheb chi qꞌuia̱nc nabaleb la̱ cualal a̱cꞌajol. Riqꞌuineb aꞌan ta̱cua̱nk jun nimla tenamit.

Éxodo 20:20

Laj Moisés quixye reheb: —Mexxucuac. Li Dios xchal chi xyalbal le̱ pa̱ba̱l. Usan cui te̱xucua ru li Dios ut incꞌaꞌ chic texma̱cobk, chan.

1 Samuel 11:13

Ut laj Saúl quixye reheb: —Ma̱ jun reheb laj Israel ta̱camsi̱k anakcuan xban nak saꞌ li cutan aꞌin li Ka̱cuaꞌ coxcol la̱o aj Israel, chan.

1 Samuel 12:16

Oybenihomak cuan toj te̱ril li sachba chꞌo̱lej li tixba̱nu li Dios che̱ru.

Isaías 7:4

Ut ta̱ye re, “Michꞌinan a̱chꞌo̱l. Cacuubresi ban a̱chꞌo̱l. Matxucuac chiruheb laj Rezín lix reyeb laj Siria ut li ralal laj Remalías, li yo̱ xjoskꞌileb saꞌ e̱be̱n xban nak eb aꞌan chanchaneb li ruꞌuj siꞌ li yo̱ xsibel,” chaꞌakat.—

Génesis 26:24

Saꞌ li kꞌojyi̱n aꞌan li Ka̱cuaꞌ Dios quixcꞌutbesi rib chiru laj Isaac ut quixye re: —La̱in li Ka̱cuaꞌ Dios li quinixlokꞌoni chak laj Abraham la̱ yucuaꞌ. Matxucuac. La̱in junelic tin-ilok a̱cue ut tatincuosobtesi. Ut tebinqꞌue ajcuiꞌ chi qꞌuia̱nc la̱ cualal a̱cꞌajol. Tinba̱nu aꞌin a̱cuiqꞌuin xban nak joꞌcaꞌin quinyechiꞌi chak re laj Abraham junxil, chan li Dios.

Salmos 68:21

Relic chi ya̱l li Ka̱cuaꞌ tixsacheb ru li xicꞌ nequeꞌiloc re. Tixsacheb chi junaj cua xban nak incꞌaꞌ nequeꞌxcanab ma̱cobc.

Salmos 78:53

Quixcꞌameb ut quirileb re nak incꞌaꞌ teꞌxucuak. Ut eb li xicꞌ nequeꞌiloc reheb, quixqꞌueheb chi osocꞌ saꞌ li palau.

Salmos 91:8

Yal ta̱cuil chanru nak teꞌqꞌuehekꞌ chixtojbal rix lix ma̱usilal li incꞌaꞌ useb xnaꞌleb.

Oseas 1:7

Abanan eb li ralal xcꞌajol laj Judá tincuil xtokꞌoba̱l ruheb. La̱in li Ka̱cuaꞌ lix Dioseb. La̱in tincolok reheb. Incꞌaꞌ tebincol riqꞌuin tzimaj, chi moco riqꞌuin chꞌi̱chꞌ, chi moco riqꞌuin pletic, chi moco riqꞌuineb cui̱nk li nequeꞌchal chirix cacua̱y chi pletic, chan li Ka̱cuaꞌ.