Éxodo 13:9 - Li Santil hu

⁹ Li ninkꞌe aꞌin ta̱cꞌanjelak chokꞌ e̱re re xjulticanquil nak junelic cua̱nk saꞌ e̱chꞌo̱l li ra̱tin li Dios. Te̱serakꞌi ajcuiꞌ li ra̱tin li Dios xban nak riqꞌuin lix nimal xcuanquilal, li Dios quexrisi chak saꞌ li tenamit Egipto.

Q'eqchi Bible

⁹ Ut a'an taak'anjelaq aawe cho'q reetalil sa' laawuq', jo' jun inpatz'b'al chawu, re naq li xchaq'rab' li Qaawa' chiwanq sa' laawe, xb'aan naq rik'in xkawilal li ruq' katrisi chaq li Qaawa' aran Ejiipt.

Éxodo 13:9 ပူးပေါင်းရင်းမြစ်များ

Deuteronomio 6:8

Te̱bacꞌ che̱rukꞌ li chakꞌrab aꞌin ut te̱bacꞌ ajcuiꞌ saꞌ e̱pe̱quem re nak junelic cua̱nk saꞌ e̱chꞌo̱l.

Números 15:39

Nak te̱ril lix sahob ru le̱ rakꞌ ta̱julticokꞌ e̱re chixjunil li chakꞌrab li quinqꞌue e̱re re te̱ba̱nu. Ut incꞌaꞌ te̱mux e̱rib riqꞌuin xba̱nunquil li nequeraj e̱junes joꞌ nequeꞌxba̱nu eb li ixk li nequeꞌxcꞌayi ribeb.

Éxodo 13:16

Li ninkꞌe aꞌan ta̱cꞌanjelak e̱re re xjulticanquil nak junelic cua̱nk saꞌ e̱chꞌo̱l li ra̱tin li Dios xban nak riqꞌuin lix nimal xcuanquil li Dios quexrisi chak Egipto, chan laj Moisés.

Éxodo 12:14

Chalen anakcuan rajlal chihab texninkꞌei̱k saꞌ incꞌabaꞌ saꞌ li ca̱laju xbe li xbe̱n po. Li ninkꞌe aꞌin, aꞌan re xjulticanquil chanru nak xexincol.

Romanos 10:8

Joꞌcaꞌin naxye li Santil Hu: Ac nequenau lix ya̱lal ut nequeserakꞌi resilal li quixye li Dios ut cuan ajcuiꞌ saꞌ le̱ chꞌo̱l. Lix ya̱lal aꞌan nak tento takapa̱b li Cristo ut aꞌan li pa̱ba̱l li nakachꞌolob xya̱lal che̱ru.

Isaías 59:21

Li Ka̱cuaꞌ quixye: —La̱in tinba̱nu jun li contrato e̱riqꞌuin. La̱in ninye nak lin musikꞌ ta̱cua̱nk e̱riqꞌuin. Ut li cua̱tin quinqꞌue e̱re ta̱cua̱nk saꞌ e̱chꞌo̱l chi junelic. Junelic te̱chꞌolob lix ya̱lal chiruheb le̱ ralal e̱cꞌajol ut eb le̱ ralal e̱cꞌajol teꞌxchꞌolob xya̱lal chiruheb li ralal xcꞌajoleb li teꞌcua̱nk mokon, chan li Dios.

San Mateo 23:5

Chixjunil li cꞌaꞌak re ru nequeꞌxba̱nu, aꞌan yal re nak teꞌilekꞌ xbaneb li cristian. Nequeꞌxyi̱b chi ni̱nk ru li cocꞌ ca̱x filacterias xcꞌabaꞌ bar nacuan cuiꞌ li chakꞌrab ut nequeꞌxbacꞌ saꞌ xpe̱quemeb ut saꞌ xteleb. Ut nacuulac chiruheb li rakꞌeb chi ni̱nk lix sahob ru chire.

Deuteronomio 30:14

Me̱ye chi joꞌcan xban nak li chakꞌrab cuan e̱riqꞌuin. Cuan chi xtzꞌu̱mal e̱re ut cuan saꞌ le̱ chꞌo̱l re nak ta̱ru̱k te̱ba̱nu li cꞌaꞌru naxye.

Éxodo 13:3

Laj Moisés quixye reheb: —Saꞌ li cutan aꞌin re li po Abib xcꞌabaꞌ, li Ka̱cuaꞌ Dios xexrisi chak saꞌ li tenamit Egipto bar quexcꞌanjelac cuiꞌ chak chokꞌ rahobtesinbil mo̱s. Rajlal chihab texninkꞌei̱k re xjulticanquil li cutan aꞌin, ut me̱cuaꞌ li caxlan cua li cuan xchꞌamal. Chijulticokꞌ e̱re nak riqꞌuin xnimal xcuanquil li Dios quexrisi chak saꞌ li tenamit aꞌan.

Apocalipsis 18:8

Joꞌcan nak chiru jun cutan talajeꞌcha̱lk li raylal saꞌ xbe̱n li tenamit aꞌan. Ta̱cha̱lk ca̱mc, ut ya̱bac ut cueꞌej saꞌ xbe̱neb. Li tenamit ta̱sachekꞌ ru riqꞌuin xam xban nak kꞌaxal nim xcuanquil li Ka̱cuaꞌ li ta̱rakok a̱tin saꞌ xbe̱neb, chan.

Joel 2:11

Joꞌcan ajcuiꞌ ta̱cꞌulma̱nk nak li Ka̱cuaꞌ ta̱a̱tinak chi cau xya̱b xcux riqꞌuineb lix soldado ut teꞌxba̱nu li cꞌaꞌru tixye. Kꞌaxal cuiꞌchic nabaleb ut cauheb rib. Ut kꞌaxal xiu xiu nak ta̱cuulak li cutan aꞌan nak li Ka̱cuaꞌ ta̱rakok a̱tin. ¿Ani ta biꞌ ta̱ru̱k tixcol rib chiru?

Jeremías 22:24

Li Ka̱cuaꞌ quixye re laj Jeconías li ralal laj Joacim lix reyeb laj Judá: —Saꞌ incꞌabaꞌ la̱in li yoꞌyo̱quil Dios, la̱in ninye a̱cue nak usta la̱at kꞌaxal lokꞌ chicuu joꞌ jun li matkꞌab li cuan saꞌ ruꞌuj cuukꞌ saꞌ lin nim, tatcuisi saꞌ cuukꞌ ut tatintzꞌekta̱na.

Isaías 51:9

Choa̱cuabi, at Ka̱cuaꞌ, ut choa̱tenkꞌa. Riqꞌuin lix nimal a̱cuanquil choa̱col joꞌ nak cacoleb la̱ tenamit najter. ¿Ma ma̱cuaꞌ ta biꞌ la̱at catcamsin re li nimla xul Rahab xcꞌabaꞌ li cuan saꞌ li palau ut pedasinbil cacanab?

Isaías 49:16

Junelic ban cua̱nkex saꞌ inchꞌo̱l. Chanchan nak tzꞌi̱banbil le̱ cꞌabaꞌ saꞌ li cuukꞌ. Junelic cuan saꞌ inchꞌo̱l li tzꞌac li sutsu cuiꞌ le̱ tenamit.

Isaías 40:10

Li Ka̱cuaꞌ Dios ta̱cha̱lk riqꞌuin xnimal xcuanquil ut aꞌan chic ta̱takla̱nk saꞌ xbe̱n chixjunil. Ut tixcꞌam chak lix kꞌajca̱munquileb li ac xcoleb.

Isaías 27:1

Saꞌ eb li cutan aꞌan li Ka̱cuaꞌ tixqꞌueheb chixtoj xma̱queb laj Leviatán li nimla xul li se̱b xchꞌo̱l chixba̱nunquil li incꞌaꞌ us, ut li nimla cꞌantiꞌ li naxkꞌotkꞌoti rib, joꞌ ajcuiꞌ li dragón li cuan saꞌ li palau. Riqꞌuin lix nimla chꞌi̱chꞌ cau tixcamsiheb.

Proverbios 3:21

Ex cualal incꞌajol, me̱canab xba̱nunquil li cha̱bil naꞌleb. Junelic ban cua̱nk saꞌ e̱chꞌo̱l li us.

Proverbios 1:9

Kꞌaxal lokꞌ chokꞌ e̱re nak tex-abi̱nk chiru le̱ naꞌ e̱yucuaꞌ. Chanchan nak ta̱qꞌuehekꞌ junak e̱kꞌol che̱cux ut junak corona saꞌ e̱jolom.

Salmos 89:13

Kꞌaxal nim la̱ cuanquil ut kꞌaxal cau a̱cuib. La̱at yal a̱cue saꞌ xbe̱n chixjunil xban nak nim a̱cuanquil.

Nehemías 1:10

Joꞌcan ut, at Ka̱cuaꞌ, misach saꞌ a̱chꞌo̱l xban nak la̱o aj cꞌanjel cha̱cuu. La̱o la̱ cualal a̱cꞌajol li coa̱col riqꞌuin la̱ cuanquilal ut riqꞌuin la̱ metzꞌe̱u.

Deuteronomio 6:6

Le̱ chakꞌrabinquil li yo̱quin chixyebal e̱re anakcuan, tento ta̱cana̱k saꞌ e̱chꞌo̱l.

Cantares 8:6

Junelic taxak cua̱nkin saꞌ a̱chꞌo̱l. Chanchan taxak tzꞌi̱banbilak lin cꞌabaꞌ chiru la̱ tel. La̱ rahom xnumta saꞌ inbe̱n. Incꞌaꞌ naru nincol cuib chiru. Chanchan li ca̱mc. Li rahoc chanchan jun li nimla xam.

Proverbios 7:23

Incꞌaꞌ naxnau nak yo̱ chixsachbal lix yuꞌam. Chanchan li xul narupupic. Naxic saꞌ junpa̱t chi tꞌanecꞌ saꞌ li raꞌal ut moco naxnau ta nak ta̱sachekꞌ ru xban li naxba̱nu.

Éxodo 3:20

La̱in tincꞌut lin cuanquil chiruheb laj Egipto. Tinrahobtesiheb ut riqꞌuin aꞌan texcanab chi e̱lc.

Éxodo 7:4

Ut laj faraón ti̱c incꞌaꞌ ta̱abi̱nk che̱ru. La̱in tinrakok a̱tin saꞌ xbe̱neb laj Egipto. Tintakla nabal raylal saꞌ xbe̱neb re nak ta̱ru̱k tincuisiheb lin tenamit Israel saꞌ xya̱nkeb laj Egipto.

Éxodo 13:14

Mokon chic le̱ ralal e̱cꞌajol teꞌxpatzꞌ e̱re cꞌaꞌru xya̱lal li nequeba̱nu. La̱ex te̱ye reheb, “Nakaba̱nu aꞌin re xjulticanquil nak riqꞌuin xnimal xcuanquilal li Dios corisi chak saꞌ li tenamit Egipto bar cocuan cuiꞌ chak chokꞌ rahobtesinbil mo̱s.

Salmos 136:12

Corisi chak riqꞌuin xnimal xcuanquil xban nak kꞌaxal nim li ruxta̱n saꞌ kabe̱n junelic.

Isaías 44:5

Cuanqueb li teꞌxye, “La̱in rehin li Ka̱cuaꞌ.” Ut cuanqueb cuiꞌchic li teꞌxye, “La̱in rehin laj Jacob.” Ut cuanqueb li teꞌxtzꞌi̱ba chiruheb xtel “La̱in rehin li Ka̱cuaꞌ” ut teꞌxye nak aꞌan xcomoneb laj Israel.—

Éxodo 12:41

Tzꞌakal ca̱hib ciento riqꞌuin laje̱b xcaꞌcꞌa̱l (430) chihab nak queꞌel chixjunileb li ralal xcꞌajol li Dios saꞌ li tenamit Egipto.

Deuteronomio 5:15

Chijulticokꞌ e̱re la̱ex nak quexcuan chak chokꞌ rahobtesinbil mo̱s aran Egipto. Abanan li Ka̱cuaꞌ le̱ Dios quexrisi chak saꞌ li naꞌajej aꞌan riqꞌuin lix nimal xcuanquilal. Joꞌcan nak li Ka̱cuaꞌ yo̱ chixyebal e̱re nak te̱qꞌue xlokꞌal li hiloba̱l cutan.

Deuteronomio 6:21

Ut la̱ex te̱ye reheb, “Najter cuanco chak Egipto chokꞌ rahobtesinbil mo̱s chiru laj faraón. Abanan li Ka̱cuaꞌ corisi chak Egipto riqꞌuin xnimal xcuanquilal.

Jueces 2:12

Queꞌxtzꞌekta̱na li Ka̱cuaꞌ, lix Dioseb lix xeꞌto̱nil yucuaꞌ, li qui-isin chak reheb saꞌ li naꞌajej Egipto. Ut queꞌxtiquib xlokꞌoninquileb li yi̱banbil dios li nequeꞌxlokꞌoni li tenamit li cuanqueb chi nachꞌ riqꞌuineb. Ut riqꞌuin xlokꞌoninquil li yi̱banbil dios, queꞌxchikꞌ xjoskꞌil li Ka̱cuaꞌ.

Salmos 136:11

Aꞌan li qui-isin chak ke la̱o aj Israel aran Egipto xban nak kꞌaxal nim li ruxta̱n saꞌ kabe̱n junelic.

Daniel 9:15

At Ka̱cuaꞌ, at kaDios, nakanau nak la̱at cat-isin reheb la̱ tenamit aran Egipto riqꞌuin xnimal la̱ cuanquil. Riqꞌuin aꞌan nanauman nak nim la̱ cuanquil toj chalen anakcuan. La̱o xoma̱cob ut incꞌaꞌ us li kayehom kaba̱nuhom.