Éxodo 13:21 - Li Santil hu

²¹ Cuan nak queꞌbe̱c chi kꞌek chi cutan. Chiru li cutan li Ka̱cuaꞌ Dios quicꞌamoc be chiruheb riqꞌuin jun chok ut chiru li kꞌojyi̱n quicꞌamoc be riqꞌuin jun xam saꞌ choxa re xcutanobresinquil ruheb lix beheb.

Q'eqchi Bible

²¹ k'amol b'e li Qaawa' chiruheb'. Chi kutan naxik sa' choql re xb'eresinkileb', ut chi q'eq naxik sa' xam re xkutanob'resinkil xb'eheb'. Chi jo'kan ke'ruuk chi xik chi q'eq ut chi kutan.

Éxodo 13:21 ပူးပေါင်းရင်းမြစ်များ

Nehemías 9:12

La̱at catcꞌamoc be chiruheb laj Israel chi cutan riqꞌuin jun li chok ut chi kꞌek catcꞌamoc be chiruheb riqꞌuin jun li xam re nak teꞌril lix beheb bar yo̱keb chi xic.

Salmos 99:7

Quia̱tinac chak riqꞌuineb saꞌ li chok ut eb aꞌan queꞌxba̱nu li cꞌaꞌru quixye.

Deuteronomio 1:33

Ut li Ka̱cuaꞌ yo̱ chi cꞌamoc be che̱ru riqꞌuin li xam chi kꞌojyi̱n ut li chok chi cutan. Quixcꞌut che̱ru bar te̱yi̱b cuiꞌ le̱ muheba̱l ut quixcꞌut che̱ru bar cuan li be te̱cꞌam nak texxic.

Salmos 105:39

Li Dios quixqꞌue jun li chok re xmuheb laj Israel chi cutan ut quixqꞌue li xam re xcutanobresinquil lix beheb chiru kꞌojyi̱n.

Salmos 78:14

Quixtakla li chok chi cꞌamoc be chiruheb chi cutan ut chi kꞌek jun li xam quicꞌamoc be chiruheb.

Nehemías 9:19

Xban xnimal la̱ cuusilal la̱at incꞌaꞌ catzꞌekta̱naheb nak yo̱queb chak chi numecꞌ saꞌ li chaki chꞌochꞌ. La̱at ban catcꞌamoc be chiruheb xban nak li chok incꞌaꞌ quisach chiruheb nak yo̱queb chi be̱c chi cutan. Joꞌcan ajcuiꞌ chiru kꞌojyi̱n, incꞌaꞌ quisach li xam chiruheb li yo̱ chi cꞌutuc lix beheb nak yo̱queb chi xic.

Números 14:14

Ut teꞌxye resil reheb li cuanqueb Canaán. Eb aꞌan ac xeꞌrabi a̱cuesil. Ac nequeꞌxnau nak cuancat kiqꞌuin ut xcuil a̱cuu. Nequeꞌxnau nak la̱at catcꞌamoc be chiku riqꞌuin li chok chi cutan ut riqꞌuin li xam chiru kꞌojyi̱n.

Números 10:34

Ut li chok, li taklanbil xban li Ka̱cuaꞌ, cuan saꞌ xbe̱neb ut yo̱ chi cꞌamoc be chiruheb chi cutan nak yo̱queb chi xic.

Éxodo 16:10

Ut nak laj Aarón yo̱ chi a̱tinac riqꞌuineb laj Israel, queꞌiloc saꞌ li chaki chꞌochꞌ ut aran queꞌril nak li Ka̱cuaꞌ Dios quixcꞌutbesi lix lokꞌal chiruheb saꞌ li chok.

Deuteronomio 31:8

Li Ka̱cuaꞌ ta̱cua̱nk a̱cuiqꞌuin. Aꞌan ta̱cꞌamok be cha̱cuu. Incꞌaꞌ tatxcanab a̱junes chi moco tatxtzꞌekta̱na. Joꞌcan nak matxucuac chi moco ta̱chꞌina̱nk a̱chꞌo̱l, chan laj Moisés.

Salmos 68:7

At inDios, la̱at xatcꞌamoc chak be chiruheb la̱ tenamit nak queꞌnumeꞌ chak saꞌ li chaki chꞌochꞌ.

Salmos 77:20

La̱at caberesiheb la̱ tenamit joꞌ nak nequeꞌberesi̱c li carner. Ut caqꞌueheb laj Moisés ut laj Aarón chi cꞌamoc be chiruheb.

Cantares 3:6

¿Ani li yo̱ chak chi cha̱lc saꞌ li chaki chꞌochꞌ? Nak nachal cuiqꞌuin chanchan nak yo̱ chi takecꞌ li sib. Chanchan xsibel li mirra ut li incienso ut li qꞌuila pa̱y ru li sununquil ban.

Éxodo 10:10

Laj faraón saꞌ joskꞌil quichakꞌoc. Re xhobbaleb nak quixye reheb: —Tento nak le̱ Dios textenkꞌa cui la̱ex cuan saꞌ e̱chꞌo̱l nak texincanab chi xic e̱rochbeneb le̱ cocꞌal. La̱in moco texincanab ta chi xic chi joꞌcan. La̱in ninnau nak inbalakꞌinquil te̱raj. Ma̱ jaruj texincanab chi xic che̱junilex.

Éxodo 32:1

Eb li cristian queꞌxqꞌue retal nak laj Moisés quibay chak chi sukꞌi̱c saꞌ li tzu̱l. Queꞌxchꞌutub rib chiru laj Aarón ut queꞌxye re: —Ta̱yi̱b kadios re teꞌcꞌamok be chiku. Incꞌaꞌ nakanau cꞌaꞌru xcꞌul chak laj Moisés, li qui-isin chak ke saꞌ li tenamit Egipto, chanqueb.