Éxodo 13:18 - Li Santil hu

¹⁸ Li Dios quixcꞌameb aꞌan saꞌ li chaki chꞌochꞌ saꞌ xjayal li palau Mar Rojo xcꞌabaꞌ. Nequeꞌtzololnac nak queꞌel chi junju̱nk chꞌu̱tal saꞌ li tenamit Egipto.

Q'eqchi Bible

¹⁸ Jo'kan naq li Yos kixk'ameb' chi xk'eeb'al q'oot sa' xb'ehil li chaqich'och', sa' xjayal li Kaqi Palaw. Chi tzoltzo ke'elk Ejiipt eb' laj Israel.

Éxodo 13:18 ပူးပေါင်းရင်းမြစ်များ

Deuteronomio 32:10

Quextau nak yo̱quex chixbeninquil e̱rib saꞌ li chaki chꞌochꞌ, li naꞌajej li ma̱cꞌaꞌ cuan chi saꞌ. Quexcol ut quexril ut quextenkꞌa xban nak lokꞌex chiru joꞌ li xnakꞌ ru.

Éxodo 14:2

—Ye reheb laj Israel nak jalan li be teꞌxcꞌam toj jun pacꞌal li naꞌajej Pi-hahirot. Saꞌ xyi li naꞌajej Migdol ut li palau saꞌ xjayal li naꞌajej Baal-zefón te̱yi̱b le̱ muheba̱l chire li palau.

Éxodo 12:51

Ut saꞌ li cutan aꞌan li Ka̱cuaꞌ Dios quilajrisiheb chak laj Israel saꞌ li tenamit Egipto. Nequeꞌtzololnac nak queꞌel laj Israel chi junju̱nk chꞌu̱tal aran Egipto.

Salmos 107:7

Aꞌan quicꞌamoc be chiruheb saꞌ ti̱quilal re nak naru teꞌcuulak saꞌ lix naꞌajeb bar ta̱ru̱k teꞌcua̱nk cuiꞌ.

Josué 1:14

Chixjunileb le̱ rixakil, le̱ cocꞌal ut le̱ queto̱mk teꞌcana̱k arin saꞌ li naꞌajej aꞌin li xqꞌue e̱re laj Moisés. Ut la̱ex cui̱nk, li joꞌ qꞌuialex cau e̱chꞌo̱l ut cau e̱rib chi pletic, texxic jun pacꞌal li nimaꞌ Jordán chi pletic rochbeneb le̱ rech aj Israelil ut te̱tenkꞌaheb chi pletic.

Deuteronomio 17:16

Li rey li te̱xakab incꞌaꞌ naru nak cua̱nk nabalak xcacua̱y. Chi moco ta̱ru̱k tixtaklaheb li tenamit chixsicꞌbal xtzꞌakob lix cacua̱y saꞌ li tenamit Egipto xban nak li Ka̱cuaꞌ quixye nak incꞌaꞌ chic naru texsukꞌi̱k saꞌ li naꞌajej aꞌan.

Josué 4:12

Ut eb li ralal xcꞌajol laj Rubén ut eb li ralal xcꞌajol laj Gad joꞌqueb ajcuiꞌ yijach li ralal xcꞌajol laj Manasés ac cauresinbileb re pletic nak queꞌnumeꞌ. Aꞌaneb li xbe̱n li queꞌnumeꞌ joꞌ quiyeheꞌ reheb xban laj Moisés.

Josué 4:13

Caꞌcꞌa̱l mil (40,000) na chi cui̱nk li ac cauresinbileb re teꞌxic chi pletic. Queꞌco̱eb saꞌ li ru takꞌa Jericó. Ut li Ka̱cuaꞌ cuan riqꞌuineb.

Salmos 136:16

Aꞌan li quiberesin ke la̱o aj Israel nak yo̱co chi numecꞌ saꞌ li chaki chꞌochꞌ xban nak kꞌaxal nim li ruxta̱n saꞌ kabe̱n junelic.

Génesis 50:25

Laj José quixye ajcuiꞌ reheb: —Anakcuan la̱ex te̱ba̱nu junak li juramento cuiqꞌuin. Nak li Ka̱cuaꞌ Dios texrisi saꞌ li tenamit aꞌin, te̱ba̱nu usilal, te̱cꞌam lin bakel che̱rix nak texxic, chan laj José. Ut eb li ras laj José queꞌxcꞌul xchꞌo̱l li juramento li quixye reheb.

Éxodo 14:9

Eb laj Egipto queꞌxta̱keheb laj Israel. Queꞌco̱eb lix cacua̱y laj faraón joꞌ ajcuiꞌ eb lix carruaje. Queꞌco̱eb chixjunileb lix soldado. Ut coxeꞌxtauheb xmuheba̱l laj Israel jun pacꞌal li naꞌajej Pi-hahirot chire li palau saꞌ xjayal li naꞌajej Baal-zefón.

Salmos 68:8

Ut qui-ecꞌan li chꞌochꞌ xban la̱ cuanquil. Ut quixqꞌue li hab. Ut li tzu̱l Sinaí qui-ecꞌan xban xnimal la̱ cuanquilal, la̱at lix Dioseb laj Israel.