Éxodo 13:15 - Li Santil hu

¹⁵ Laj faraón quixcacuubresi xchꞌo̱l ut incꞌaꞌ coxcanab chi e̱lc saꞌ li tenamit Egipto. Ut li Ka̱cuaꞌ Dios quixqꞌueheb chi ca̱mc chixjunileb li xbe̱n ralaleb laj Egipto. Quixqꞌueheb ajcuiꞌ chi ca̱mc li xbe̱n ral li queto̱mk. Re xjulticanquil li xba̱nu li Dios, la̱in ninmayeja chiru li Dios li xbe̱n raleb lin xul. Ut tinqꞌue chokꞌ ru̱chil li xbe̱n cualal”, chaꞌkex reheb le̱ ralal e̱cꞌajol.

Q'eqchi Bible

¹⁵ Laj Parahón kixkawub'resi xch'ool ut ink'a' kooxkanab' chi elk; jo'kan naq li Qaawa' kixkamsi chixjunileb' li xb'een alalb'ej sa' li tenamit Ejiipt, chalen li xb'een ralal li winq toj rik'in li xb'een ral li xul. Jo'kan naq ninmayeja chiru li Qaawa' chixjunil li xb'een raleb' li xul teelom, ut nink'e ruuchil chixjunil li xb'een alalb'ej sa' xyanqeb' li walal.

Éxodo 13:15 ပူးပေါင်းရင်းမြစ်များ

Éxodo 12:29

Tuktu kꞌojyi̱n nak quinumeꞌ li Dios ut quilajxcamsi li xbe̱n ralaleb chixjunileb laj Egipto. Quixcamsi li xbe̱n ralal laj faraón li kꞌaxal nim xcuanquil. Joꞌcan ajcuiꞌ li cuanqueb saꞌ tzꞌalam queꞌcamsi̱c ajcuiꞌ li xbe̱n ralaleb. Quilajeꞌcamsi̱c ajcuiꞌ li xbe̱n raleb lix queto̱mk chixjunileb, li cuanqueb xcuanquil ut li ma̱cꞌaꞌeb xcuanquil, chixjunileb li xbe̱n alalbej aran Egipto quilajeꞌcamsi̱c.

Éxodo 34:20

Li xbe̱n raleb li bu̱r, carner te̱qꞌue chokꞌ ru̱chil. Cui incꞌaꞌ te̱qꞌue ru̱chil tento nak te̱tok xcux li chꞌina bu̱r. Ut tento nak te̱qꞌue ru̱chil li xbe̱n e̱ralal. Chixjunilex texmayejak joꞌ xinye e̱re.

Números 3:46

Eb li xbe̱n ralaleb laj Israel kꞌaxal nabaleb chiruheb laj levita. Cuib ciento riqꞌuin oxlaju xca̱cꞌa̱l (273) nequeꞌxkꞌax eb laj levita. Tento nak teꞌxtoj rixeb aꞌan.

Números 18:15

Chixjunileb li xbe̱n alalbej li nequeꞌkꞌaxtesi cue, la̱in tinqꞌue e̱re. Ut tinqꞌue e̱re li xbe̱n ral li xul. Abanan tento nak te̱cꞌul xtzꞌak li xbe̱n alalbej li ani ta̱raj tixtoj rix. Ut te̱cꞌul ajcuiꞌ xtzꞌak li xbe̱n ral li xul li te̱lom li incꞌaꞌ naru te̱tzaca xtibel.

Salmos 105:36

Ut li Dios quixqꞌueheb chi ca̱mc li xbe̱n ralaleb laj Egipto. Quixqꞌueheb chi ca̱mc li kꞌaxal raro xbaneb.

Éxodo 3:19

La̱in ac ninnau nak lix reyeb laj Egipto incꞌaꞌ texcanab chi e̱lc cui incꞌaꞌ tincꞌut lin cuanquil chiruheb.

Éxodo 4:23

Xinye a̱cue nak ta̱canabeb chi xic eb laj Israel re nak teꞌcꞌanjelak chicuu. Cui incꞌaꞌ nacacanabeb chi xic, la̱in tincamsi li xbe̱n a̱cualal, chaꞌkat re laj faraón,” chan li Dios re laj Moisés.