Éxodo 13:12 - Li Santil hu

¹² Nak cua̱nkex aran la̱ex te̱kꞌaxtesi saꞌ rukꞌ li Dios li xbe̱n e̱ralal. Ut te̱kꞌaxtesi ajcuiꞌ re chixjunil li xbe̱n raleb le̱ queto̱mk li te̱lom.

Q'eqchi Bible

¹² chaq'axtesi sa' ruq' li Qaawa' chixjunileb' li xb'een alalb'ej. Jo'kan ajwi' chixjunil li xb'een ral laaketomq rehaqeb' li Qaawa', wi teelomeb'.

Éxodo 13:12 ပူးပေါင်းရင်းမြစ်များ

Números 18:15

Chixjunileb li xbe̱n alalbej li nequeꞌkꞌaxtesi cue, la̱in tinqꞌue e̱re. Ut tinqꞌue e̱re li xbe̱n ral li xul. Abanan tento nak te̱cꞌul xtzꞌak li xbe̱n alalbej li ani ta̱raj tixtoj rix. Ut te̱cꞌul ajcuiꞌ xtzꞌak li xbe̱n ral li xul li te̱lom li incꞌaꞌ naru te̱tzaca xtibel.

Levítico 27:26

Ma̱ ani naru tixyechiꞌi re li Ka̱cuaꞌ li xbe̱n xul li nayoꞌla, xban nak aꞌan ac re li Ka̱cuaꞌ. Usta cuacax, usta carner li xbe̱n li nayoꞌla, aꞌan re li Ka̱cuaꞌ.

Éxodo 34:19

Chixjunileb li xbe̱n le̱ ralal cue la̱in joꞌ eb ajcuiꞌ li xbe̱n raleb le̱ queto̱mk, li cocꞌ te̱lom.

Ezequiel 44:30

Reheb laj tij li xbe̱n ru li acui̱mk ut reheb ajcuiꞌ li kꞌaxal cha̱bil li ta̱mayeja̱k chicuu. Nak eb li tenamit teꞌxyi̱b li kꞌem li yi̱banbil riqꞌuin li xbe̱n ru li trigo, teꞌxqꞌue reheb li xbe̱n li ta̱e̱lk. Ut la̱in tincuosobtesiheb li nequeꞌxqꞌue lix mayejeb.

Deuteronomio 15:19

Te̱kꞌaxtesi re li Ka̱cuaꞌ le̱ Dios li xbe̱n ral le̱ cuacax li te̱lom, ut li xbe̱n ral le̱ carner li te̱lom. Incꞌaꞌ te̱qꞌue chi cꞌanjelac li xbe̱n ral le̱ bo̱yx ut me̱bes rix li xbe̱n ral le̱ carner.

Éxodo 22:29

Rajlal te̱mayeja cue li xbe̱n u le̱ racui̱mk joꞌ ajcuiꞌ li xyaꞌal li ru le̱ uvas. Ut te̱kꞌaxtesi ajcuiꞌ cue li xbe̱n le̱ ralal.

Números 8:17

Chixjunileb li xbe̱n ralaleb laj Israel, aꞌan cueheb la̱in. Ut cueheb ajcuiꞌ li xbe̱n raleb li xul li te̱lom. La̱in quinsiqꞌueb ru nak quinqꞌueheb chi ca̱mc li xbe̱n alalbej aran Egipto.

Números 3:12

—La̱in xinsiqꞌueb ru laj levitas saꞌ xya̱nkeb laj Israel chokꞌ ru̱chil li xbe̱n ralaleb xban nak chixjunileb li xbe̱n alalbej cueheb la̱in.

San Lucas 2:23

Queꞌxba̱nu chi joꞌcan xban nak saꞌ li chakꞌrab li quiqꞌueheꞌ reheb xban li Ka̱cuaꞌ naxye nak li xbe̱n alalbej tento ta̱kꞌaxtesi̱k saꞌ rukꞌ li Ka̱cuaꞌ.

Éxodo 13:1

Ut li Ka̱cuaꞌ Dios quixye re laj Moisés: —Te̱kꞌaxtesi saꞌ cuukꞌ chixjunileb li xbe̱n ralaleb laj Israel ut te̱kꞌaxtesi ajcuiꞌ chixjunileb li xbe̱n raleb li xul. Eb aꞌan cue la̱in, chan.

Ezequiel 16:20

Ut camayejaheb chiruheb li yi̱banbil dios la̱ cualal a̱cꞌajol li quinqꞌue a̱cue. ¿Ma caꞌchꞌin ta biꞌ li ma̱usilal li caba̱nu nak quina̱tzꞌekta̱na?

Éxodo 22:28

Me̱hob li nequeꞌrakoc a̱tin saꞌ e̱be̱n chi moco chetzꞌekta̱na li nataklan saꞌ le̱ tenamit.

Éxodo 34:20

Li xbe̱n raleb li bu̱r, carner te̱qꞌue chokꞌ ru̱chil. Cui incꞌaꞌ te̱qꞌue ru̱chil tento nak te̱tok xcux li chꞌina bu̱r. Ut tento nak te̱qꞌue ru̱chil li xbe̱n e̱ralal. Chixjunilex texmayejak joꞌ xinye e̱re.

Números 3:13

Joꞌcan nak eb laj levitas cueheb la̱in, xban nak li xbe̱n li nayoꞌla cue la̱in chalen najter nak xinqꞌueheb chi camsi̱c li xbe̱n alalbej aran Egipto. Xinsiqꞌueb ru li xbe̱n alalbej ut cueheb la̱in. Usta cui̱nk, usta xul, cuehakeb la̱in li Ka̱cuaꞌ.—

Nehemías 10:36

Ut takacꞌameb ajcuiꞌ saꞌ lix templo li Dios li xbe̱n kalal joꞌ ajcuiꞌ li xbe̱n ral li kacuacax ut eb li kacarner joꞌ tzꞌi̱banbil saꞌ li chakꞌrab ut takakꞌaxtesi reheb laj tij li nequeꞌcꞌanjelac saꞌ li templo.

Nehemías 10:37

Ut kaye ajcuiꞌ nak rajlal takacꞌam saꞌ li naꞌajej bar naxocman cuiꞌ li nacꞌanjelac saꞌ li templo ut takakꞌaxtesi reheb laj tij li kꞌem li yi̱banbil riqꞌuin li xbe̱n ru li trigo ut takacꞌam ajcuiꞌ li vino ut li aceite joꞌ ajcuiꞌ chixjunil li xbe̱n ru li cheꞌ li naloꞌeꞌ. Ut li junju̱nk saꞌ xlaje̱tkil li ru li kacui̱mk takakꞌaxtesi reheb laj levita, xban nak eb aꞌan li nequeꞌxococ re li mayej aꞌan saꞌ chixjunileb li tenamit.