Éxodo 12:9 - Li Santil hu

⁹ Me̱tiu li tib chi rax chi moco chi caltinbil. Chi pombil ban te̱tiu. Te̱pom chi tzꞌakal jun, rochben lix jolom joꞌ ajcuiꞌ li rok, li rukꞌ ut li cuan chi saꞌ. Caꞌaj cuiꞌ lix tzꞌaj te̱risi.

Q'eqchi Bible

⁹ Meetiw chi rax chi moko chi chiqb'il, chi pomb'il b'an, rik'in li xjolom, li roq ut li xk'amk'ot.

Éxodo 12:9 ပူးပေါင်းရင်းမြစ်များ

Éxodo 12:8

Saꞌ li kꞌojyi̱n aꞌan te̱tiu li tib chi pombil. Te̱cuaꞌ li caxlan cua xcomon li ma̱cꞌaꞌ xchꞌamal ut te̱tiu ajcuiꞌ li ichaj li cꞌa.

Deuteronomio 16:7

Te̱pom li tib ut te̱tzaca saꞌ li naꞌajej li tixsicꞌ ru li Ka̱cuaꞌ le̱ Dios. Ut cuulajak chic texsukꞌi̱k saꞌ le̱ muheba̱l.

Lamentaciones 1:13

Chanchan nak li Ka̱cuaꞌ quixtakla chak jun li xam toj saꞌ choxa. Nacuulac xtikcual toj saꞌ kabakel. Chanchan nak quixqꞌue jun li raꞌal saꞌ kabe re totꞌanekꞌ cuiꞌ. Ut chirix aꞌan coxcanab kajunes chixcꞌulbal li raylal.

Éxodo 29:13

Ta̱cuisi chixjunil li xe̱b li nacuan chiru lix cꞌamcꞌot ut li xe̱b li nacuan chiru lix sa̱seb joꞌ ajcuiꞌ lix que̱nkꞌ rochben li xe̱b li cuan chiru, ut ta̱cꞌat saꞌ li artal.

Éxodo 29:17

Ut te̱setꞌi lix tibel li carner ut te̱chꞌaj lix cꞌamcꞌot joꞌqueb ajcuiꞌ li rok ut te̱qꞌue saꞌ li artal rochben lix tibel ut lix jolom.

Levítico 1:9

Tixchꞌaj li cꞌamcꞌot ut li raꞌ li xul. Ut laj tij tixqꞌue chixjunil saꞌ xbe̱n li artal ut tixcꞌat. Ut aꞌanak jun li sununquil mayej ta̱cuulak chiru li Ka̱cuaꞌ.

2 Crónicas 35:13

Queꞌxpom li tib re li ninkꞌe. Ut li tib li ac kꞌaxtesinbil chiru li Ka̱cuaꞌ queꞌxchik saꞌ eb li ni̱nki ucꞌal ut queꞌxjeqꞌui reheb li tenamit saꞌ junpa̱t.