Éxodo 12:8 - Li Santil hu

⁸ Saꞌ li kꞌojyi̱n aꞌan te̱tiu li tib chi pombil. Te̱cuaꞌ li caxlan cua xcomon li ma̱cꞌaꞌ xchꞌamal ut te̱tiu ajcuiꞌ li ichaj li cꞌa.

Q'eqchi Bible

⁸ Sa' ajwi' li q'oqyink a'an teetiw li xtib'el, chi pomb'il, rik'in wa ink'a' yuub'il ut rik'in k'ahil ichaj.

Éxodo 12:8 ပူးပေါင်းရင်းမြစ်များ

Éxodo 34:25

Nak texninkꞌei̱k re xjulticanquil nak xexcuisi chak saꞌ li tenamit Egipto, te̱mayeja junak li xul chicuu ut me̱mayeja lix quiqꞌuel rochben li caxlan cua li cuan xchꞌamal. Ut me̱xoc li na-elaꞌan re cuulaj.

Deuteronomio 16:7

Te̱pom li tib ut te̱tzaca saꞌ li naꞌajej li tixsicꞌ ru li Ka̱cuaꞌ le̱ Dios. Ut cuulajak chic texsukꞌi̱k saꞌ le̱ muheba̱l.

Isaías 53:10

Li Dios ac cuan saꞌ xchꞌo̱l nak ta̱rahobtesi̱k ut quixqꞌue chi cꞌuluc raylal. Quicam re xcuybal xsachbal li kama̱c. Ta̱najtokꞌ rok lix yuꞌam ut ta̱rileb ru li ralal xcꞌajol. Ut saꞌ xcꞌabaꞌ aꞌan ta̱tzꞌaklok ru li cꞌaꞌru quiraj li Dios.

Éxodo 23:18

Nak te̱mayeja li xul, incꞌaꞌ te̱qꞌue li quicꞌ riqꞌuin li caxlan cua cuan xchꞌamal. Chi moco li xe̱b ta̱ru̱k te̱canab chokꞌ re cuulaj.

Éxodo 13:7

Cuukub cutan te̱cuaꞌ li caxlan cua li ma̱cꞌaꞌ xchꞌamal. Incꞌaꞌ ta̱cua̱nk saꞌ e̱ya̱nk li caxlan cua li nasipoꞌ. Ut incꞌaꞌ ajcuiꞌ ta̱cua̱nk saꞌ le̱ rochoch li na-oc chokꞌ xchꞌamal li caxlan cua.

Éxodo 13:3

Laj Moisés quixye reheb: —Saꞌ li cutan aꞌin re li po Abib xcꞌabaꞌ, li Ka̱cuaꞌ Dios xexrisi chak saꞌ li tenamit Egipto bar quexcꞌanjelac cuiꞌ chak chokꞌ rahobtesinbil mo̱s. Rajlal chihab texninkꞌei̱k re xjulticanquil li cutan aꞌin, ut me̱cuaꞌ li caxlan cua li cuan xchꞌamal. Chijulticokꞌ e̱re nak riqꞌuin xnimal xcuanquil li Dios quexrisi chak saꞌ li tenamit aꞌan.

Éxodo 1:14

Cꞌajoꞌ li raylal nequeꞌxcꞌul xban li cacuil trabaj nequeꞌxba̱nu nak nequeꞌxpacꞌ li chꞌochꞌ chokꞌ xan. Ut joꞌcan ajcuiꞌ nak yo̱queb chi trabajic saꞌ cꞌaleba̱l. Kꞌaxal cuiꞌchic ra li yo̱queb chixcꞌulbal xban nak saꞌ joskꞌil nequeꞌtakla̱c ut yalak cꞌaꞌru cꞌanjelil nequeꞌqꞌueheꞌ reheb re teꞌxba̱nu.

1 Ts 1:6

Xetzol e̱rib kiqꞌuin ut riqꞌuin li Ka̱cuaꞌ Jesucristo. Usta nabal li raylal xecꞌul, abanan xerabi li resilal riqꞌuin li sahil chꞌo̱lejil li quiqꞌueheꞌ e̱re xban li Santil Musikꞌej.

Gálatas 5:9

Usta yal caꞌchꞌin li levadura li nachꞌamobresin naqꞌueman, aꞌan naxchꞌamobresi chixjunil li kꞌem.

San Mateo 26:26

Ut nak yo̱queb chi cuaꞌac, li Jesús quixchap li caxlan cua. Quixbantioxi chiru li Dios, quixjachi, tojoꞌnak quixjeqꞌui reheb lix tzolom. Ut quixye reheb: —Cꞌulumak, cuaꞌomak. Aꞌan aꞌin lin tzꞌejcual.—

San Mateo 16:12

Tojoꞌnak queꞌxtau ru nak ma̱cuaꞌ chirix xchꞌamal lix caxlan cua yo̱ chi a̱tinac. Chirix ban lix tijlebeb laj fariseo ut laj saduceo yo̱ chi a̱tinac.

Zacarías 12:10

—Ut la̱in tinjal xnaꞌlebeb li ralal xcꞌajol laj David joꞌqueb ajcuiꞌ chixjunileb li cuanqueb Jerusalén. Cha̱bilakeb chic ut junelic teꞌtijok. Ut nak teꞌril nak queꞌxnumsi li chꞌi̱chꞌ saꞌ lin tibel, teꞌyotꞌekꞌ xchꞌo̱leb ut teꞌya̱bak. Chanchanakeb li nequeꞌya̱bac chirix xcamic li ralal li jun ajcuiꞌ chiruheb. Malaj ut chanchanakeb li nequeꞌya̱bac chirix xcamic li xbe̱n alalbej.

Amós 4:5

Ayukex. Chemayeja le̱ caxlan cua li cuan xchꞌamal ut yehomak resil li joꞌ qꞌuial xemayeja xban nak aꞌan li nacuulac che̱ru xba̱nunquil, la̱ex aj Israel, chan li Ka̱cuaꞌ Dios.

Salmos 22:14

Yo̱ chi osocꞌ lin metzꞌe̱u. Chanchan li haꞌ li yo̱ chi hoyecꞌ. Chanchan nak ma̱cꞌaꞌ chic saꞌ xnaꞌaj lin bakel. Chanchan yo̱ chi haꞌocꞌ li cua̱m joꞌ nak nahaꞌoꞌ li cera.

Éxodo 12:9

Me̱tiu li tib chi rax chi moco chi caltinbil. Chi pombil ban te̱tiu. Te̱pom chi tzꞌakal jun, rochben lix jolom joꞌ ajcuiꞌ li rok, li rukꞌ ut li cuan chi saꞌ. Caꞌaj cuiꞌ lix tzꞌaj te̱risi.

2 Crónicas 35:13

Queꞌxpom li tib re li ninkꞌe. Ut li tib li ac kꞌaxtesinbil chiru li Ka̱cuaꞌ queꞌxchik saꞌ eb li ni̱nki ucꞌal ut queꞌxjeqꞌui reheb li tenamit saꞌ junpa̱t.