Éxodo 12:6 - Li Santil hu

⁶ Nak ac xesicꞌ aꞌan, te̱xoc. Saꞌ li ca̱laju xbe li po nak ac namoynac, che̱junilex la̱ex aj Israel te̱camsi li chꞌina carner li sicꞌbil ru e̱ban.

Q'eqchi Bible

⁶ ut teek'uula toj sa' li kaalaju xb'e li po a'an; toja' naq chixjunil li xkomonileb' laj Israel te'xmayeja naq namoynak.

Éxodo 12:6 ပူးပေါင်းရင်းမြစ်များ

Levítico 23:5

Saꞌ li ca̱laju xbe li xbe̱n po te̱tiquib lin ninkꞌe Pascua nak ac oc re li kꞌojyi̱n re xjulticanquil nak quexcuisi chak saꞌ li tenamit Egipto.

Números 28:16

Saꞌ li ca̱laju xbe li xbe̱n po teꞌxninkꞌei li Pascua re xlokꞌoninquil li Ka̱cuaꞌ.

Números 9:11

Abanan teꞌxninkꞌei saꞌ li ca̱laju xbe li xcab po nak oc re li kꞌojyi̱n. Teꞌxtzaca lix tibel li carner li toj sa̱j rochben li caxlan cua li ma̱cꞌaꞌ xchꞌamal. Ut teꞌxtzaca ajcuiꞌ li cꞌahil kꞌe̱n rochben.

Éxodo 12:18

Saꞌ li ca̱laju xbe li xbe̱n po nak ac namoynac, te̱cuaꞌ li caxlan cua li ma̱cꞌaꞌ xchꞌamal. Joꞌcaꞌin te̱ba̱nu toj saꞌ li jun xcaꞌcꞌa̱l (21) xbe li po.

Hechos 4:27

At Ka̱cuaꞌ, ya̱l ajcuiꞌ nak queꞌxchꞌutub ribeb saꞌ li tenamit aꞌin laj Herodes ut laj Poncio Pilato rochbeneb li tenamit aj Israel joꞌqueb ajcuiꞌ li ma̱cuaꞌeb aj Israel ut queꞌxcꞌu̱b ru chanru nak teꞌxba̱nu raylal re li Jesús la̱ Santil Alal li sicꞌbil ru a̱ban xban nak xicꞌ queꞌril.

Ezequiel 45:21

Saꞌ li ca̱laju xbe li xbe̱n po te̱tiquib xninkꞌeinquil li pascua. Chiru cuukub cutan te̱cuaꞌ li caxlan cua li ma̱cꞌaꞌ xchꞌamal.

Éxodo 16:12

—La̱in xcuabi nak yo̱queb chi cuechꞌi̱nc laj Israel. Ta̱ye reheb nak joꞌcaꞌin xinye la̱in. “Rajlal ecuu textiꞌok tib ut ekꞌela texcuaꞌak cua. Chi joꞌcan te̱nau nak la̱in li Ka̱cuaꞌ le̱ Dios”, chan li Dios.

San Lucas 23:18

Ut chixjunileb li tenamit queꞌxye chi junajeb xya̱b xcuxeb: —¡Camsi aꞌan, ut achꞌab laj Barrabás! chanqueb.

San Lucas 23:1

Ut chixjunileb li nequeꞌtaklan saꞌ xya̱nkeb laj judío queꞌxcꞌam li Jesús riqꞌuin laj Pilato.

San Marcos 15:25

Bele̱b o̱r re ekꞌela queꞌxqꞌue li Jesús chiru cruz.

San Marcos 15:11

Aban eb lix be̱nil aj tij queꞌxtacchiꞌi li qꞌuila tenamit re nak aꞌ laj Barrabás li teꞌxtzꞌa̱ma re nak ta̱achꞌaba̱k.

San Marcos 15:8

Ut queꞌchal li qꞌuila tenamit riqꞌuin laj Pilato chixtzꞌa̱manquil chiru nak ta̱rachꞌab junak pre̱x joꞌ cꞌaynakeb xba̱nunquil.

San Marcos 15:1

Nak quisake̱u eb lix be̱nil aj tij queꞌxchꞌutub cuiꞌchic rib riqꞌuineb laj cꞌamol be saꞌ rochoch li Dios, ut riqꞌuineb laj tzꞌi̱b ut riqꞌuin chixjunileb laj qꞌuehol naꞌleb ut queꞌxcꞌu̱b chanru teꞌxba̱nu. Ut queꞌxcꞌam li Jesús chi bacꞌbo ut queꞌxkꞌaxtesi saꞌ rukꞌ laj Pilato.

San Mateo 27:25

Ut chixjunileb li tenamit queꞌchakꞌoc ut queꞌxye: —Saꞌ kabe̱n la̱o ut saꞌ xbe̱neb li kalal kacꞌajol chicana̱k xtojbal rix lix camic, chanqueb.

San Mateo 27:20

Ut eb li xbe̱nil aj tij ut eb li nequeꞌcꞌamoc be saꞌ xya̱nkeb laj judío queꞌxtacchiꞌi li qꞌuila tenamit re nak teꞌxye nak aꞌ laj Barrabás li ta̱achꞌaba̱k, ut aꞌ li Jesús ta̱camsi̱k.

Números 28:18

Saꞌ li xbe̱n li cutan teꞌxchꞌutub ribeb re teꞌlokꞌoni̱nk ut ma̱ jun li cꞌanjel teꞌxba̱nu.

Hechos 3:14

La̱ex incꞌaꞌ queraj xcolbal rix li santil cui̱nk aꞌin, li ti̱c xchꞌo̱l. Aꞌ chic laj camsinel queqꞌue chi achꞌaba̱c.

Hechos 2:23

Li Jesús quikꞌaxtesi̱c saꞌ e̱rukꞌ la̱ex xban nak ac joꞌcan chak saꞌ xchꞌo̱l li Dios nak joꞌcan tixcꞌul. Ut la̱ex quechap ut quekꞌaxtesi saꞌ rukꞌeb li cui̱nk li incꞌaꞌ useb xnaꞌleb. Ut eb aꞌan queꞌxcamsi chiru cruz.

Isaías 53:6

La̱o xkasach kib kajunes saꞌ li ma̱c. Chanchano li carner li nequeꞌxchaꞌchaꞌi ribeb. Ac kabe kabe xkachap chikaju̱nkal. Abanan li xtojbal rix li kama̱usilal li Ka̱cuaꞌ Dios quixqꞌue saꞌ xbe̱n aꞌan.

Éxodo 12:14

Chalen anakcuan rajlal chihab texninkꞌei̱k saꞌ incꞌabaꞌ saꞌ li ca̱laju xbe li xbe̱n po. Li ninkꞌe aꞌin, aꞌan re xjulticanquil chanru nak xexincol.

Éxodo 12:17

Saꞌ li ninkꞌe aꞌin te̱cuaꞌ li caxlan cua li ma̱cꞌaꞌ xchꞌamal xban nak saꞌ li cutan aꞌin xexcuisi saꞌ li tenamit Egipto. Re xjulticanquil li xinba̱nu e̱re, chalen anakcuan, texninkꞌei̱k chi joꞌcaꞌin joꞌ eb ajcuiꞌ le̱ ralal e̱cꞌajol. Li cutan aꞌan te̱oxlokꞌi xban nak saꞌ li cutan aꞌan quexcuisi saꞌ li tenamit Egipto.

Éxodo 12:47

Chixjunileb laj Israel teꞌxba̱nu aꞌin.

Éxodo 16:1

Jun po riqꞌuin oꞌlaju cutan reliqueb chak Egipto nak queꞌel chixjunileb laj Israel saꞌ li naꞌajej Elim. Coxeꞌxtau li chaki chꞌochꞌ Sin xcꞌabaꞌ li nacana saꞌ xyiheb li naꞌajej Elim ut Sinaí.

Éxodo 19:1

Saꞌ li xbe̱n cutan re li rox po reliqueb saꞌ li tenamit Egipto nak queꞌcuulac laj Israel saꞌ li chaki chꞌochꞌ Sinaí xcꞌabaꞌ.

2 Crónicas 35:1

Li rey Josías quixninkꞌei li Pascua aran Jerusalén. Ut queꞌxcamsi li carner re xninkꞌeinquil li Pascua saꞌ li ca̱laju xbe li xbe̱n po.

Esdras 6:19

Chixjunileb laj Israel li queꞌsukꞌi cuiꞌchic Jerusalén queꞌxba̱nu ajcuiꞌ li ninkꞌe Pascua saꞌ li ca̱laju xbe li xbe̱n po re li chihab.

Éxodo 29:39

Jun te̱mayeja ekꞌela ut li jun chic te̱mayeja ecuu.

Éxodo 29:41

Te̱mayeja li xcab carner nak acak oc re li kꞌojyi̱n rochben li cꞌaj ut li vino joꞌ te̱ba̱nu re li mayej ekꞌela. Ut nak yo̱k chi cꞌatc, lix bo̱c aꞌanak jun sununquil mayej ta̱cuulak chicuu.

Josué 5:10

Nak yo̱queb chi hila̱nc aran Gilgal saꞌ li ru takꞌa nachꞌ riqꞌuin li tenamit Jericó, queꞌxba̱nu li ninkꞌe Pascua chiru li ecuu saꞌ li ca̱laju xbe li po.