Éxodo 12:43 - Li Santil hu

⁴³ Li Ka̱cuaꞌ Dios quixye re laj Moisés ut laj Aarón: —Joꞌcaꞌin nak texninkꞌei̱k re xjulticanquil chanru nak quexcoleꞌ nak quilajeꞌcamsi̱c li xbe̱n ralaleb laj Egipto. Ma̱ jun jalan xtenamit ta̱tzaca̱nk re li tzacae̱mk aꞌin.

Q'eqchi Bible

⁴³ Kixye li Qaawa' re laj Moisés ut re laj Aharón: “A'an a'in leetaqlankil chirix li Paswa: Maajun jalan xtenamit taatzekanq re li tzekemq a'in.

Éxodo 12:43 ပူးပေါင်းရင်းမြစ်များ

Éxodo 12:48

Cui cuanqueb jalan xtenamit saꞌ e̱ya̱nk teꞌraj teꞌoque̱nk saꞌ li ninkꞌe aꞌin, tento nak chixjunileb li cui̱nk teꞌxcꞌul li circuncisión. Nak ac xeꞌxcꞌul li circuncisión, e̱comonakeb chic ut naru chic teꞌxtzaca li tzacae̱mk aꞌin. Aban ma̱ jun naru ta̱tzaca̱nk re cui ma̱jiꞌ xcꞌul li circuncisión.

Números 9:14

Nak eb li jalaneb xtenamit li cuanqueb saꞌ e̱ya̱nk teꞌxninkꞌei li Pascua, tento nak teꞌxba̱nu joꞌ xexinchakꞌrabi cuiꞌ. Juntakꞌe̱t le̱ chakꞌrabinquil la̱ex riqꞌuin lix chakꞌrabinquileb li jalaneb xtenamit, chan li Dios.

Éxodo 12:11

Joꞌcaꞌin nak texcuaꞌak. Nak ac oc e̱re chi cuaꞌac, te̱qꞌue lix cꞌa̱mal e̱saꞌ, te̱qꞌue le̱ xa̱b ut cua̱nk le̱ xukꞌ saꞌ le̱ rukꞌ. Te̱se̱ba e̱rib chi cuaꞌac. Aꞌan li kꞌojyi̱n nak la̱in li Ka̱cuaꞌ Dios tinnumekꞌ saꞌ li tenamit chi rakoc a̱tin.

Efesios 2:12

Junxil moco cuan ta li Cristo e̱riqꞌuin ut ma̱cuaꞌex xcomoneb laj Israel. Incꞌaꞌ querabi resil li contrato li quiyehoc resil lix cꞌulunic laj Colonel. Cuanquex arin saꞌ ruchichꞌochꞌ chi ma̱cꞌaꞌ cꞌaꞌru yo̱quex chiroybeninquil ut chi ma̱cꞌaꞌ li Dios e̱riqꞌuin.

Levítico 22:10

Ma̱ ani naru tixtzaca li santobresinbil tzacae̱mk cui ma̱cuaꞌ xcomon laj tij. Chi moco li rulaꞌ chi moco lix tojbil mo̱s naru nequeꞌtzacan re.

1 Samuel 2:27

Jun lix profeta li Dios quicuulac riqꞌuin laj Elí ut quixye re: —Joꞌcaꞌin xye li Ka̱cuaꞌ: “La̱in quincꞌutbesi cuib chiru laj Aarón, la̱ xeꞌto̱nil yucuaꞌ, nak aꞌan joꞌ eb ajcuiꞌ lix comon cuanqueb chak chokꞌ rahobtesinbil mo̱s aran Egipto.

2 Crónicas 30:18

Nabaleb li tenamit li queꞌchal chak saꞌ lix naꞌajeb li ralal xcꞌajol laj Efraín, laj Manasés, laj Isacar ut laj Zabulón incꞌaꞌ queꞌxsantobresi ribeb re teꞌcuaꞌak saꞌ li ninkꞌe Pascua. Abanan, queꞌcuaꞌac saꞌ li ninkꞌe Pascua, usta tzꞌi̱banbil saꞌ li chakꞌrab nak incꞌaꞌ teꞌxba̱nu. Li rey Ezequías quitijoc chirixeb ut quixye: —At Ka̱cuaꞌ, kꞌaxal nim la̱ cuuxta̱n. Chacuy ta xma̱queb chixjunileb li nequeꞌsicꞌoc a̱cue chi anchaleb xchꞌo̱l.

Ezequiel 44:7

Quemux ru lin templo nak xecanabeb chi oc saꞌ lin templo li jalaneb xtenamit, li incꞌaꞌ niquineꞌxpa̱b ut incꞌaꞌ queꞌxcꞌul li circuncisión. Ut xemayeja li caxlan cua ut lix quiqꞌuel li xul ut lix xe̱bul. Xban li ma̱usilal queba̱nu, querisi xcuanquil li contrato li quinba̱nu e̱riqꞌuin.

Levítico 22:13

Abanan cui lix rabin laj tij xma̱lcaꞌan, malaj ut xjachom rib riqꞌuin lix be̱lom ut ma̱cꞌaꞌ xcocꞌal, li ixk aꞌan ta̱sukꞌi̱k saꞌ rochoch lix yucuaꞌ joꞌ nak quicuan saꞌ xsa̱jilal ut naru tixtzaca lix tzacae̱mk lix yucuaꞌ. Abanan ma̱ jun junak jalan naru natzacan re li santobresinbil tzacae̱mk.