Éxodo 12:41 - Li Santil hu

⁴¹ Tzꞌakal ca̱hib ciento riqꞌuin laje̱b xcaꞌcꞌa̱l (430) chihab nak queꞌel chixjunileb li ralal xcꞌajol li Dios saꞌ li tenamit Egipto.

Q'eqchi Bible

⁴¹ Chiru ajwi' li kutan a'an, sa' xkooloninkil lajeeb' xka'k'aal xkab' o'q'ob' (430) chihab', ke'elk chixjunileb' li xteepal li Qaawa' sa' li tenamit a'an.

Éxodo 12:41 ပူးပေါင်းရင်းမြစ်များ

Hechos 1:7

Quichakꞌoc li Jesús ut quixye reheb: —Ma̱cuaꞌ e̱re la̱ex xnaubal li cꞌaꞌak re ru aꞌin. Caꞌaj cuiꞌ li Dios Acuabej nanaꞌoc re jokꞌe tixba̱nu xban nak caꞌaj cuiꞌ aꞌan yal re saꞌ xbe̱n chixjunil.

San Juan 7:8

Ayukex la̱ex saꞌ li ninkꞌe. La̱in incꞌaꞌ tinxic xban nak toj ma̱jiꞌ nacuulac xkꞌehil nak tinxic, chan li Jesús.

Habacuc 2:3

Li cꞌaꞌru tinye a̱cue saꞌ li visión, ta̱cꞌulma̱nk. Abanan, toj ma̱jiꞌ nacuulac xkꞌehil nak ta̱osokꞌ la̱ tenamit. Usta ta̱ba̱yk caꞌchꞌinak, abanan ta̱cuoybeni xban nak relic chi ya̱l nak ta̱cꞌulma̱nk li cꞌaꞌru tincꞌutbesi cha̱cuu.

Daniel 9:24

Laje̱b xca̱cꞌa̱l xama̱n teꞌxcꞌul li raylal li ac tenebanbil saꞌ xbe̱n lix santil tenamit li Dios, joꞌ eb ajcuiꞌ li ralal xcꞌajol re nak teꞌxtoj rix lix ma̱queb ut teꞌxcanab xba̱nunquil li ma̱usilal ut re nak teꞌxcanab xba̱nunquil li ma̱c. Nak ta̱xakaba̱k xcuanquil li ti̱quilal, ta̱cꞌulma̱nk li cꞌaꞌru quicꞌutbesi̱c cha̱cuu joꞌ ajcuiꞌ li queꞌxye li profeta ut li santil templo ta̱xakaba̱k cuiꞌchic.

Salmos 102:13

At Ka̱cuaꞌ, la̱at ta̱cuil xtokꞌoba̱l ku. Ta̱cuosobtesi cuiꞌchic la̱ tenamit Sión. Ac xcuulac xkꞌehil nak ta̱tenkꞌa cuiꞌchic.

Josué 5:14

Li cui̱nk quixye re: —Ma̱cuaꞌin xcomoneb la̱ soldado chi moco la̱in xcomoneb li xicꞌ nequeꞌiloc e̱re. La̱in nintaklan saꞌ xbe̱neb lix soldado li nimajcual Dios, chan. Ut laj Josué quixcuikꞌib rib chiru toj quixtochꞌ li chꞌochꞌ riqꞌuin lix jolom ut quixlokꞌoni ut quixye re: —La̱in aj cꞌanjel cha̱cuu. ¿Cꞌaꞌru ta̱cuaj tinba̱nu? chan.

Éxodo 12:51

Ut saꞌ li cutan aꞌan li Ka̱cuaꞌ Dios quilajrisiheb chak laj Israel saꞌ li tenamit Egipto. Nequeꞌtzololnac nak queꞌel laj Israel chi junju̱nk chꞌu̱tal aran Egipto.

Éxodo 12:17

Saꞌ li ninkꞌe aꞌin te̱cuaꞌ li caxlan cua li ma̱cꞌaꞌ xchꞌamal xban nak saꞌ li cutan aꞌin xexcuisi saꞌ li tenamit Egipto. Re xjulticanquil li xinba̱nu e̱re, chalen anakcuan, texninkꞌei̱k chi joꞌcaꞌin joꞌ eb ajcuiꞌ le̱ ralal e̱cꞌajol. Li cutan aꞌan te̱oxlokꞌi xban nak saꞌ li cutan aꞌan quexcuisi saꞌ li tenamit Egipto.

Éxodo 7:4

Ut laj faraón ti̱c incꞌaꞌ ta̱abi̱nk che̱ru. La̱in tinrakok a̱tin saꞌ xbe̱neb laj Egipto. Tintakla nabal raylal saꞌ xbe̱neb re nak ta̱ru̱k tincuisiheb lin tenamit Israel saꞌ xya̱nkeb laj Egipto.

Éxodo 3:10

Abi li cꞌaꞌru tinye a̱cue anakcuan. La̱in tatintakla riqꞌuin laj faraón re nak ta̱cuisiheb chak lin tenamit Egipto, chan li Dios.

Hechos 7:36

Laj Moisés, aꞌan li qui-isin reheb Egipto. Nabal li milagro ut li sachba chꞌo̱lej quixba̱nu aran Egipto ut saꞌ li Caki Palau. Chiru caꞌcꞌa̱l chihab quicꞌamoc be chiruheb saꞌ li chaki chꞌochꞌ.

Éxodo 3:8

Joꞌcan nak la̱in tincoleb saꞌ rukꞌeb laj Egipto ut tincuisiheb ajcuiꞌ saꞌ li tenamit aꞌan. Tincꞌameb saꞌ jun nimla naꞌajej numtajenak xcha̱bilal bar cuan cuiꞌ li sahil echej. Aꞌan li chꞌochꞌ li bar cuanqueb cuiꞌ laj cananeo, eb laj heteo, eb laj amorreo, eb laj ferezeo, eb laj heveo, ut eb laj jebuseo.

Éxodo 6:6

Ta̱ye reheb laj Israel li tinye a̱cue anakcuan. La̱in li nimajcual Dios ut la̱in ajcuiꞌ tin-isi̱nk reheb saꞌ li cacuil trabaj saꞌ rukꞌeb laj Egipto. La̱in tincolok reheb saꞌ xya̱lal nak tinrahobtesiheb laj Egipto nak tincꞌut lin cuanquil chiruheb.

Génesis 50:24

Saꞌ jun li cutan, laj José quixye reheb li ras: —La̱in chi se̱b nincam. Li Ka̱cuaꞌ Dios ta̱ilok e̱re chi junelic. Ut aꞌan ta̱isi̱nk e̱re saꞌ li tenamit aꞌin ut texcꞌam cuiꞌchic saꞌ li tenamit Canaán. Aꞌan li chꞌochꞌ li yechiꞌinbil chak najter xban li Ka̱cuaꞌ Dios reheb laj Abraham, laj Isaac ut laj Jacob, chan.

Éxodo 6:26

Aꞌ laj Aarón ut laj Moisés aꞌaneb li queꞌa̱tina̱c xban li Ka̱cuaꞌ Dios ut quixye reheb nak teꞌrisiheb laj Israel saꞌ li tenamit Egipto chi tzoltzo.

Éxodo 13:3

Laj Moisés quixye reheb: —Saꞌ li cutan aꞌin re li po Abib xcꞌabaꞌ, li Ka̱cuaꞌ Dios xexrisi chak saꞌ li tenamit Egipto bar quexcꞌanjelac cuiꞌ chak chokꞌ rahobtesinbil mo̱s. Rajlal chihab texninkꞌei̱k re xjulticanquil li cutan aꞌin, ut me̱cuaꞌ li caxlan cua li cuan xchꞌamal. Chijulticokꞌ e̱re nak riqꞌuin xnimal xcuanquil li Dios quexrisi chak saꞌ li tenamit aꞌan.

Éxodo 13:9

Li ninkꞌe aꞌin ta̱cꞌanjelak chokꞌ e̱re re xjulticanquil nak junelic cua̱nk saꞌ e̱chꞌo̱l li ra̱tin li Dios. Te̱serakꞌi ajcuiꞌ li ra̱tin li Dios xban nak riqꞌuin lix nimal xcuanquilal, li Dios quexrisi chak saꞌ li tenamit Egipto.

Éxodo 13:14

Mokon chic le̱ ralal e̱cꞌajol teꞌxpatzꞌ e̱re cꞌaꞌru xya̱lal li nequeba̱nu. La̱ex te̱ye reheb, “Nakaba̱nu aꞌin re xjulticanquil nak riqꞌuin xnimal xcuanquilal li Dios corisi chak saꞌ li tenamit Egipto bar cocuan cuiꞌ chak chokꞌ rahobtesinbil mo̱s.

Éxodo 13:16

Li ninkꞌe aꞌan ta̱cꞌanjelak e̱re re xjulticanquil nak junelic cua̱nk saꞌ e̱chꞌo̱l li ra̱tin li Dios xban nak riqꞌuin lix nimal xcuanquil li Dios quexrisi chak Egipto, chan laj Moisés.

Levítico 23:43

Teꞌxba̱nu chi joꞌcan re nak eb li ralal xcꞌajol laj Israel teꞌxqꞌue retal chanru quinba̱nu nak quebincuisi chak Egipto. La̱in quinqꞌueheb chi cua̱nc saꞌ li cocꞌ muheba̱l yi̱banbil riqꞌuin rukꞌ cheꞌ. La̱in li Ka̱cuaꞌ le̱ Dios, chan.

Números 23:22

Li Dios qui-isin chak reheb saꞌ li naꞌajej Egipto. Kꞌaxal nabaleb ut cauheb rib joꞌ li bo̱yx li cuan saꞌ qꞌuicheꞌ.

Números 33:1

Joꞌcaꞌin nak queꞌel chak laj Israel aran Egipto. Chi chꞌu̱tal queꞌxqꞌue rib nak yo̱queb chi xic joꞌ nequeꞌxba̱nu li soldados. Ut laj Moisés ut laj Aarón, aꞌaneb li queꞌcꞌamoc be chiruheb.

Deuteronomio 4:37

Cꞌajoꞌ nak quixraheb le̱ xeꞌto̱nil yucuaꞌ. Joꞌcan nak quixsiqꞌueb ru li ralal xcꞌajoleb chokꞌ xtenamit. Aꞌan qui-isin chak e̱re Egipto riqꞌuin xnimal xcuanquil.

Deuteronomio 16:1

Saꞌ li po Abib te̱ba̱nu li ninkꞌe Pascua re xlokꞌoninquil li Ka̱cuaꞌ le̱ Dios xban nak chiru li po Abib quexrisi chak li Ka̱cuaꞌ saꞌ li naꞌajej Egipto chiru kꞌojyi̱n.

Josué 24:5

Mokon chic quintakla laj Moisés ut laj Aarón aran Egipto re risinquileb laj Israel aran. Ut nabal li raylal quintakla saꞌ xbe̱neb laj Egipto toj retal quexcuisi saꞌ li naꞌajej aꞌan.

1 Reyes 6:1

Li templo quiticla xyi̱banquil nak ac xnumeꞌ ca̱hib ciento chihab riqꞌuin ca̱cꞌa̱l chihab reliqueb laj Israel aran Egipto. Li rey Salomón quixtiquib xyi̱banquil lix templo li Ka̱cuaꞌ nak yo̱ xca̱ chihab roquic chokꞌ rey saꞌ li po Zif, li xcab po re li chihab aꞌan.

2 Crónicas 14:12

Ut li Dios quixtenkꞌaheb li rey Asa joꞌ eb ajcuiꞌ laj Judá chi numta̱c saꞌ xbe̱neb laj Etiopía toj retal queꞌe̱lelic.

Salmos 114:1

Nak eb laj Israel li ralal xcꞌajol laj Jacob queꞌel saꞌ li tenamit Egipto,

Salmos 136:11

Aꞌan li qui-isin chak ke la̱o aj Israel aran Egipto xban nak kꞌaxal nim li ruxta̱n saꞌ kabe̱n junelic.