Éxodo 12:31 - Li Santil hu

³¹ Ut laj faraón chiru li kꞌojyi̱n aꞌan quixtakla resil riqꞌuin laj Moisés ut laj Aarón. Quixye reheb: —Cuaclinkex. Elenkex saꞌ junpa̱t. Cꞌamomak che̱rix chixjunileb laj Israel. Ayukex ut lokꞌonihomak ru le̱ Dios joꞌ xeye cue.

Q'eqchi Bible

³¹ Chiru ajwi' li q'oqyink a'an laj Parahón kixb'oqeb' laj Moisés ut laj Aharón ut kixye reheb': “Waklinqex ut elenqex sa' lintenamit, laa'ex ut eb' laj Israel, ut ayuqex chi xloq'oninkil ru li Qaawa' kama' xeye.

Éxodo 12:31 ပူးပေါင်းရင်းမြစ်များ

Éxodo 6:1

Ut li Ka̱cuaꞌ Dios quixye re laj Moisés: —Anakcuan ta̱cuil cꞌaꞌru tinba̱nu re laj faraón. Moco caꞌaj cuiꞌ ta tixcanabeb chi xic laj Israel. Saꞌ joskꞌil ban tixyolesiheb nak ta̱risiheb saꞌ lix tenamit, chan li Dios.

Salmos 105:38

Eb laj Egipto queꞌsahoꞌ saꞌ xchꞌo̱leb nak queꞌel xban nak queꞌoc xxiu riqꞌuin li cꞌaꞌru queꞌxcꞌul.

Éxodo 10:9

Laj Moisés quichakꞌoc ut quixye: —Chikajunilo toxic xban nak toninkꞌei̱k chiru li kaDios. Teꞌxic li sa̱j cui̱nk ut teꞌxic li che̱quel cui̱nk ut teꞌxic ajcuiꞌ li ixk. Talajeꞌxic li kalal kacꞌajol. Ut takacꞌameb ajcuiꞌ li kaqueto̱mk, chan laj Moisés.

Éxodo 8:8

Tojoꞌnak laj faraón quixbok laj Moisés ut laj Aarón. Quixye reheb: —Te̱tzꞌa̱ma chiru li Ka̱cuaꞌ Dios nak ta̱risi chixjunil li amoch cuiqꞌuin joꞌ ajcuiꞌ riqꞌuineb lin tenamit. Ut la̱in tincanabeb chi xic laj Israel re nak teꞌxic chi mayejac chiru li Dios, chan.

Éxodo 11:8

Laj Moisés quixye ajcuiꞌ re laj faraón: —Chixjunileb laj cꞌanjel cha̱cuu teꞌcuulak cuiqꞌuin ut teꞌxcuikꞌib rib chicuu chixtzꞌa̱manquil. Teꞌxye cue, “Ba̱nu usilal, ayu la̱at a̱cuochbeneb chixjunileb laj Israel.” Ut chirix aꞌan tine̱lk saꞌ e̱ya̱nk, chan laj Moisés. Ut ma̱ caꞌchꞌin xjoskꞌil laj Moisés nak qui-el riqꞌuin laj faraón.

Éxodo 10:29

Laj Moisés quixye re: —Chi-uxma̱nk joꞌ xaye. Nak tine̱lk a̱cuiqꞌuin, incꞌaꞌ chic ta̱cuil cuu, chan re.

Éxodo 8:25

Ut laj faraón quixbok laj Moisés ut laj Aarón ut quixye reheb: —Mayejankex chak chiru le̱ Dios. Aban te̱ba̱nu saꞌ li naꞌajej li cuanquex cuiꞌ, chan.

Éxodo 11:1

Li Ka̱cuaꞌ Dios quixye re laj Moisés: —Jun chic li raylal tintakla saꞌ xbe̱n laj faraón joꞌ cuiꞌ anchal saꞌ xbe̱n li tenamit Egipto. Ut riqꞌuin aꞌan texcanab chi xic laj faraón. Aban moco caꞌaj cuiꞌ ta texcanab chi xic, texra̱lina chi junaj cua.

Éxodo 12:39

Xban nak queꞌisi̱c saꞌ junpa̱t saꞌ li tenamit Egipto, ma̱cꞌaꞌ xcuaheb yi̱banbil nak queꞌco̱eb. Riqꞌuin lix kꞌemal li caxlan cua queꞌxyi̱b lix cuaheb xcomon li ma̱cꞌaꞌ xchꞌamal.

1 Samuel 6:6

¿Cꞌaꞌut nak te̱cacuubresi le̱ chꞌo̱l joꞌ queꞌxba̱nu laj Egipto ut laj faraón? Eb aꞌan nabal li raylal quiqꞌueheꞌ saꞌ xbe̱neb xban li Dios, tojoꞌnak queꞌxcanabeb laj Israel chi e̱lc saꞌ lix tenamiteb.