Éxodo 12:3 - Li Santil hu

³ Ta̱ye reheb chixjunileb laj Israel nak saꞌ li laje̱b xbe li po aꞌin li cui̱nk teꞌxsicꞌ junju̱nk li carner re li ju̱nk cabal.

Q'eqchi Bible

³ Cheye a'in re chixjunil li xkomonileb' laj Israel: Sa' li lajeeb' xb'e li po a'in teechap chejunjunqal jun xkarneer leejunkab'al, jun xkarneer li junjunq chi ochoch.

Éxodo 12:3 ပူးပေါင်းရင်းမြစ်များ

1 Corintios 5:7

Canabomak chi junaj cua li najteril naꞌleb re nak ma̱cꞌaꞌak chic li ma̱c e̱riqꞌuin. Chanchanakex chic lix kꞌemal li caxlan cua ma̱cꞌaꞌ xchꞌamal xban nak li Jesucristo quirisi le̱ ma̱c. Eb laj judío queꞌxmayeja li carner re xjulticanquil li pascua ut joꞌcan ajcuiꞌ li Jesucristo aꞌan lix carner li Dios li quixmayeja rib re risinquil li kama̱c.

San Juan 1:29

Joꞌ cuulajak chic laj Juan quiril li Jesús yo̱ chak chi cha̱lc riqꞌuin ut quixye: —Ilomak. Cueꞌ chak li Cristo, li taklanbil chak xban li Dios. Chanchan jun li carner. Ta̱camsi̱k re xtojbal rix lix ma̱queb li cuanqueb saꞌ ruchichꞌochꞌ.

Levítico 5:6

Tento nak tixqꞌue chokꞌ xmayej chiru li Ka̱cuaꞌ re xtzꞌa̱manquil xcuybal lix ma̱c jun li ixki carner malaj ut li ixki chiba̱t. Ut laj tij tixmayeja chiru li Ka̱cuaꞌ re xtojbal rix lix ma̱c.

Levítico 1:2

Quixye re nak tixye reheb laj Israel chanru teꞌxba̱nu nak teꞌmayejak chiru li Dios. Joꞌcaꞌin quixye re: Nak li tenamit teꞌxmayeja li xul tento nak teꞌxqꞌue jun reheb lix queto̱mk cuacax, malaj ut carner.

San Juan 12:12

Joꞌ cuulajak chic li qꞌuila tenamit queꞌcuulac saꞌ li ninkꞌe. Queꞌrabi resil nak li Jesús cuulac re Jerusalén.

San Juan 1:36

Nak quiril li Jesús yo̱ chi numecꞌ nachꞌ cuanqueb cuiꞌ, laj Juan quixye: —Cueꞌ chak li Cristo, li chanchan carner qꞌuebil chak xban li Dios, chan.

2 Crónicas 35:7

Laj Josías quixsi reheb li tenamit laje̱b xcaꞌcꞌa̱l mil (30,000) chi carner ut chiba̱t re teꞌxninkꞌei li Pascua. Ut quixsi ajcuiꞌ reheb oxib mil chi bo̱yx. Chixjunil li quixsi reheb, aꞌan re li rey Josías.

Números 15:11

Aꞌan aꞌin li ta̱qꞌuehekꞌ rochben li junju̱nk chi toro malaj ut li carner te̱lom malaj ut li carner toj sa̱j malaj ut li junju̱nk chi chiba̱t toj sa̱j.

Éxodo 12:6

Nak ac xesicꞌ aꞌan, te̱xoc. Saꞌ li ca̱laju xbe li po nak ac namoynac, che̱junilex la̱ex aj Israel te̱camsi li chꞌina carner li sicꞌbil ru e̱ban.

Éxodo 6:6

Ta̱ye reheb laj Israel li tinye a̱cue anakcuan. La̱in li nimajcual Dios ut la̱in ajcuiꞌ tin-isi̱nk reheb saꞌ li cacuil trabaj saꞌ rukꞌeb laj Egipto. La̱in tincolok reheb saꞌ xya̱lal nak tinrahobtesiheb laj Egipto nak tincꞌut lin cuanquil chiruheb.

Éxodo 4:30

Ut laj Aarón quia̱tinac riqꞌuineb laj Israel ut quixye reheb li cꞌaꞌru quiyeheꞌ re laj Moisés xban li Ka̱cuaꞌ Dios. Ut laj Moisés quixcꞌut ajcuiꞌ chiruheb li milagros joꞌ quiyeheꞌ re xban li Ka̱cuaꞌ Dios.

Génesis 22:8

Laj Abraham quixye re: —Matcꞌoxlac, at cualal. Li Dios ta̱qꞌuehok re li carner li takacꞌat chokꞌ re li kamayej, chan. Ut yo̱queb chi xic saꞌ li tzu̱l.

Génesis 4:4

Ut laj Abel quixqꞌue ajcuiꞌ chokꞌ xmayej li xbe̱n ral lix carner. Quixsicꞌ ru li kꞌaxal cha̱bil saꞌ xya̱nkeb. Ut li Ka̱cuaꞌ Dios quisahoꞌ saꞌ xchꞌo̱l riqꞌuin laj Abel ut quixcꞌul lix mayej.

Apocalipsis 13:8

Ut chixjunileb li cuanqueb saꞌ ruchichꞌochꞌ teꞌxlokꞌoni ru li joskꞌ aj xul aꞌan. Teꞌxlokꞌoni li xul chixjunileb li incꞌaꞌ tzꞌi̱banbileb xcꞌabaꞌ saꞌ li hu li tzꞌi̱banbil cuiꞌ xcꞌabaꞌeb li cuanqueb xyuꞌam chi junelic, li cuan riqꞌuin li Jun li chanchan carner, li ac xakabanbil chak re camsi̱c saꞌ xticlajic li ruchichꞌochꞌ.

1 Samuel 7:9

Laj Samuel quixcamsi jun li chꞌina carner ut quixcꞌat chi jun chokꞌ xmayej chiru li Ka̱cuaꞌ. Quixtzꞌa̱ma xtenkꞌanquileb laj Israel. Ut li Ka̱cuaꞌ quirabi lix tij.

Josué 7:14

Cuulaj teꞌcha̱lk chicuu chixjunileb lix te̱paleb laj Israel. Chi junju̱nk te̱p teꞌnumekꞌ chicuu. Li jun te̱p li tincꞌut la̱in, aꞌaneb li teꞌnumekꞌ chi ju̱nk chꞌu̱tal li rechꞌalaleb rib. Li jun chꞌu̱tal chi rechꞌalaleb rib li tincꞌut la̱in, aꞌaneb li teꞌnumekꞌ chi junju̱nk cabal chicuu. Ut li jun cabal li tincꞌut la̱in, tento nak teꞌnumekꞌ chicuu li junju̱nk chi cui̱nk re li jun cabal aꞌan.

Éxodo 20:19

Ut queꞌxye re laj Moisés: —La̱at tat-a̱tinak kiqꞌuin ut to-abi̱nk cha̱cuu. Mia̱tinac li Dios kiqꞌuin xban nak ma̱re toca̱mk, chanqueb.

Éxodo 14:15

Ut li Ka̱cuaꞌ Dios quixye re laj Moisés: —¿Cꞌaꞌru nequeroybeni? Ye reheb li cristian nak xicakeb.

San Juan 12:1

Cuakib cutan chic ma̱ nacuulac xkꞌehil li ninkꞌe Pascua nak quicuulac li Jesús Betania. Aꞌan xtenamit laj Lázaro, li quicam ut quicuaclesi̱c cuiꞌchic chi yoꞌyo xban li Jesús.

Éxodo 12:2

—Chalen anakcuan li po aꞌin, aꞌan chic xticlajic li chihab chokꞌ e̱re la̱ex.

Éxodo 12:4

Li incꞌaꞌ qꞌuiheb saꞌ rochocheb naru nequeꞌxic chi cuaꞌac rochbeneb li rech cabal re nak teꞌxchoy xtiubal chixjunil lix tibel li carner. Teꞌxbir rix joꞌ qꞌuial li teꞌxtzaca li junju̱nk.

Éxodo 12:21

Tojoꞌnak laj Moisés quixbok chixjunileb li cui̱nk li nequeꞌcꞌamoc be saꞌ xya̱nkeb laj Israel. Quixye reheb: —Te̱sicꞌ le̱ carner ut te̱camsi chokꞌ reheb li cuanqueb saꞌ le̱ rochoch.

Ezequiel 40:1

Nak yo̱ o̱b xcaꞌcꞌa̱l chihab kacꞌambal chi pre̱xil Babilonia saꞌ li laje̱b xbe li po re lix ticlajic li chihab la̱in quicuecꞌa xcuanquil li Ka̱cuaꞌ. Quincꞌameꞌ saꞌ visión saꞌ jun li naꞌajej. Aꞌan quicꞌulman nak ac yo̱ ca̱laju chihab xchapbal li tenamit Jerusalén.