Éxodo 12:29 - Li Santil hu

²⁹ Tuktu kꞌojyi̱n nak quinumeꞌ li Dios ut quilajxcamsi li xbe̱n ralaleb chixjunileb laj Egipto. Quixcamsi li xbe̱n ralal laj faraón li kꞌaxal nim xcuanquil. Joꞌcan ajcuiꞌ li cuanqueb saꞌ tzꞌalam queꞌcamsi̱c ajcuiꞌ li xbe̱n ralaleb. Quilajeꞌcamsi̱c ajcuiꞌ li xbe̱n raleb lix queto̱mk chixjunileb, li cuanqueb xcuanquil ut li ma̱cꞌaꞌeb xcuanquil, chixjunileb li xbe̱n alalbej aran Egipto quilajeꞌcamsi̱c.

Q'eqchi Bible

²⁹ Tuqtu q'oqyink li Qaawa' kulxtiq' chixjunileb' li xb'een alalb'ej sa' li tenamit Ejiipt, chalen li xb'een ralal laj Parahón li wank sa' xk'ojarib'aal li xyuwa' toj rik'in li xb'een ralal li tz'aptz'o sa' tz'alam, jo' ajwi' li xb'een ral chixjunileb' li ketomq.

Éxodo 12:29 ပူးပေါင်းရင်းမြစ်များ

Salmos 78:51

Li Dios quixcanabeb chi camsi̱c li xbe̱n ralaleb laj Egipto, li ralal xcꞌajoleb laj Cam.

Éxodo 4:23

Xinye a̱cue nak ta̱canabeb chi xic eb laj Israel re nak teꞌcꞌanjelak chicuu. Cui incꞌaꞌ nacacanabeb chi xic, la̱in tincamsi li xbe̱n a̱cualal, chaꞌkat re laj faraón,” chan li Dios re laj Moisés.

Salmos 135:8

Quixtakla xcamsinquileb li xbe̱n alalbej joꞌqueb ajcuiꞌ li xbe̱n ral li queto̱mk aran Egipto.

Salmos 105:36

Ut li Dios quixqꞌueheb chi ca̱mc li xbe̱n ralaleb laj Egipto. Quixqꞌueheb chi ca̱mc li kꞌaxal raro xbaneb.

Salmos 136:10

Aꞌan li quitaklan xcamsinquileb li xbe̱n alalbej aran Egipto xban nak kꞌaxal nim li ruxta̱n saꞌ kabe̱n junelic.

Números 8:17

Chixjunileb li xbe̱n ralaleb laj Israel, aꞌan cueheb la̱in. Ut cueheb ajcuiꞌ li xbe̱n raleb li xul li te̱lom. La̱in quinsiqꞌueb ru nak quinqꞌueheb chi ca̱mc li xbe̱n alalbej aran Egipto.

Éxodo 12:12

Saꞌ li kꞌojyi̱n aꞌan la̱in tincuulak saꞌ li tenamit Egipto ut tincamsiheb chixjunileb li xbe̱n alalbej saꞌ xya̱nkeb laj Egipto, joꞌcan ajcuiꞌ li xbe̱n ral li queto̱mk. Ut la̱in tinrakok a̱tin saꞌ xbe̱neb lix dioseb li nequeꞌxlokꞌoni laj Egipto. La̱in li Ka̱cuaꞌ Dios.

Hebreos 11:28

Xban lix pa̱ba̱l, laj Moisés quixba̱nu li pascua joꞌ quiyeheꞌ re xban li Dios. Nak e̱lqueb re Egipto quixtakla xqꞌuebal xquiqꞌuel li carner chiruheb li puerta. Ut nak quinumeꞌ li ángel chi camsi̱nc, ma̱ jun li xbe̱n ralaleb laj Israel quixcamsi.

Números 33:4

Nak yo̱queb chixmukbaleb li xbe̱n ralaleb laj Egipto li quixcamsi li Ka̱cuaꞌ, eb laj Israel queꞌco̱eb. Li Ka̱cuaꞌ quixcamsiheb li ralaleb laj Egipto re xrakbal a̱tin saꞌ xbe̱n lix dioseb.

Éxodo 13:15

Laj faraón quixcacuubresi xchꞌo̱l ut incꞌaꞌ coxcanab chi e̱lc saꞌ li tenamit Egipto. Ut li Ka̱cuaꞌ Dios quixqꞌueheb chi ca̱mc chixjunileb li xbe̱n ralaleb laj Egipto. Quixqꞌueheb ajcuiꞌ chi ca̱mc li xbe̱n ral li queto̱mk. Re xjulticanquil li xba̱nu li Dios, la̱in ninmayeja chiru li Dios li xbe̱n raleb lin xul. Ut tinqꞌue chokꞌ ru̱chil li xbe̱n cualal”, chaꞌkex reheb le̱ ralal e̱cꞌajol.

Hebreos 12:23

Junaj chic e̱ru la̱ex aj pa̱banel. Ut tzꞌi̱banbil le̱ cꞌabaꞌ saꞌ choxa. Textzꞌako̱nk saꞌ choxa e̱rochbeneb li ti̱queb xchꞌo̱l li ac tzꞌakobresinbil ruheb xban li Dios. Cuanquex chi sum a̱tin riqꞌuin li Dios li ta̱rakok a̱tin saꞌ xbe̱neb chixjunileb li cuanqueb saꞌ ruchichꞌochꞌ.

Zacarías 9:11

Joꞌcaꞌin quixye li Ka̱cuaꞌ: —La̱ex aj Jerusalén, xeqꞌue xcuanquil li contrato riqꞌuin xquiqꞌuel li xul li xemayeja. Joꞌcaꞌin nak la̱in texincol chiru li raylal. Chanchan nak texcuisi saꞌ jun li chamal jul li ma̱cꞌaꞌ haꞌ chi saꞌ.

Jeremías 38:13

Ut riqꞌuin li cꞌa̱m queꞌxquelo laj Jeremías ut queꞌrisi saꞌ li jul. Ut queꞌxcanab laj Jeremías saꞌ li neba̱l re li tzꞌalam.

Jeremías 38:6

Joꞌcan nak queꞌxchap laj Jeremías ut riqꞌuin cꞌa̱m queꞌxcubsi saꞌ xjulel lix haꞌ laj Malquías li ralal laj Hamelec. Li jul aꞌan cuan saꞌ li neba̱l re li tzꞌalam. Ma̱cꞌaꞌ haꞌ chi saꞌ. Junes sulul xsaꞌ. Ut laj Jeremías quisubun saꞌ li sulul.

Isaías 51:14

Eb li cuanqueb chi pre̱xil chi se̱b teꞌachꞌaba̱k. Incꞌaꞌ teꞌca̱mk saꞌ li naꞌajej li cuanqueb cuiꞌ chi pre̱xil. Ut junelic ta̱cua̱nk xcua rucꞌaheb.

Isaías 24:22

Tixchꞌutub ru joꞌ nak nequeꞌchꞌutuba̱c li pre̱x ut teꞌtzꞌapekꞌ saꞌ jun naꞌajej joꞌ nak nequeꞌtzꞌapeꞌ li pre̱x li ni̱nkeb xma̱c. Ut najt teꞌcua̱nk aran toj ta̱cuulak xkꞌehil nak teꞌqꞌuehekꞌ chixtojbal xma̱queb.

Li xHu LAJ JOB 34:20

Cui li Dios naraj, eb li cristian saꞌ junpa̱t nequeꞌcam ut ma̱ aniheb chic saꞌ ruchichꞌochꞌ. Usta tuktu kꞌojyi̱n tixtakla chak li raylal saꞌ xbe̱neb. Ma̱cuaꞌ junak cui̱nk ta̱sachok re li nim xcuanquil. Aꞌ ban li Dios.

Números 3:13

Joꞌcan nak eb laj levitas cueheb la̱in, xban nak li xbe̱n li nayoꞌla cue la̱in chalen najter nak xinqꞌueheb chi camsi̱c li xbe̱n alalbej aran Egipto. Xinsiqꞌueb ru li xbe̱n alalbej ut cueheb la̱in. Usta cui̱nk, usta xul, cuehakeb la̱in li Ka̱cuaꞌ.—

Éxodo 9:6

Joꞌ cuulajak chic li Ka̱cuaꞌ Dios quixba̱nu joꞌ quixye reheb. Quilajeꞌcam lix queto̱mkeb laj Egipto ut reheb laj Israel ma̱ jun queꞌcam.

Éxodo 12:28

Chixjunil li queꞌyeheꞌ re laj Moisés ut laj Aarón xban li Ka̱cuaꞌ Dios, queꞌxba̱nu chixjunileb laj Israel.

Salmos 78:50

Quixcꞌutbesi chi tzꞌakal lix joskꞌil chiruheb ut incꞌaꞌ chic quixcuyeb lix ma̱queb. Quixteneb ban ca̱mc saꞌ xbe̱neb.

Habacuc 3:5

Nak ac cha̱lc re li Ka̱cuaꞌ quixtakla chak jun li yajel ut nabal queꞌcam. Ut nak ac xnumeꞌ li Ka̱cuaꞌ, quichal jun chic li yajel ut nabaleb queꞌcam xban li tik.

Génesis 15:14

Li Dios quixye: —La̱in tinrakok a̱tin saꞌ xbe̱neb li yo̱keb chi rahobtesi̱nc re la̱ cualal a̱cꞌajol. Mokon chic nak la̱ cualal a̱cꞌajol teꞌe̱lk chak aran, teꞌxcꞌam chak lix biomaleb chirixeb.

Éxodo 11:1

Li Ka̱cuaꞌ Dios quixye re laj Moisés: —Jun chic li raylal tintakla saꞌ xbe̱n laj faraón joꞌ cuiꞌ anchal saꞌ xbe̱n li tenamit Egipto. Ut riqꞌuin aꞌan texcanab chi xic laj faraón. Aban moco caꞌaj cuiꞌ ta texcanab chi xic, texra̱lina chi junaj cua.

Isaías 41:11

Chixjunileb li nequeꞌjoskꞌoꞌ e̱riqꞌuin teꞌcꞌutekꞌ xxuta̱n. Ut eb li nequeꞌxyal e̱tꞌanbal teꞌsachekꞌ xcuanquil ut teꞌsachekꞌ ruheb. Chanchan nak incꞌaꞌ queꞌcuan saꞌ ruchichꞌochꞌ.