Éxodo 12:28 - Li Santil hu

²⁸ Chixjunil li queꞌyeheꞌ re laj Moisés ut laj Aarón xban li Ka̱cuaꞌ Dios, queꞌxba̱nu chixjunileb laj Israel.

Q'eqchi Bible

²⁸ Ut eb' laj Israel koheb' ut ke'xb'aanu li ke'taqlaak wi' laj Moisés ut laj Aharón xb'aan li Qaawa'.

Éxodo 12:28 ပူးပေါင်းရင်းမြစ်များ

Hebreos 11:28

Xban lix pa̱ba̱l, laj Moisés quixba̱nu li pascua joꞌ quiyeheꞌ re xban li Dios. Nak e̱lqueb re Egipto quixtakla xqꞌuebal xquiqꞌuel li carner chiruheb li puerta. Ut nak quinumeꞌ li ángel chi camsi̱nc, ma̱ jun li xbe̱n ralaleb laj Israel quixcamsi.

Éxodo 12:27

la̱ex te̱chꞌolob xya̱lal chiruheb ut te̱ye reheb: —Aꞌin li kamayej re li ninkꞌe pascua re xjulticanquil chanru nak coxcol li Ka̱cuaꞌ Dios nak quinumeꞌ saꞌ li tenamit Egipto chixcamsinquil li xbe̱n ralaleb, chan laj Moisés. Ut eb laj Israel quilajeꞌxxulub xjolomeb ut queꞌxlokꞌoni li Ka̱cuaꞌ Dios.

Éxodo 12:29

Tuktu kꞌojyi̱n nak quinumeꞌ li Dios ut quilajxcamsi li xbe̱n ralaleb chixjunileb laj Egipto. Quixcamsi li xbe̱n ralal laj faraón li kꞌaxal nim xcuanquil. Joꞌcan ajcuiꞌ li cuanqueb saꞌ tzꞌalam queꞌcamsi̱c ajcuiꞌ li xbe̱n ralaleb. Quilajeꞌcamsi̱c ajcuiꞌ li xbe̱n raleb lix queto̱mk chixjunileb, li cuanqueb xcuanquil ut li ma̱cꞌaꞌeb xcuanquil, chixjunileb li xbe̱n alalbej aran Egipto quilajeꞌcamsi̱c.

Éxodo 7:6

Laj Moisés ut laj Aarón queꞌxba̱nu chi tzꞌakal re ru li quiyeheꞌ reheb xban li Ka̱cuaꞌ Dios.

Éxodo 7:10

Laj Moisés rochben laj Aarón nak queꞌcuulac riqꞌuin laj faraón. Ut queꞌxba̱nu joꞌ queꞌyeheꞌ re xban li Ka̱cuaꞌ Dios. Laj Aarón quixcut lix xukꞌ chiru laj faraón rochbeneb laj cꞌanjel chiru. Ut lix xukꞌ quisukꞌi chokꞌ cꞌantiꞌ.

Éxodo 12:35

Ac quilajeꞌxba̱nu laj Israel joꞌ queꞌyeheꞌ reheb xban laj Moisés. Quilajeꞌxtzꞌa̱ma riqꞌuineb laj Egipto li cꞌaꞌak re ru yi̱banbil riqꞌuin oro ut plata joꞌ ajcuiꞌ li rakꞌeb.

Éxodo 14:4

Ut la̱in tincacuubresi xchꞌo̱l laj faraón ut laj faraón texta̱ke la̱ex aj Israel re nak texsukꞌisi chak. Ut kꞌaxal cuiꞌchic ta̱nimobresi̱k lin cꞌabaꞌ xban laj faraón ut eb lix soldado. Ut eb laj Egipto teꞌxnau nak la̱in li Ka̱cuaꞌ Dios, chan li Dios re laj Moisés. Ut eb laj Israel queꞌxba̱nu joꞌ quixye li Ka̱cuaꞌ Dios.

Éxodo 36:1

Laj Bezaleel ut laj Aholiab ut chixjunileb li cui̱nk li cuanqueb xnaꞌleb sicꞌbileb ru re teꞌxba̱nu li cꞌanjel aꞌin. Ut li Dios quixqꞌue xnaꞌlebeb chixba̱nunquil chi tzꞌakal re ru joꞌ quixye, chan laj Moisés.

Éxodo 39:32

Joꞌcaꞌin nak queꞌrakeꞌ xyi̱banquil chixjunil li cꞌaꞌru ta̱cꞌanjelak re xyi̱banquil li tabernáculo. Eb laj Israel queꞌxba̱nu chixjunil chi tzꞌakal re ru joꞌ quiyeheꞌ re laj Moisés xban li Ka̱cuaꞌ.

Éxodo 39:42

Eb laj Israel queꞌxba̱nu chixjunil chi tzꞌakal re ru joꞌ quiyeheꞌ re laj Moisés xban li Ka̱cuaꞌ.

Éxodo 39:43

Nak quiril nak queꞌxba̱nu chixjunil chi tzꞌakal joꞌ quixye reheb, laj Moisés quixtzꞌa̱ma chiru li Dios nak ta̱rosobtesiheb.

Levítico 24:23

Nak laj Moisés ac xye aꞌin reheb laj Israel, queꞌxcꞌam li cui̱nk li quixmajecua li Ka̱cuaꞌ toj chirix li naꞌajej li cuanqueb cuiꞌ lix muheba̱leb. Ut aran queꞌxcamsi chi pec. Eb laj Israel queꞌxba̱nu joꞌ quiyeheꞌ re laj Moisés xban li Ka̱cuaꞌ.

Números 1:54

Ut eb laj Israel queꞌxba̱nu chixjunil li quixye li Ka̱cuaꞌ Dios re laj Moisés.

Números 5:4

Ut eb laj Israel queꞌxba̱nu joꞌ quiyeheꞌ re laj Moisés xban li Ka̱cuaꞌ. Queꞌisi̱c saꞌ li naꞌajej li cuan cuiꞌ lix muheba̱leb chixjunil li muxbileb ru.

Números 31:31

Ut laj Moisés ut laj Eleazar queꞌxba̱nu joꞌ quixye li Ka̱cuaꞌ re laj Moisés.

Números 31:41

Li joꞌ qꞌuial li quiqꞌueheꞌ re li Ka̱cuaꞌ laj Moisés quixqꞌue re laj Eleazar laj tij joꞌ quiyeheꞌ re xban li Ka̱cuaꞌ.

Números 31:47

Laj Moisés quixsicꞌ ru jun reheb li junju̱nk laje̱b roxcꞌa̱l, joꞌ ixk joꞌ xul joꞌ quixye li Ka̱cuaꞌ ut quixqꞌue reheb laj levita li nequeꞌiloc re li tabernáculo.

Deuteronomio 34:9

Ut laj Josué li ralal laj Nun quiqꞌueheꞌ xnaꞌleb xban nak laj Moisés quixqꞌue li rukꞌ saꞌ xbe̱n retalil nak aꞌan chic ta̱cꞌamok be chiruheb laj Israel. Joꞌcan nak eb laj Israel queꞌabin chiru ut queꞌxba̱nu joꞌ quiyeheꞌ re laj Moisés xban li Ka̱cuaꞌ Dios.

Josué 2:21

—Us. Joꞌcan takaba̱nu, chan li ixk ut quixchakꞌrabiheb. Eb aꞌan queꞌco̱eb. Chirix aꞌan li ixk quixbacꞌ li caki cꞌa̱m saꞌ lix ventana.

Josué 4:8

Ut eb li cablaju chi cui̱nk queꞌxba̱nu joꞌ quixye laj Josué. Queꞌxxoc li cablaju chi pec saꞌ xyi li nimaꞌ Jordán joꞌ quiyeheꞌ re laj Josué xban li Dios. Aꞌan retalil li cablaju te̱p chi tenamit re Israel. Queꞌxcꞌam li pec ut queꞌxchꞌutub saꞌ li naꞌajej bar queꞌhilan cuiꞌ.

Josué 14:5

Eb laj Israel queꞌxjeqꞌui li chꞌochꞌ joꞌ quiyeheꞌ re laj Moisés xban li Ka̱cuaꞌ.

2 Samuel 5:25

Ut laj David quixba̱nu joꞌ quixye li Ka̱cuaꞌ. Quixcamsiheb laj filisteo. Naticla saꞌ li tenamit Geba ut quicuulac toj cuan cuiꞌ li tenamit Gezer.

1 Reyes 17:5

Ut laj Elías quixba̱nu li cꞌaꞌru quiyeheꞌ re xban li Ka̱cuaꞌ. Co̱ chi cua̱nc aran cuan cuiꞌ li rok haꞌ Querit, li cuan jun pacꞌal li nimaꞌ Jordán.