Éxodo 12:26 - Li Santil hu

²⁶ Nak eb le̱ ralal e̱cꞌajol teꞌxpatzꞌ e̱re cꞌaꞌru xya̱lal li ninkꞌe li nequeba̱nu,

Q'eqchi Bible

²⁶ Ut naq leeralal eek'ajol te'xpatz' eere k'aru xyaalal a'in,

Éxodo 12:26 ပူးပေါင်းရင်းမြစ်များ

Deuteronomio 32:7

Chijulticokꞌ e̱re cꞌaꞌru quicꞌulman junxil. Ut cꞌoxlankex chirixeb li chihab li ac xelajeꞌnumeꞌ. Ut patzꞌomak reheb le̱ yucuaꞌ. Aꞌan teꞌxye e̱re lix ya̱lal. Ut eb li ti̱xil cui̱nk teꞌxserakꞌi e̱re cꞌaꞌru quicꞌulman.

Salmos 145:4

At nimajcual Dios, ta̱qꞌuehekꞌ a̱lokꞌal chi junelic kꞌe cutan xban li cꞌaꞌru calaja̱ba̱nu. Eb li naꞌbej yucuaꞌbej teꞌxye reheb li ralal xcꞌajol li cꞌaꞌru caba̱nu riqꞌuin la̱ cuanquil. Ut eb aꞌan teꞌxye resil reheb li ralal xcꞌajoleb li teꞌcua̱nk mokon.

Efesios 6:4

Ex naꞌbej ex yucuaꞌbej, me̱chikꞌ xjoskꞌileb le̱ ralal e̱cꞌajol chi ma̱cꞌaꞌ rajbal. Cheqꞌuiresihakeb ban saꞌ xya̱lal riqꞌuin xkꞌusbaleb ut riqꞌuin xtijbaleb saꞌ xcꞌabaꞌ li Ka̱cuaꞌ Jesucristo.

Isaías 38:19

Caꞌaj cuiꞌ li yoꞌyo̱queb teꞌqꞌuehok a̱lokꞌal. Joꞌ la̱in yoꞌyo̱quin ut yo̱quin chixqꞌuebal a̱lokꞌal anakcuan. Eb li yucuaꞌbej nequeꞌxserakꞌi reheb li ralal xcꞌajol nak kꞌaxal cha̱bilat.

Deuteronomio 11:19

Ut te̱cꞌut ajcuiꞌ li ra̱tin li Dios chiruheb le̱ ralal e̱cꞌajol. Junelic te̱serakꞌi reheb nak cua̱nkex saꞌ le̱ rochoch ut nak yo̱kex chi be̱c, nak oc e̱re chi cua̱rc, ut joꞌcan ajcuiꞌ nak texcuacli̱k.

Deuteronomio 6:7

Ut te̱chꞌolob xya̱lal chiruheb le̱ ralal e̱cꞌajol. Rajlal te̱cꞌut lix ya̱lal chiruheb saꞌ le̱ rochoch, ut nak yo̱kex chi be̱c, joꞌ ajcuiꞌ nak oc e̱re chi cua̱rc ut nak texcuacli̱k.

Éxodo 13:22

Li chok ut li xam cuan chi junelic. Incꞌaꞌ napaltoꞌ chi cꞌamoc be chiruheb.

Éxodo 10:2

Chi joꞌcan la̱ex te̱ye reheb le̱ ralal e̱cꞌajol chanru xinba̱nu riqꞌuineb laj Egipto nak xincꞌutbesi lin cuanquilal chiruheb. La̱ex te̱nau nak relic chi ya̱l nak la̱in li Ka̱cuaꞌ Dios, chan.

Éxodo 12:25

Ut chi joꞌcaꞌin chexninkꞌei̱k ut chexlokꞌoni̱nk ajcuiꞌ nak texcuulak saꞌ li naꞌajej yechiꞌinbil e̱re xban li Ka̱cuaꞌ Dios.

Salmos 44:1

At kaDios, ac xkabi resil li joꞌ qꞌuial caba̱nu chak najter. Eb li kanaꞌ kayucuaꞌ queꞌxserakꞌi ke chanru nak catenkꞌaheb chak najter.

Deuteronomio 6:20

Ut saꞌ eb li cutan teꞌcha̱lk eb le̱ ralal e̱cꞌajol teꞌxpatzꞌ e̱re cꞌaꞌru aj e chixjunil li chakꞌrab ut li taklanquil li quixqꞌue ke li Ka̱cuaꞌ li kaDios.