Éxodo 12:22 - Li Santil hu

²² Lix quiqꞌuel te̱cꞌul saꞌ junak ucꞌal. Te̱tzꞌa saꞌ li quicꞌ jun chꞌina jo̱b li pim hisopo xcꞌabaꞌ. Te̱qꞌue li quicꞌ saꞌ xbe̱n li puerta joꞌ ajcuiꞌ chiru li cheꞌ li cuan xcaꞌ pacꞌalil li puerta. Ut chetzꞌapak e̱rib saꞌ le̱ rochoch ut ma̱ jun e̱re ta̱e̱lk toj saꞌ li cutan jun chic.

Q'eqchi Bible

²² Teechap jun cheet chi hisoop, teetz'a sa' li kik' wanq sa' emel ut teeyul li wiib' roqechal li okeb'aal jo' ajwi' li xb'een, rik'in li kik' wanq sa' emel; ut maajun eere taa'elq sa' rochoch toj sa' li kutan jun chik.

Éxodo 12:22 ပူးပေါင်းရင်းမြစ်များ

Hebreos 11:28

Xban lix pa̱ba̱l, laj Moisés quixba̱nu li pascua joꞌ quiyeheꞌ re xban li Dios. Nak e̱lqueb re Egipto quixtakla xqꞌuebal xquiqꞌuel li carner chiruheb li puerta. Ut nak quinumeꞌ li ángel chi camsi̱nc, ma̱ jun li xbe̱n ralaleb laj Israel quixcamsi.

Salmos 51:7

Chati̱cobresi taxak inchꞌo̱l re nak ma̱cꞌaꞌak chic inma̱c. Isi li ma̱c li cuan saꞌ li cua̱m re nak ta̱cana̱k chi sak ru joꞌ li ratzꞌam que.

Números 19:18

Chirix aꞌan junak li cui̱nk li incꞌaꞌ muxbil ru tixchap jun li rukꞌ cheꞌ hisopo ut tixtzꞌa saꞌ li haꞌ. Ut riqꞌuin li rukꞌ li hisopo tixrachrachi li haꞌ chiru li muheba̱l ut chiruheb chixjunil li cꞌaꞌak re ru cuan saꞌ li muheba̱l. Ut tixrachrachi ajcuiꞌ saꞌ xbe̱neb li cristian li cuanqueb aran. Tento nak ta̱rachrachi̱k li haꞌ saꞌ xbe̱neb li queꞌchꞌeꞌoc re xbakel li camenak, malaj ut li mukleba̱l, malaj ut junak li camenak li quicamsi̱c chi chꞌi̱chꞌ, malaj ut quicam yal chi joꞌcan.

Hebreos 9:19

Nak laj Moisés quixye chixjunil li chakꞌrab reheb li tenamit, quixchap li cocꞌ rukꞌ li pim hisopo xcꞌabaꞌ ut caꞌchꞌin li caki lana. Quixtzꞌa saꞌ xquiqꞌuel li chiba̱t ut li ral cuacax yubil riqꞌuin haꞌ. Quixrachrachi li quicꞌ chiru li hu tzꞌi̱banbil cuiꞌ li chakꞌrab ut quixrachrachi ajcuiꞌ saꞌ xbe̱neb li tenamit.

Hebreos 9:1

Li xbe̱n contrato cuan xchakꞌrab naxye chanru nak nalokꞌoniman li Dios ut cuan jun li muheba̱l re lokꞌoni̱nc, tabernáculo xcꞌabaꞌ, yi̱banbil xbaneb li cui̱nk.

Éxodo 12:7

Te̱rach xquiqꞌuel li carner saꞌ xbe̱n li puerta joꞌ ajcuiꞌ saꞌ xcaꞌ pacꞌalil xcheꞌel li puerta saꞌ le̱ rochoch li bar yo̱kex cuiꞌ chi cuaꞌac.

Hebreos 9:14

Cui lix quiqꞌuel li xul naru naxsach lix paltileb, kꞌaxal nim cuiꞌchic xcuanquil lix quiqꞌuel li Jesucristo xban nak aꞌan narisi li kama̱c. Li Santil Musikꞌej quixtenkꞌa li Jesucristo nak quixmayeja rib chiru li Dios re xtojbal rix li kama̱c. Li Jesucristo tzꞌakal cha̱bil. Ma̱cꞌaꞌ xma̱c ut lix quiqꞌuel narisi li kama̱c li nacꞌamoc chak re li ca̱mc saꞌ kabe̱n. Naxsakobresi li kacꞌaꞌux re nak caꞌaj cuiꞌ chiru li yoꞌyo̱quil Dios tocꞌanjelak.

1 Pedro 1:2

Ac najter kꞌe cutan qui-ala chak saꞌ xchꞌo̱l li Dios Acuabej nak la̱exak li sicꞌbil e̱ru xban. Santobresinbilakex chic xban li Santil Musikꞌej re nak tex-abi̱nk ut texpa̱ba̱nk chiru li Jesucristo. Cuybilak chic le̱ ma̱c xban xquiqꞌuel li Jesucristo. Ut chicua̱nk taxak chi nabal li rusilal li Dios e̱riqꞌuin ut li tuktu̱quilal saꞌ e̱ya̱nk.

Hebreos 12:24

Ut cuanquex chi sum a̱tin riqꞌuin li Ka̱cuaꞌ Jesucristo, li quixakaban xcuanquil li acꞌ contrato. Kꞌaxal nim xcuanquil lix quiqꞌuel li Jesucristo. Riqꞌuin aꞌan cuan xcuybal le̱ ma̱c. Ma̱cuaꞌ joꞌ li quicꞌ li quixmayeja laj Abel najter kꞌe cutan.

San Mateo 26:30

Nak ac xeꞌrakeꞌ xbichanquil jun li bich re xlokꞌoninquil li Dios, queꞌco̱eb saꞌ li tzu̱l Olivos.

Isaías 26:20

Ex intenamit, ocankex saꞌ le̱ rochoch ut tzꞌapomak li oqueba̱l. Mukumak caꞌchꞌinak e̱rib toj ta̱numekꞌ xjoskꞌil li Dios.

Josué 2:19

Abanan cui ta̱e̱lk junak saꞌ la̱ cuochoch, aꞌan cuan xma̱c cui nacam. Ma̱cuaꞌ chic kama̱c la̱o. La̱o cuan kama̱c cui junak nacuulac chixcamsinquil junak reheb li cuanqueb saꞌ la̱ cuochoch.