Éxodo 12:21 - Li Santil hu

²¹ Tojoꞌnak laj Moisés quixbok chixjunileb li cui̱nk li nequeꞌcꞌamoc be saꞌ xya̱nkeb laj Israel. Quixye reheb: —Te̱sicꞌ le̱ carner ut te̱camsi chokꞌ reheb li cuanqueb saꞌ le̱ rochoch.

Q'eqchi Bible

²¹ Laj Moisés kixb'oqeb' chixjunil li xcheekelaleb' laj Israel ut kixye reheb': “Ayuqex chi xsik'b'al kok' wakax re leejunkab'al, ut teemayeja cho'q re li Paswa.

Éxodo 12:21 ပူးပေါင်းရင်းမြစ်များ

Éxodo 12:3

Ta̱ye reheb chixjunileb laj Israel nak saꞌ li laje̱b xbe li po aꞌin li cui̱nk teꞌxsicꞌ junju̱nk li carner re li ju̱nk cabal.

Esdras 6:20

Eb laj tij ut eb laj levita queꞌxcauresi ribeb re xba̱nunquil li ninkꞌe Pascua, joꞌ cꞌaynakeb xba̱nunquil. Eb laj levita queꞌxmayeja li carner saꞌ xcꞌabaꞌeb chixjunileb li queꞌsukꞌi cuiꞌchic Jerusalén. Queꞌxmayeja ajcuiꞌ saꞌ xcꞌabaꞌeb laj tij jun chꞌol chic, ut saꞌ xcꞌabaꞌeb ajcuiꞌ eb aꞌan.

2 Reyes 23:21

Li rey Josías quixye reheb li tenamit nak teꞌoc cuiꞌchic chixninkꞌeinquil li reliqueb aran Egipto. Pascua nayeman re li ninkꞌe aꞌan. Teꞌxninkꞌei re xlokꞌoninquil li Ka̱cuaꞌ joꞌ tzꞌi̱banbil retalil saꞌ li contrato.

Josué 5:10

Nak yo̱queb chi hila̱nc aran Gilgal saꞌ li ru takꞌa nachꞌ riqꞌuin li tenamit Jericó, queꞌxba̱nu li ninkꞌe Pascua chiru li ecuu saꞌ li ca̱laju xbe li po.

Números 11:16

Abanan li Ka̱cuaꞌ quichakꞌoc ut quixye re: —Chꞌutubeb laje̱b xca̱cꞌa̱lak li cui̱nk li nacanau ruheb li nequeꞌcꞌamoc be saꞌ xya̱nkeb laj Israel. Aꞌaneb li cuanqueb xcuanquil. Ut ta̱cꞌameb chiru li tabernáculo ut tine̱roybeni a̱cuochbeneb.

Éxodo 19:7

Ut laj Moisés quixbokeb chixjunil li cui̱nk li nequeꞌcꞌamoc be chiruheb laj Israel. Quixye reheb li cꞌaꞌru quixye li Dios.

Éxodo 17:5

Ut li Ka̱cuaꞌ Dios quixye re laj Moisés: —Ayu. Numen chiruheb li tenamit. Cꞌameb cha̱cuix li cui̱nk li nequeꞌcꞌamoc be saꞌ xya̱nkeb. Ut ta̱cꞌam la̱ xukꞌ saꞌ a̱cuukꞌ li xataksi saꞌ xbe̱n li nimaꞌ Nilo xcꞌabaꞌ.

Éxodo 12:11

Joꞌcaꞌin nak texcuaꞌak. Nak ac oc e̱re chi cuaꞌac, te̱qꞌue lix cꞌa̱mal e̱saꞌ, te̱qꞌue le̱ xa̱b ut cua̱nk le̱ xukꞌ saꞌ le̱ rukꞌ. Te̱se̱ba e̱rib chi cuaꞌac. Aꞌan li kꞌojyi̱n nak la̱in li Ka̱cuaꞌ Dios tinnumekꞌ saꞌ li tenamit chi rakoc a̱tin.

Éxodo 3:16

Li Dios quixye cuiꞌchic re laj Moisés: —Ayu ut ta̱chꞌutubeb li cui̱nk li nequeꞌcꞌamoc be saꞌ xya̱nkeb laj Israel. Ut ta̱ye reheb, “Li nimajcual Dios li queꞌxlokꞌoni laj Abraham, laj Isaac ut laj Jacob, aꞌan xcꞌutbesi rib chicuu. Joꞌcaꞌin quixye cue: Xexcuil ut ninnau chixjunil li cꞌaꞌru yo̱quex chixcꞌulbal arin Egipto.

1 Corintios 10:4

Chixjunileb queꞌrucꞌ li haꞌ li quiqꞌueheꞌ reheb xban li Dios. Li haꞌ aꞌan qui-el chak saꞌ li sako̱nac. Ut li sako̱nac aꞌan, aꞌan retalil li Cristo li qui-ochbenin reheb nak yo̱queb chi numecꞌ saꞌ li chaki chꞌochꞌ.

Hebreos 11:28

Xban lix pa̱ba̱l, laj Moisés quixba̱nu li pascua joꞌ quiyeheꞌ re xban li Dios. Nak e̱lqueb re Egipto quixtakla xqꞌuebal xquiqꞌuel li carner chiruheb li puerta. Ut nak quinumeꞌ li ángel chi camsi̱nc, ma̱ jun li xbe̱n ralaleb laj Israel quixcamsi.

Éxodo 12:20

Me̱cuaꞌ li caxlan cua xcomon li cuan xchꞌamal. Saꞌ li junju̱nk chi cab, te̱cuaꞌ li caxlan cua li ma̱cꞌaꞌ xchꞌamal, chan li Dios.