Éxodo 12:2 - Li Santil hu

² —Chalen anakcuan li po aꞌin, aꞌan chic xticlajic li chihab chokꞌ e̱re la̱ex.

Q'eqchi Bible

² “Li po a'in a'anaq xtiklajik li chihab' cho'q eere, a'anaq li xb'een po.

Éxodo 12:2 ပူးပေါင်းရင်းမြစ်များ

Deuteronomio 16:1

Saꞌ li po Abib te̱ba̱nu li ninkꞌe Pascua re xlokꞌoninquil li Ka̱cuaꞌ le̱ Dios xban nak chiru li po Abib quexrisi chak li Ka̱cuaꞌ saꞌ li naꞌajej Egipto chiru kꞌojyi̱n.

Éxodo 34:18

Joꞌ xinye e̱re, saꞌ li po Abib xcꞌabaꞌ texninkꞌei̱k. Cuukub cutan te̱cuaꞌ li caxlan cua li ma̱cꞌaꞌ xchꞌamal. Ac chꞌolchꞌo nak te̱ba̱nu aꞌin saꞌ li po Abib xban nak saꞌ li po aꞌin xex-el chak saꞌ li tenamit Egipto.

Éxodo 23:15

Cheba̱nu li ninkꞌe nak te̱cuaꞌ li caxlan cua chi ma̱cꞌaꞌ xchꞌamal. Cuukub cutan te̱cuaꞌ li caxlan cua li ma̱cꞌaꞌ xchꞌamal. Te̱ba̱nu joꞌ quinye e̱re. Te̱ba̱nu saꞌ li po Abib xcꞌabaꞌ xban nak aꞌan li po nak quex-el chak saꞌ li tenamit Egipto. Ma̱ jun ta̱oque̱nk saꞌ li ninkꞌe aꞌan chi incꞌaꞌ tixcꞌam xmayej saꞌ lin templo.

Números 28:16

Saꞌ li ca̱laju xbe li xbe̱n po teꞌxninkꞌei li Pascua re xlokꞌoninquil li Ka̱cuaꞌ.

Levítico 23:5

Saꞌ li ca̱laju xbe li xbe̱n po te̱tiquib lin ninkꞌe Pascua nak ac oc re li kꞌojyi̱n re xjulticanquil nak quexcuisi chak saꞌ li tenamit Egipto.

Ester 3:7

Saꞌ li xbe̱n po Nisán xcꞌabaꞌ nak yo̱ cablaju chihab roquic chokꞌ rey laj Asuero, queꞌbu̱lic chiru laj Amán re xnaubal jokꞌe us xba̱nunquil li quixye laj Amán. Nak queꞌbu̱lic chirix li cutan ut chirix li po qui-el nak teꞌxba̱nu saꞌ li oxlaju xbe lix cablaju po. Li po aꞌan Adar xcꞌabaꞌ. Li bu̱lic nequeꞌxba̱nu, Pur nequeꞌxye re.

Éxodo 12:1

Nak toj cuanqueb saꞌ li tenamit Egipto laj Moisés ut laj Aarón, li Ka̱cuaꞌ Dios quixye reheb:

Éxodo 12:3

Ta̱ye reheb chixjunileb laj Israel nak saꞌ li laje̱b xbe li po aꞌin li cui̱nk teꞌxsicꞌ junju̱nk li carner re li ju̱nk cabal.

Éxodo 12:18

Saꞌ li ca̱laju xbe li xbe̱n po nak ac namoynac, te̱cuaꞌ li caxlan cua li ma̱cꞌaꞌ xchꞌamal. Joꞌcaꞌin te̱ba̱nu toj saꞌ li jun xcaꞌcꞌa̱l (21) xbe li po.

Ezequiel 45:18

Li Ka̱cuaꞌ li nimajcual Dios quixye: —Saꞌ li xbe̱n cutan re li xbe̱n po te̱mayeja jun li toro li tzꞌakalak re ru. Te̱ba̱nu aꞌan re xsantobresinquil li templo.

Éxodo 13:3

Laj Moisés quixye reheb: —Saꞌ li cutan aꞌin re li po Abib xcꞌabaꞌ, li Ka̱cuaꞌ Dios xexrisi chak saꞌ li tenamit Egipto bar quexcꞌanjelac cuiꞌ chak chokꞌ rahobtesinbil mo̱s. Rajlal chihab texninkꞌei̱k re xjulticanquil li cutan aꞌin, ut me̱cuaꞌ li caxlan cua li cuan xchꞌamal. Chijulticokꞌ e̱re nak riqꞌuin xnimal xcuanquil li Dios quexrisi chak saꞌ li tenamit aꞌan.

Éxodo 40:17

Saꞌ xticlajic li xbe̱n po re li xcab chihab, queꞌxyi̱b li tabernáculo.

Ezequiel 45:21

Saꞌ li ca̱laju xbe li xbe̱n po te̱tiquib xninkꞌeinquil li pascua. Chiru cuukub cutan te̱cuaꞌ li caxlan cua li ma̱cꞌaꞌ xchꞌamal.