Éxodo 12:19 - Li Santil hu

¹⁹ Cuukub cutan tzꞌakal ma̱cꞌaꞌak li caxlan cua li cuan xchꞌamal saꞌ le̱ rochoch. Li ani ta̱cuaꞌok li caxlan cua li cuan xchꞌamal usta yal numecꞌ yo̱ saꞌ e̱ya̱nk, aꞌan ta̱isi̱k saꞌ e̱ya̱nk la̱ex aj Israel.

Q'eqchi Bible

¹⁹ Chiru wuqub' kutan ink'a' taawanq sa' leerochoch li nasipob'resink re li wa: chixjunileb' laj ab'l tenamit malaj yo'lajenaqeb' sa' eeyanq li te'wa'oq k'a'aq re ru wanq xyu, te'sache'q sa' xkomonileb' laj Israel.

Éxodo 12:19 ပူးပေါင်းရင်းမြစ်များ

Éxodo 12:15

Chiru cuukub cutan yo̱kex chi ninkꞌei̱k. Saꞌ li xbe̱n cutan te̱risi saꞌ le̱ rochoch chixjunil li naxqꞌue chi si̱pocꞌ li caxlan cua. Re li cuukub cutan li caxlan cua li te̱cuaꞌ, aꞌan xcomon li ma̱cꞌaꞌ xchꞌamal. Ut cui junak cristian tixcuaꞌ li caxlan cua xcomon li cuan xchꞌamal, li cristian aꞌan ta̱isi̱k saꞌ e̱ya̱nk.

Deuteronomio 16:3

Incꞌaꞌ te̱tzaca tib riqꞌuin li caxlan cua cuan xchꞌamal. Chiru cuukub cutan te̱cuaꞌ li caxlan cua ma̱cꞌaꞌ xchꞌamal, li caxlan cua re rahil chꞌo̱lej. Te̱ba̱nu chi joꞌcan re nak junelic ta̱julticokꞌ e̱re chanru nak quex-el chak Egipto saꞌ junpa̱t, li bar quexrahobtesi̱c cuiꞌ.

Éxodo 23:15

Cheba̱nu li ninkꞌe nak te̱cuaꞌ li caxlan cua chi ma̱cꞌaꞌ xchꞌamal. Cuukub cutan te̱cuaꞌ li caxlan cua li ma̱cꞌaꞌ xchꞌamal. Te̱ba̱nu joꞌ quinye e̱re. Te̱ba̱nu saꞌ li po Abib xcꞌabaꞌ xban nak aꞌan li po nak quex-el chak saꞌ li tenamit Egipto. Ma̱ jun ta̱oque̱nk saꞌ li ninkꞌe aꞌan chi incꞌaꞌ tixcꞌam xmayej saꞌ lin templo.

Números 9:13

Ut cui cuan junak li incꞌaꞌ tixninkꞌei li Pascua ut moco muxbil ta ru chi moco yo̱ ta chi viajic, li jun aꞌan ta̱isi̱k saꞌ xya̱nkeb laj Israel xban nak incꞌaꞌ quixqꞌue xmayej chicuu saꞌ xkꞌehil. Tento nak li jun aꞌan tixtoj rix lix ma̱c xban nak incꞌaꞌ quixninkꞌei li Pascua.

Éxodo 34:18

Joꞌ xinye e̱re, saꞌ li po Abib xcꞌabaꞌ texninkꞌei̱k. Cuukub cutan te̱cuaꞌ li caxlan cua li ma̱cꞌaꞌ xchꞌamal. Ac chꞌolchꞌo nak te̱ba̱nu aꞌin saꞌ li po Abib xban nak saꞌ li po aꞌin xex-el chak saꞌ li tenamit Egipto.

Éxodo 12:48

Cui cuanqueb jalan xtenamit saꞌ e̱ya̱nk teꞌraj teꞌoque̱nk saꞌ li ninkꞌe aꞌin, tento nak chixjunileb li cui̱nk teꞌxcꞌul li circuncisión. Nak ac xeꞌxcꞌul li circuncisión, e̱comonakeb chic ut naru chic teꞌxtzaca li tzacae̱mk aꞌin. Aban ma̱ jun naru ta̱tzaca̱nk re cui ma̱jiꞌ xcꞌul li circuncisión.

Éxodo 12:43

Li Ka̱cuaꞌ Dios quixye re laj Moisés ut laj Aarón: —Joꞌcaꞌin nak texninkꞌei̱k re xjulticanquil chanru nak quexcoleꞌ nak quilajeꞌcamsi̱c li xbe̱n ralaleb laj Egipto. Ma̱ jun jalan xtenamit ta̱tzaca̱nk re li tzacae̱mk aꞌin.

Éxodo 12:20

Me̱cuaꞌ li caxlan cua xcomon li cuan xchꞌamal. Saꞌ li junju̱nk chi cab, te̱cuaꞌ li caxlan cua li ma̱cꞌaꞌ xchꞌamal, chan li Dios.

Éxodo 13:3

Laj Moisés quixye reheb: —Saꞌ li cutan aꞌin re li po Abib xcꞌabaꞌ, li Ka̱cuaꞌ Dios xexrisi chak saꞌ li tenamit Egipto bar quexcꞌanjelac cuiꞌ chak chokꞌ rahobtesinbil mo̱s. Rajlal chihab texninkꞌei̱k re xjulticanquil li cutan aꞌin, ut me̱cuaꞌ li caxlan cua li cuan xchꞌamal. Chijulticokꞌ e̱re nak riqꞌuin xnimal xcuanquil li Dios quexrisi chak saꞌ li tenamit aꞌan.

Éxodo 13:7

Cuukub cutan te̱cuaꞌ li caxlan cua li ma̱cꞌaꞌ xchꞌamal. Incꞌaꞌ ta̱cua̱nk saꞌ e̱ya̱nk li caxlan cua li nasipoꞌ. Ut incꞌaꞌ ajcuiꞌ ta̱cua̱nk saꞌ le̱ rochoch li na-oc chokꞌ xchꞌamal li caxlan cua.

Levítico 23:5

Saꞌ li ca̱laju xbe li xbe̱n po te̱tiquib lin ninkꞌe Pascua nak ac oc re li kꞌojyi̱n re xjulticanquil nak quexcuisi chak saꞌ li tenamit Egipto.

Éxodo 30:33

Cui ani tixyi̱b jun chic li aceite joꞌ aꞌin, li jun aꞌan ta̱isi̱k saꞌ xya̱nkeb laj Israel. Ut cui ani tixqꞌue saꞌ xbe̱n junak li ma̱cuaꞌ aj tij, aꞌan ta̱isi̱k ajcuiꞌ saꞌ xya̱nkeb laj Israel.