Éxodo 12:16 - Li Santil hu

¹⁶ Saꞌ li xbe̱n cutan te̱chꞌutub e̱rib re xlokꞌoninquil li Dios ut saꞌ xcuuk li cutan te̱chꞌutub cuiꞌchic e̱rib. Saꞌ li cuib chi cutan aꞌan incꞌaꞌ textrabajik. Caꞌaj cuiꞌ le̱ tzacae̱mk te̱yi̱b.

Q'eqchi Bible

¹⁶ Sa' li xb'een li kutan chiwanq eeloq'laj ch'utam: jo'kanaq ajwi' sa' xwuq li kutan. Maajun k'anjel chi'uxmanq sa'eb' li kutan a'an; ka'ajwi' taaruuq xk'uub'ankil li tzekemq re li junjunq.

Éxodo 12:16 ပူးပေါင်းရင်းမြစ်များ

Números 28:18

Saꞌ li xbe̱n li cutan teꞌxchꞌutub ribeb re teꞌlokꞌoni̱nk ut ma̱ jun li cꞌanjel teꞌxba̱nu.

Números 28:25

Saꞌ li xcuuk li cutan teꞌxchꞌutub ribeb re xqꞌuebal inlokꞌal la̱in li Ka̱cuaꞌ ut ma̱ jun li cꞌanjel teꞌxba̱nu.

Éxodo 16:23

Laj Moisés quixye reheb: —Joꞌcan xye li Ka̱cuaꞌ Dios. Cuulaj li hiloba̱l cutan. Aꞌan jun lokꞌlaj cutan chiru li Ka̱cuaꞌ Dios. Te̱jora li joꞌ qꞌuial te̱raj ut te̱chik li joꞌ qꞌuial te̱raj ut li ta̱elaꞌa̱nk naru te̱xoc re cuulaj, chan.

Números 29:12

Saꞌ li oꞌlaju xbe lix cuuk po teꞌxchꞌutub cuiꞌchic ribeb re xqꞌuebal inlokꞌal la̱in li Ka̱cuaꞌ. Ut ma̱ jun li cꞌanjel teꞌxba̱nu. Chiru cuukub cutan yo̱keb chi ninkꞌei̱k.

Números 29:1

Saꞌ li xbe̱n cutan re li xcuuk po teꞌxchꞌutub ribeb re xqꞌuebal inlokꞌal la̱in li Ka̱cuaꞌ. Ut ma̱ jun li cꞌanjel teꞌxba̱nu. Saꞌ li cutan aꞌan teꞌxya̱basiheb li trompeta.

Levítico 23:35

Saꞌ li xbe̱n li cutan re li ninkꞌe te̱chꞌutub e̱rib chixlokꞌoninquil li Ka̱cuaꞌ ut ma̱ jun li cꞌanjel te̱ba̱nu.

Levítico 23:27

—Saꞌ li laje̱b xbe li xcuuk po, aꞌan li cutan nak te̱qꞌue le̱ mayej re xtojbal rix le̱ ma̱c. Te̱chꞌutub e̱rib ut te̱ba̱nu li lokꞌlaj ninkꞌe. Te̱ba̱nu le̱ ayu̱n ut te̱cꞌat le̱ mayej re xqꞌuebal xlokꞌal li Ka̱cuaꞌ.

Levítico 23:21

Saꞌ li cutan aꞌan te̱chꞌutub e̱rib ut texninkꞌei̱k re xlokꞌoninquil li Ka̱cuaꞌ. Ut ma̱ jun li cꞌanjel te̱ba̱nu. Eb le̱ ralal e̱cꞌajol teꞌxba̱nu li chakꞌrab aꞌin chalen anakcuan ut chi junelic aꞌ yal bar cua̱nkex.

Éxodo 20:10

Saꞌ xcuuk li cutan aꞌan jun hiloba̱l cutan chiru li Ka̱cuaꞌ le̱ Dios. Ma̱ jun li cꞌanjel te̱ba̱nu. Ma̱ ani ta̱trabajik chi moco la̱ex, chi moco le̱ ralal e̱cꞌajol, chi moco le̱ mo̱s cui̱nk, chi moco le̱ mo̱s ixk, chi moco le̱ xul, chi moco junak li jalan xtenamit li cuan saꞌ e̱ya̱nk.

Éxodo 16:29

La̱in xinqꞌue e̱re li hiloba̱l cutan re nak texhila̱nk. Xban aꞌan xinye e̱re nak saꞌ xcuak li cutan te̱xoc re cuib cutan, chan li Dios.

Éxodo 16:5

Ut saꞌ xcuak li cutan teꞌxxoc tzꞌakal re cuib cutan, chan li Dios.

San Juan 19:31

Eb li nequeꞌtaklan saꞌ xya̱nkeb laj judío queꞌxtzꞌa̱ma chiru laj Pilato re nak tixtakla xtokbal xbakel li raꞌeb li queꞌqꞌueheꞌ chiru cruz re nak teꞌca̱mk chi junpa̱t. Queꞌraj nak teꞌisi̱k chiru cruz xban nak cuulac re li hiloba̱l cutan. Yo̱queb chixcauresinquil ribeb re li ninkꞌe Pascua xban nak aꞌan li kꞌaxal lokꞌ chiruheb.

Éxodo 34:18

Joꞌ xinye e̱re, saꞌ li po Abib xcꞌabaꞌ texninkꞌei̱k. Cuukub cutan te̱cuaꞌ li caxlan cua li ma̱cꞌaꞌ xchꞌamal. Ac chꞌolchꞌo nak te̱ba̱nu aꞌin saꞌ li po Abib xban nak saꞌ li po aꞌin xex-el chak saꞌ li tenamit Egipto.

Deuteronomio 16:8

Chiru cuakib cutan te̱cuaꞌ li caxlan cua li ma̱cꞌaꞌ xchꞌamal. Saꞌ xcuuk li cutan te̱chꞌutub e̱rib chixlokꞌoninquil li Ka̱cuaꞌ le̱ Dios, ut ma̱ jun li cꞌanjel te̱ba̱nu.

Isaías 1:13

Me̱cꞌam chak chic le̱ mayej li ma̱cꞌaꞌ na-oc cuiꞌ. Incꞌaꞌ chic nacuaj rutzꞌbal li pom. Xintitzꞌ xban. La̱ex nequeninkꞌei li xyoꞌlajic li po ut li hiloba̱l cutan. Abanan incꞌaꞌ chic nacuaj rilbal le̱ ninkꞌe xban nak junes ma̱usilal nequeba̱nu.

Números 28:26

Ut saꞌ li cutan nak teꞌxmayeja li xbe̱n ru li racui̱mkeb chicuu teꞌxchꞌutub ribeb re xqꞌuebal inlokꞌal la̱in li Ka̱cuaꞌ ut ma̱ jun li cꞌanjel teꞌxba̱nu.