Éxodo 12:15 - Li Santil hu

¹⁵ Chiru cuukub cutan yo̱kex chi ninkꞌei̱k. Saꞌ li xbe̱n cutan te̱risi saꞌ le̱ rochoch chixjunil li naxqꞌue chi si̱pocꞌ li caxlan cua. Re li cuukub cutan li caxlan cua li te̱cuaꞌ, aꞌan xcomon li ma̱cꞌaꞌ xchꞌamal. Ut cui junak cristian tixcuaꞌ li caxlan cua xcomon li cuan xchꞌamal, li cristian aꞌan ta̱isi̱k saꞌ e̱ya̱nk.

Q'eqchi Bible

¹⁵ “Chiru wuqub' kutan texwa'oq wa ink'a' yuub'il. Chalen li xb'een kutan isinb'ilaq sa' leerochoch li nasipob'resink re li wa. Yalaq ani taawa'oq wa yuub'il, chalen sa' li xb'een kutan toj sa' li xwuq, taasache'q sa' xyanqeb' laj Israel.

Éxodo 12:15 ပူးပေါင်းရင်းမြစ်များ

Deuteronomio 16:3

Incꞌaꞌ te̱tzaca tib riqꞌuin li caxlan cua cuan xchꞌamal. Chiru cuukub cutan te̱cuaꞌ li caxlan cua ma̱cꞌaꞌ xchꞌamal, li caxlan cua re rahil chꞌo̱lej. Te̱ba̱nu chi joꞌcan re nak junelic ta̱julticokꞌ e̱re chanru nak quex-el chak Egipto saꞌ junpa̱t, li bar quexrahobtesi̱c cuiꞌ.

Génesis 17:14

Cui junak cui̱nk incꞌaꞌ tixcꞌul li circuncisión, aꞌan tzꞌekta̱nanbilak xban nak aꞌan xkꞌet lin chakꞌrab, chan li Dios.

Números 9:13

Ut cui cuan junak li incꞌaꞌ tixninkꞌei li Pascua ut moco muxbil ta ru chi moco yo̱ ta chi viajic, li jun aꞌan ta̱isi̱k saꞌ xya̱nkeb laj Israel xban nak incꞌaꞌ quixqꞌue xmayej chicuu saꞌ xkꞌehil. Tento nak li jun aꞌan tixtoj rix lix ma̱c xban nak incꞌaꞌ quixninkꞌei li Pascua.

Éxodo 34:18

Joꞌ xinye e̱re, saꞌ li po Abib xcꞌabaꞌ texninkꞌei̱k. Cuukub cutan te̱cuaꞌ li caxlan cua li ma̱cꞌaꞌ xchꞌamal. Ac chꞌolchꞌo nak te̱ba̱nu aꞌin saꞌ li po Abib xban nak saꞌ li po aꞌin xex-el chak saꞌ li tenamit Egipto.

Éxodo 23:15

Cheba̱nu li ninkꞌe nak te̱cuaꞌ li caxlan cua chi ma̱cꞌaꞌ xchꞌamal. Cuukub cutan te̱cuaꞌ li caxlan cua li ma̱cꞌaꞌ xchꞌamal. Te̱ba̱nu joꞌ quinye e̱re. Te̱ba̱nu saꞌ li po Abib xcꞌabaꞌ xban nak aꞌan li po nak quex-el chak saꞌ li tenamit Egipto. Ma̱ jun ta̱oque̱nk saꞌ li ninkꞌe aꞌan chi incꞌaꞌ tixcꞌam xmayej saꞌ lin templo.

Deuteronomio 16:8

Chiru cuakib cutan te̱cuaꞌ li caxlan cua li ma̱cꞌaꞌ xchꞌamal. Saꞌ xcuuk li cutan te̱chꞌutub e̱rib chixlokꞌoninquil li Ka̱cuaꞌ le̱ Dios, ut ma̱ jun li cꞌanjel te̱ba̱nu.

Números 28:17

Saꞌ li oꞌlaju xbe li po aꞌin teꞌxba̱nu jun chic li ninkꞌe. Chiru cuukub cutan teꞌxcuaꞌ li caxlan cua li ma̱cꞌaꞌ xchꞌamal.

Éxodo 34:25

Nak texninkꞌei̱k re xjulticanquil nak xexcuisi chak saꞌ li tenamit Egipto, te̱mayeja junak li xul chicuu ut me̱mayeja lix quiqꞌuel rochben li caxlan cua li cuan xchꞌamal. Ut me̱xoc li na-elaꞌan re cuulaj.

Éxodo 12:8

Saꞌ li kꞌojyi̱n aꞌan te̱tiu li tib chi pombil. Te̱cuaꞌ li caxlan cua xcomon li ma̱cꞌaꞌ xchꞌamal ut te̱tiu ajcuiꞌ li ichaj li cꞌa.

Gálatas 5:12

Li ani yo̱queb chi poꞌoc ru le̱ pa̱ba̱l ut yo̱queb chixyebal nak tento xcꞌulbal li circuncisión, us raj cui teꞌxcꞌul eb aꞌan ut teꞌxset raj ribeb chi junaj cua re nak teꞌxcanab chꞌiꞌchꞌiꞌi̱nc saꞌ e̱ya̱nk.

Hechos 12:3

Laj Herodes quixqꞌue retal nak eb laj judío queꞌsahoꞌ xchꞌo̱l riqꞌuin li cꞌaꞌru quixba̱nu. Joꞌcan nak quixtakla ajcuiꞌ xchapbal laj Pedro. Quixba̱nu aꞌin saꞌ li ninkꞌe nak nequeꞌxcuaꞌ li caxlan cua ma̱cꞌaꞌ xchꞌamal.

San Lucas 12:1

Nak yo̱queb chi chꞌutla̱c li qꞌuila mil chi tenamit, yo̱queb chixtiquisinquil ribeb. Li Jesús qui-oc chi a̱tinac riqꞌuineb lix tzolom xbe̱n cua ut quixye: —Me̱ba̱nu joꞌ nequeꞌxba̱nu laj fariseo. Aꞌaneb aj caꞌ pacꞌal u.

San Mateo 16:12

Tojoꞌnak queꞌxtau ru nak ma̱cuaꞌ chirix xchꞌamal lix caxlan cua yo̱ chi a̱tinac. Chirix ban lix tijlebeb laj fariseo ut laj saduceo yo̱ chi a̱tinac.

Malaquías 2:12

Aꞌ taxak li Ka̱cuaꞌ ta̱isi̱nk reheb saꞌ xya̱nkeb li ralal xcꞌajol laj Jacob li ani yo̱ chixba̱nunquil li ma̱usilal aꞌin. Yalak ani ta̱ba̱nu̱nk re li ma̱usilal aꞌin ta̱isi̱k, usta aj cꞌutul chakꞌrab, usta aj tzolonel, usta aj tij.

Deuteronomio 16:5

Incꞌaꞌ naru te̱mayeja li xul re li ninkꞌe Pascua yalak bar saꞌ eb le̱ tenamit li tixqꞌue e̱re li Ka̱cuaꞌ le̱ Dios.

Levítico 17:14

Li quicꞌ, aꞌan xyuꞌam ut xmetzꞌe̱u li tibelej. Joꞌcan nak li Ka̱cuaꞌ quixye reheb laj Israel nak incꞌaꞌ naru teꞌxtzaca li quicꞌ. Cui junak tixtzaca li quicꞌ, li jun aꞌan ta̱isi̱k saꞌ xya̱nkeb laj Israel.

Levítico 17:10

Cui junak aj Israel, malaj ut junak jalan xtenamit cua̱nk saꞌ e̱ya̱nk, tixtiu li quicꞌ, la̱in tinjoskꞌokꞌ riqꞌuin ut tincuisi aꞌan saꞌ e̱ya̱nk la̱ex aj Israel.

Éxodo 31:14

Che-oxlokꞌi li hiloba̱l cutan xban nak aꞌan li lokꞌlaj santil cutan chokꞌ e̱re. Li ani tixmux ru li hiloba̱l cutan, aꞌan ta̱camsi̱k. Li ani natrabajic chiru li hiloba̱l cutan ta̱isi̱k saꞌ e̱ya̱nk chi jun aj cua.

San Lucas 2:43

Ut nak ac xrakeꞌ li ninkꞌe queꞌsukꞌi saꞌ lix tenamiteb. Ut li Jesús quicana Jerusalén chi incꞌaꞌ naxnau laj José chi moco li naꞌbej.

Éxodo 30:33

Cui ani tixyi̱b jun chic li aceite joꞌ aꞌin, li jun aꞌan ta̱isi̱k saꞌ xya̱nkeb laj Israel. Ut cui ani tixqꞌue saꞌ xbe̱n junak li ma̱cuaꞌ aj tij, aꞌan ta̱isi̱k ajcuiꞌ saꞌ xya̱nkeb laj Israel.

2 Crónicas 30:21

Eb laj Israel li chꞌutchꞌu̱queb aran Jerusalén queꞌninkꞌei̱c ut queꞌxcuaꞌ li caxlan cua ma̱cꞌaꞌ xchꞌamal chiru cuukub cutan chi kꞌaxal sa saꞌ xchꞌo̱leb. Eb laj levita ut eb laj tij yo̱queb chixqꞌuebal xlokꞌal li Ka̱cuaꞌ rajlal cutan. Yo̱queb chi bicha̱nc ut yo̱queb chixchꞌeꞌbal lix cuajbeb re xqꞌuebal xlokꞌal li Dios.

Esdras 6:22

Cuukub cutan queꞌninkꞌei̱c chi sa saꞌ xchꞌo̱leb ut queꞌxcuaꞌ li caxlan cua li ma̱cꞌaꞌ xchꞌamal, joꞌ nequeꞌxcuaꞌ saꞌ li ninkꞌe aꞌan. Cꞌajoꞌ xsahil xchꞌo̱leb xban nak li Ka̱cuaꞌ quixjal xcꞌaꞌux lix reyeb laj Persia ut aꞌan quixtenkꞌaheb chixyi̱banquil lix templo li Ka̱cuaꞌ, lix Dioseb laj Israel.

Éxodo 13:3

Laj Moisés quixye reheb: —Saꞌ li cutan aꞌin re li po Abib xcꞌabaꞌ, li Ka̱cuaꞌ Dios xexrisi chak saꞌ li tenamit Egipto bar quexcꞌanjelac cuiꞌ chak chokꞌ rahobtesinbil mo̱s. Rajlal chihab texninkꞌei̱k re xjulticanquil li cutan aꞌin, ut me̱cuaꞌ li caxlan cua li cuan xchꞌamal. Chijulticokꞌ e̱re nak riqꞌuin xnimal xcuanquil li Dios quexrisi chak saꞌ li tenamit aꞌan.

Éxodo 30:38

Cui ani tixyi̱b junak chic incienso joꞌ aꞌin yal re ta̱rutzꞌ, li jun aꞌan ta̱isi̱k saꞌ xya̱nkeb laj Israel.