Éxodo 12:12 - Li Santil hu

¹² Saꞌ li kꞌojyi̱n aꞌan la̱in tincuulak saꞌ li tenamit Egipto ut tincamsiheb chixjunileb li xbe̱n alalbej saꞌ xya̱nkeb laj Egipto, joꞌcan ajcuiꞌ li xbe̱n ral li queto̱mk. Ut la̱in tinrakok a̱tin saꞌ xbe̱neb lix dioseb li nequeꞌxlokꞌoni laj Egipto. La̱in li Ka̱cuaꞌ Dios.

Q'eqchi Bible

¹² Sa' li q'oqyink a'an laa'in tinnume'q sa' xsutam Ejiipt ut tintiq'eb' chixjunil li xb'een alalb'ej re li tenamit a'an, jo'wi' li xb'een raleb' li xul, ut tinraqoq aatin sa' xb'een chixjunil li xyoseb' laj Ejiipt. Laa'in li Qaawa'.

Éxodo 12:12 ပူးပေါင်းရင်းမြစ်များ

Números 33:4

Nak yo̱queb chixmukbaleb li xbe̱n ralaleb laj Egipto li quixcamsi li Ka̱cuaꞌ, eb laj Israel queꞌco̱eb. Li Ka̱cuaꞌ quixcamsiheb li ralaleb laj Egipto re xrakbal a̱tin saꞌ xbe̱n lix dioseb.

Éxodo 12:23

Li Dios ta̱numekꞌ saꞌ li junju̱nk chi cab chi rakoc a̱tin saꞌ xbe̱neb laj Egipto. Nak ta̱ril li quicꞌ saꞌ xbe̱n li puerta ut chiru li cuib chi cheꞌ li cuan saꞌ xcaꞌ pacꞌalil li puerta, li Ka̱cuaꞌ Dios ta̱numekꞌ saꞌ li puerta aꞌan ut tixram lix be laj camsinel re nak incꞌaꞌ ta̱oc saꞌ le̱ rochoch chi camsi̱nc.

Sofonías 2:11

Kꞌaxal ra tixba̱nu li Ka̱cuaꞌ reheb. Tixsach ruheb chixjunileb li yi̱banbil dios li cuanqueb saꞌ ruchichꞌochꞌ re nak aꞌan chic teꞌxlokꞌoni nak teꞌxcuikꞌib rib chiru saꞌ ruchichꞌochꞌ yalak bar cua̱nkeb.

Ezequiel 12:16

Abanan, incꞌaꞌ tinqꞌueheb chi camsi̱c chixjunileb. Tebincol ban chiru li camsi̱nc ut chiru li cueꞌej ut chiru li caki yajel re nak naru teꞌxserakꞌi saꞌ eb li tenamit chixjunil li ma̱usilal li queꞌxba̱nu. Ut riqꞌuin aꞌan teꞌxqꞌue retal nak la̱in li Ka̱cuaꞌ, chan li Dios.

Jeremías 43:13

Ut lix reyeb laj Babilonia tixjuqꞌueb lix jalam u̱ch lix dioseb Bet-semes li cuanqueb aran Egipto. Ut tixcꞌateb li cab li nequeꞌxlokꞌoni cuiꞌ lix dioseb, chan.

Isaías 19:1

Aꞌan aꞌin li resil li cꞌaꞌru tixcꞌul li tenamit Egipto. Li Ka̱cuaꞌ ta̱cha̱lk Egipto saꞌ junpa̱t saꞌ jun li chok. Li Dios tixqꞌueheb chi ecꞌa̱nc saꞌ xnaꞌajeb lix dioseb laj Egipto. Cꞌajoꞌ nak ta̱oc xxiuheb laj Egipto.

Salmos 82:6

La̱in xinye, La̱ex diosex xban nak xinqꞌue e̱cuanquil chi rakoc a̱tin. La̱ex cualal incꞌajol, la̱in li nimajcual Dios.

Salmos 82:1

Li Dios cuan saꞌ lix naꞌaj saꞌ xya̱nkeb laj rakol a̱tin li chꞌutchꞌu̱queb re tixye reheb nak incꞌaꞌ us yo̱queb chi rakoc a̱tin.

Éxodo 6:2

Li Dios quixye ajcuiꞌ re laj Moisés, —La̱in li nimajcual Dios.

Amós 5:17

Ut saꞌ chixjunil lix naꞌajeb li acui̱mk uvas ta̱cua̱nk li ya̱bac xban nak tinnumekꞌ la̱in saꞌ e̱ya̱nk chi rakoc a̱tin, chan li Ka̱cuaꞌ.

1 Crónicas 14:12

Eb laj filisteo queꞌxcanab lix dioseb aran nak queꞌe̱lelic ut laj David quixtakla xcꞌatbaleb.

1 Samuel 5:3

Joꞌ cuulajak chic eb li cuanqueb Asdod queꞌcuulac aran ut queꞌxtau lix dioseb tꞌantꞌo saꞌ chꞌochꞌ chiru li Lokꞌlaj Ca̱x. Queꞌxcuaclesi laj Dagón ut queꞌxxakab cuiꞌchic saꞌ xnaꞌaj.

Éxodo 22:28

Me̱hob li nequeꞌrakoc a̱tin saꞌ e̱be̱n chi moco chetzꞌekta̱na li nataklan saꞌ le̱ tenamit.

1 Samuel 6:5

Te̱yi̱b li retalil li tumor li cuan che̱rix ut li retalil li chꞌo li yo̱queb chi sachoc re le̱ racui̱mk. Qꞌuehomak xlokꞌal lix Dioseb laj Israel. Chi joꞌcan ma̱re tixcanab xqꞌuebal li raylal saꞌ e̱be̱n ut saꞌ xbe̱neb le̱ dios ut le̱ racui̱mk.

Éxodo 21:6

li patrón tixcꞌam lix mo̱s riqꞌuin laj rakol a̱tin. Aran teꞌxxakab li mo̱s chiru li puerta malaj chiru li cheꞌ li cuan chire li puerta. Ut tixhop lix xic riqꞌuin jun li chꞌi̱chꞌ kꞌes ruꞌuj. Aꞌan retalil nak ta̱cana̱k chokꞌ xmo̱s chi junaj cua.

Éxodo 18:11

Anakcuan ninnau nak mas nim xcuanquil li Ka̱cuaꞌ Dios chiruheb chixjunileb li jalanil dios. Aꞌan quixcoleb laj Israel saꞌ rukꞌeb laj Egipto li queꞌxnimobresi xcuanquil xjuneseb saꞌ xbe̱neb laj Israel, chan.

Salmos 135:8

Quixtakla xcamsinquileb li xbe̱n alalbej joꞌqueb ajcuiꞌ li xbe̱n ral li queto̱mk aran Egipto.

Jeremías 43:12

Tixloch xxamlel li rochocheb lix dioseb laj Egipto. Tixcꞌateb li dioseb malaj ut tixcꞌameb. Tixsabesi li tenamit Egipto joꞌ nak naxsabesi li rakꞌ junak aj ilol xul. Ut chirix aꞌan ta̱e̱lk saꞌ li tenamit aꞌan chi ma̱cꞌaꞌ tixcꞌul.

Jeremías 46:25

Li Ka̱cuaꞌ li nimajcual Dios, lix Dioseb laj Israel, naxye: —La̱in tinqꞌue chixtojbal xma̱c laj Amón lix dioseb laj Tebas. Ut tinqꞌueheb chixtojbal xma̱queb laj faraón ut eb laj Egipto rochbeneb lix dioseb ut eb lix rey. Ut tinqꞌueheb ajcuiꞌ chixtojbal xma̱queb li nequeꞌxcꞌojob xchꞌo̱l riqꞌuin laj faraón.

Éxodo 9:6

Joꞌ cuulajak chic li Ka̱cuaꞌ Dios quixba̱nu joꞌ quixye reheb. Quilajeꞌcam lix queto̱mkeb laj Egipto ut reheb laj Israel ma̱ jun queꞌcam.

Salmos 91:7

Usta teꞌca̱mk jun mil nachꞌ a̱cuiqꞌuin, malaj ut laje̱b mil, abanan la̱at ma̱cꞌaꞌ ta̱cꞌul.

Salmos 95:3

Li nimajcual Dios, aꞌan li tzꞌakal rey. Aꞌan li kꞌaxal nim xcuanquil saꞌ xbe̱neb chixjunileb li jalanil dios.