Éxodo 12:11 - Li Santil hu

¹¹ Joꞌcaꞌin nak texcuaꞌak. Nak ac oc e̱re chi cuaꞌac, te̱qꞌue lix cꞌa̱mal e̱saꞌ, te̱qꞌue le̱ xa̱b ut cua̱nk le̱ xukꞌ saꞌ le̱ rukꞌ. Te̱se̱ba e̱rib chi cuaꞌac. Aꞌan li kꞌojyi̱n nak la̱in li Ka̱cuaꞌ Dios tinnumekꞌ saꞌ li tenamit chi rakoc a̱tin.

Q'eqchi Bible

¹¹ Jo'ka'in naq teetiw: chi b'ak'b'ooq leesa', wanq eexaab' cheroq ut wanq eexuq' sa' eeruq'; ut chi junpaat teetiw xb'aan naq a'an li xPaswa li Qaawa'.

Éxodo 12:11 ပူးပေါင်းရင်းမြစ်များ

Éxodo 12:27

la̱ex te̱chꞌolob xya̱lal chiruheb ut te̱ye reheb: —Aꞌin li kamayej re li ninkꞌe pascua re xjulticanquil chanru nak coxcol li Ka̱cuaꞌ Dios nak quinumeꞌ saꞌ li tenamit Egipto chixcamsinquil li xbe̱n ralaleb, chan laj Moisés. Ut eb laj Israel quilajeꞌxxulub xjolomeb ut queꞌxlokꞌoni li Ka̱cuaꞌ Dios.

Efesios 6:15

Cauresinbilakex re xyebal resil li colba-ib ut aꞌan ta̱cꞌanjelak e̱re joꞌ e̱xa̱b che̱rok.

1 Corintios 5:7

Canabomak chi junaj cua li najteril naꞌleb re nak ma̱cꞌaꞌak chic li ma̱c e̱riqꞌuin. Chanchanakex chic lix kꞌemal li caxlan cua ma̱cꞌaꞌ xchꞌamal xban nak li Jesucristo quirisi le̱ ma̱c. Eb laj judío queꞌxmayeja li carner re xjulticanquil li pascua ut joꞌcan ajcuiꞌ li Jesucristo aꞌan lix carner li Dios li quixmayeja rib re risinquil li kama̱c.

1 Pedro 1:13

Xban nak yo̱quex chiroybeninquil le̱ kꞌajca̱munquil, chi-ajk ru le̱ cꞌaꞌux. Chicua̱nk chi tuktu le̱ chꞌo̱l. Ut chi anchal e̱chꞌo̱l cheroybeni li usilal li tixqꞌue e̱re li Jesucristo nak tixcꞌutbesi cuiꞌchic rib.

San Lucas 12:35

Checauresihak e̱rib. Yo̱kex chiroybeninquil li Ka̱cuaꞌ. Chanchanakex li mo̱s li lochlo xxam ut yo̱ chiroybeninquil lix patrón.

Números 28:16

Saꞌ li ca̱laju xbe li xbe̱n po teꞌxninkꞌei li Pascua re xlokꞌoninquil li Ka̱cuaꞌ.

Levítico 23:5

Saꞌ li ca̱laju xbe li xbe̱n po te̱tiquib lin ninkꞌe Pascua nak ac oc re li kꞌojyi̱n re xjulticanquil nak quexcuisi chak saꞌ li tenamit Egipto.

Éxodo 12:43

Li Ka̱cuaꞌ Dios quixye re laj Moisés ut laj Aarón: —Joꞌcaꞌin nak texninkꞌei̱k re xjulticanquil chanru nak quexcoleꞌ nak quilajeꞌcamsi̱c li xbe̱n ralaleb laj Egipto. Ma̱ jun jalan xtenamit ta̱tzaca̱nk re li tzacae̱mk aꞌin.

Éxodo 12:21

Tojoꞌnak laj Moisés quixbok chixjunileb li cui̱nk li nequeꞌcꞌamoc be saꞌ xya̱nkeb laj Israel. Quixye reheb: —Te̱sicꞌ le̱ carner ut te̱camsi chokꞌ reheb li cuanqueb saꞌ le̱ rochoch.

San Lucas 15:22

Aꞌut li yucuaꞌbej quixye reheb lix mo̱s: —Sicꞌomak chak saꞌ junpa̱t li cha̱bil tꞌicr ut qꞌuehomak chirix. Qꞌuehomak xmatkꞌab chi ruꞌuj rukꞌ ut qꞌuehomak xxa̱b chi rok.

San Lucas 7:38

Li ixk quijiloc riqꞌuin li Jesús. Qui-oc chi ya̱bac saꞌ xbe̱n li rok ut riqꞌuin lix yaꞌal ru quixchꞌaj. Ut quixmes riqꞌuin rismal xjolom. Quirutzꞌ li rok ut quixyul riqꞌuin li sununquil ban.

Éxodo 12:13

Abanan li quicꞌ li te̱qꞌue chire xpuertil le̱ rochoch, aꞌan e̱retalil chicuu. Nak tincuil li quicꞌ, ti̱c tinnumekꞌ saꞌ le̱ rochoch. Ma̱ jun ta̱ca̱mk saꞌ le̱ rochoch la̱ex nak yo̱kin chixcamsinquil li xbe̱n ralaleb aj Egipto.

San Lucas 2:41

Rajlal chihab nequeꞌxic lix naꞌ xyucuaꞌ aran Jerusalén chixninkꞌeinquil li reliqueb Egipto. Pascua nequeꞌxye re li ninkꞌe aꞌan.

Isaías 52:12

Abanan moco saꞌ a̱nil ta tex-e̱lk, chi moco tex-e̱lelik nak tex-e̱lk. Li Ka̱cuaꞌ aꞌan li ta̱cꞌamok be che̱ru ut aꞌan ajcuiꞌ li ta̱ilok e̱re.

Números 9:1

Li Ka̱cuaꞌ Dios quia̱tinac riqꞌuin laj Moisés saꞌ li chaki chꞌochꞌ aran Sinaí saꞌ li xbe̱n po re li xcab chihab reliqueb chak laj Israel aran Egipto.

Deuteronomio 16:1

Saꞌ li po Abib te̱ba̱nu li ninkꞌe Pascua re xlokꞌoninquil li Ka̱cuaꞌ le̱ Dios xban nak chiru li po Abib quexrisi chak li Ka̱cuaꞌ saꞌ li naꞌajej Egipto chiru kꞌojyi̱n.

Josué 5:10

Nak yo̱queb chi hila̱nc aran Gilgal saꞌ li ru takꞌa nachꞌ riqꞌuin li tenamit Jericó, queꞌxba̱nu li ninkꞌe Pascua chiru li ecuu saꞌ li ca̱laju xbe li po.

2 Reyes 23:21

Li rey Josías quixye reheb li tenamit nak teꞌoc cuiꞌchic chixninkꞌeinquil li reliqueb aran Egipto. Pascua nayeman re li ninkꞌe aꞌan. Teꞌxninkꞌei re xlokꞌoninquil li Ka̱cuaꞌ joꞌ tzꞌi̱banbil retalil saꞌ li contrato.

Ezequiel 45:21

Saꞌ li ca̱laju xbe li xbe̱n po te̱tiquib xninkꞌeinquil li pascua. Chiru cuukub cutan te̱cuaꞌ li caxlan cua li ma̱cꞌaꞌ xchꞌamal.