Éxodo 11:7 - Li Santil hu

⁷ Riqꞌuin aꞌan ta̱qꞌue retal nak eb laj Israel sicꞌbileb ru inban. Eb aꞌan ma̱cꞌaꞌ teꞌxcꞌul, chi moco eb li xul. Chi ti̱c ma̱cꞌaꞌ teꞌxcꞌul laj Israel. Chi moco li tzꞌiꞌ teꞌcuo̱bak,” chan li Dios.—

Q'eqchi Bible

⁷ Ab'an sa' xyanqeb' laj Israel chi moko junaq tz'i' taawoob'anq re junaq poyanam malaj ut xul, re teenaw naq tiitookeb' ru eb' laj Israel chiruheb' laj Ejiipt.

Éxodo 11:7 ပူးပေါင်းရင်းမြစ်များ

Josué 10:21

Ut chixjunileb lix soldado queꞌsukꞌi riqꞌuin laj Josué saꞌ li naꞌajej Maceda bar queꞌxqꞌue cuiꞌ lix muheba̱leb. Ma̱ jun quicamsi̱c saꞌ xya̱nkeb laj Israel. Ut ma̱ jun saꞌ li naꞌajej aꞌan quiraj xcuechꞌinquileb laj Israel.

Malaquías 3:18

Toj aran te̱qꞌue retal li ani quixba̱nu li us ut li ani incꞌaꞌ quixba̱nu li us. Te̱qꞌue retal lix jalanil riqꞌuineb li ani queꞌcꞌanjelac chicuu ut li ani incꞌaꞌ queꞌcꞌanjelac chicuu, chan li Ka̱cuaꞌ.

Éxodo 10:23

Eb laj Egipto incꞌaꞌ quiru queꞌril rib xban nak kꞌaxal cuiꞌchic kꞌojyi̱n. Yal chunchu̱queb aj chic saꞌ lix naꞌajeb saꞌ kꞌojyi̱n chiru li oxib cutan aꞌan. Ma̱ bar naru nequeꞌxic. Abanan eb laj Israel cutan saꞌ li naꞌajej li cuanqueb cuiꞌ.

Éxodo 8:22

Aban incꞌaꞌ tintakla li raxya̱t saꞌ li naꞌajej Gosén bar cuanqueb cuiꞌ lin tenamit. Aran incꞌaꞌ teꞌchꞌiꞌchꞌiꞌi̱nk li raxya̱t. Riqꞌuin aꞌan te̱nau nak la̱in li Ka̱cuaꞌ Dios ut cuan incuanquil saꞌ xbe̱n li ruchichꞌochꞌ.

Éxodo 9:4

Abanan lix queto̱mkeb laj Israel ma̱cꞌaꞌ teꞌxcꞌul. Caꞌaj cuiꞌ lix queto̱mkeb laj Egipto teꞌca̱mk”, chan li Dios.

Li xHu LAJ JOB 5:16

Riqꞌuin li Dios nequeꞌyoꞌonin li incꞌaꞌ nequeꞌxcuy xcolbaleb rib xjuneseb. Ut eb li incꞌaꞌ useb xnaꞌleb ma̱cꞌaꞌ chic naru nequeꞌxye.

1 Corintios 4:7

¿Ma jalanex ta biꞌ la̱ex chiruheb li jun chꞌol chic nak nequerecꞌa e̱rib? ¿Ma ma̱cuaꞌ ta biꞌ li Dios quiqꞌuehoc e̱re li cꞌaꞌru cuan e̱re? ¿Cꞌaꞌut nak nequenimobresi e̱rib chixyebal nak cuan cꞌaꞌru e̱re? Incꞌaꞌ naru te̱nimobresi e̱rib xban nak yal xema̱tani li cꞌaꞌru cuan e̱re riqꞌuin li Dios.

Éxodo 7:22

Joꞌ nak queꞌxcꞌutbesi lix naꞌlebeb laj Moisés ut laj Aarón, joꞌcan ajcuiꞌ queꞌxba̱nu laj kꞌe. Ut kꞌaxal cuiꞌchic quicacuuc xchꞌo̱l laj faraón. Joꞌ quixye li Ka̱cuaꞌ Dios, laj faraón chi ti̱c incꞌaꞌ qui-abin chiru.

Éxodo 9:26

Caꞌaj chic saꞌ li tenamit Gosén incꞌaꞌ quicuan li sakbach xban nak aran cuanqueb laj Israel.

Salmos 7:12

Cui incꞌaꞌ nequeꞌxyotꞌ xchꞌo̱leb ut cui incꞌaꞌ nequeꞌxjal xcꞌaꞌuxeb, li Dios tixteneb ca̱mc saꞌ xbe̱neb. Chanchan nak yo̱ chixkꞌesnanquil lix chꞌi̱chꞌ ut chanchan nak yo̱ chixcauresinquil lix tzimaj re camsi̱nc.

Éxodo 8:19

Eb laj kꞌe queꞌxye re laj faraón: —Aꞌin xba̱nuhom li Ka̱cuaꞌ Dios, chanqueb. Ut joꞌ quixye li Dios, laj faraón kꞌaxal cuiꞌchic quicacuubresi xchꞌo̱l ut incꞌaꞌ qui-abin chiruheb.