Éxodo 11:6 - Li Santil hu

⁶ Saꞌ li tenamit Egipto chixjunileb li cristian japjo̱keb re chi ya̱bac xban xrahileb saꞌ xchꞌo̱l. Ma̱ jun sut rabiom li ya̱bac chi joꞌcan chi moco ta̱abima̱nk mokon.

Q'eqchi Bible

⁶ Ut sa' chixjunil xsutam Ejiipt taawanq jun xnimal rahil japok-e jo' maajun wa kiwank chi moko taawanq chik».

Éxodo 11:6 ပူးပေါင်းရင်းမြစ်များ

Éxodo 12:30

Chiru li kꞌojyi̱n aꞌan laj faraón quicuacli. Queꞌcuacli ajcuiꞌ laj cꞌanjel chiru joꞌ eb ajcuiꞌ chixjunileb laj Egipto. Japjo̱queb re chi ya̱bac chixjunileb laj Egipto xban nak camenakeb chic li xbe̱n alalbej saꞌ li junju̱nk chi cab.

Amós 5:17

Ut saꞌ chixjunil lix naꞌajeb li acui̱mk uvas ta̱cua̱nk li ya̱bac xban nak tinnumekꞌ la̱in saꞌ e̱ya̱nk chi rakoc a̱tin, chan li Ka̱cuaꞌ.

San Lucas 13:28

Nak te̱ril laj Abraham, laj Isaac, laj Jacob ut chixjunileb li profeta cua̱nkeb saꞌ lix nimajcual cuanquilal li Dios, ut la̱ex incꞌaꞌ tex-ocsi̱k, toj aran texya̱bak ut te̱cꞌuxuxi li ruch e̱re xban xrahil e̱chꞌo̱l.

Sofonías 1:10

Quixye ajcuiꞌ li Ka̱cuaꞌ: —Saꞌ eb li cutan aꞌan japjo̱keb re chixtzꞌa̱manquil xtenkꞌanquileb laj Judá joꞌqueb ajcuiꞌ li cuanqueb Jerusalén. Ut ta̱abima̱nk lix ya̱b lix cuxeb toj cuan cuiꞌ li oqueba̱l li nequeꞌcꞌayin cuiꞌ car. Ta̱abi̱k ajcuiꞌ lix ya̱b xcuxeb toj saꞌ lix cab oqueba̱l. Ut teꞌrabi nak yo̱keb chak chi cha̱lc saꞌ li tzu̱l li xicꞌ nequeꞌiloc reheb.

Lamentaciones 3:8

Usta xinjap cue chixtzꞌa̱manquil intenkꞌanquil chiru, abanan li Ka̱cuaꞌ incꞌaꞌ xrabi lin tij.

Jeremías 31:15

Aꞌan aꞌin li quixye li Ka̱cuaꞌ: —Qui-abi̱c li ya̱bac saꞌ li tenamit Ramá xban li nimla rahil chꞌo̱lej, ut li yotꞌba chꞌo̱lej li queꞌxcꞌul. Aꞌaneb li ralal xcꞌajol lix Raquel li yo̱queb chi ya̱bac chirixeb lix cocꞌal. Ut incꞌaꞌ chic nacꞌojla xchꞌo̱leb xban nak ac camenakeb chic li ralal xcꞌajoleb.

Isaías 15:8

Yalak bar saꞌ li naꞌajej Moab ta̱abi̱k li ya̱bac. Ta̱abi̱k saꞌ li tenamit Eglaim. Toj saꞌ li tenamit Beer-elim ta̱abi̱k lix ya̱beb.

Proverbios 21:13

Li ani incꞌaꞌ narabi nak yo̱ chixtzꞌa̱manquil xtenkꞌanquil li nebaꞌ, joꞌcan ajcuiꞌ tixcꞌul aꞌan. Incꞌaꞌ ta̱sume̱k nak tixtzꞌa̱ma xtenkꞌanquil.

Éxodo 3:7

Li Ka̱cuaꞌ Dios quixye re: —La̱in yo̱quin chirilbal li raylal li yo̱queb chixcꞌulbal lin tenamit li cuanqueb Egipto. Yo̱quin chirabinquil nak yo̱queb chixkꞌokonquil ribeb saꞌ rukꞌeb li nequeꞌtaklan reheb saꞌ joskꞌil. Ninnau nak kꞌaxal nayotꞌeꞌ xchꞌo̱leb xban nak rahobtesinbileb.

Éxodo 11:7

Riqꞌuin aꞌan ta̱qꞌue retal nak eb laj Israel sicꞌbileb ru inban. Eb aꞌan ma̱cꞌaꞌ teꞌxcꞌul, chi moco eb li xul. Chi ti̱c ma̱cꞌaꞌ teꞌxcꞌul laj Israel. Chi moco li tzꞌiꞌ teꞌcuo̱bak,” chan li Dios.—

Éxodo 9:18

Cuulaj ta̱qꞌue retal nak saꞌ li o̱r aꞌin tintakla chak li ni̱nki sakbach hamamnak saꞌ xbe̱n li tenamit Egipto. Ma̱ jun sut e̱rilom chak chalen kꞌe cutan.

Isaías 19:16

Ta̱cuulak xkꞌehil nak chixjunileb laj Egipto chanchanakeb li ixk. Sicsotkeb xban xxiuheb nak teꞌxqꞌue retal nak li nimajcual Dios ta̱rakok a̱tin saꞌ xbe̱neb.