Éxodo 11:4 - Li Santil hu

⁴ Ut laj Moisés quixye re laj faraón: —Joꞌcaꞌin xye li Ka̱cuaꞌ Dios a̱cue. “Saꞌ tuktu kꞌojyi̱n tincꞌut lin cuanquil saꞌ li tenamit Egipto.

Q'eqchi Bible

⁴ Toja' naq laj Moisés kixye re laj Parahón: “Jo'ka'in naxye li Qaawa': «Tuqtu q'oqyink tinnume'q Ejiipt,

Éxodo 11:4 ပူးပေါင်းရင်းမြစ်များ

Éxodo 12:29

Tuktu kꞌojyi̱n nak quinumeꞌ li Dios ut quilajxcamsi li xbe̱n ralaleb chixjunileb laj Egipto. Quixcamsi li xbe̱n ralal laj faraón li kꞌaxal nim xcuanquil. Joꞌcan ajcuiꞌ li cuanqueb saꞌ tzꞌalam queꞌcamsi̱c ajcuiꞌ li xbe̱n ralaleb. Quilajeꞌcamsi̱c ajcuiꞌ li xbe̱n raleb lix queto̱mk chixjunileb, li cuanqueb xcuanquil ut li ma̱cꞌaꞌeb xcuanquil, chixjunileb li xbe̱n alalbej aran Egipto quilajeꞌcamsi̱c.

Amós 4:10

Ut quixye ajcuiꞌ: —Xintakla li raylal saꞌ e̱be̱n joꞌ quintakla saꞌ xbe̱neb laj Egipto. Xebincanab chi camsi̱c saꞌ li ple̱t le̱ ralal li toj sa̱jeb. Aꞌ chic li xicꞌ nequeꞌiloc e̱re queꞌe̱chanin re le̱ cacua̱y. Ut queꞌchuhoꞌ le̱ camenak saꞌ li naꞌajej queꞌpletic cuiꞌ. Ut la̱ex querutzꞌ lix chuhil. Abanan riqꞌuin chixjunil li raylal aꞌin incꞌaꞌ xeraj sukꞌi̱c cuiqꞌuin.

Salmos 60:10

Choa̱tenkꞌa, at Ka̱cuaꞌ, usta xoa̱canab kajunes junxil. Toa̱tenkꞌa saꞌ li ple̱t, at inDios.

Li xHu LAJ JOB 34:20

Cui li Dios naraj, eb li cristian saꞌ junpa̱t nequeꞌcam ut ma̱ aniheb chic saꞌ ruchichꞌochꞌ. Usta tuktu kꞌojyi̱n tixtakla chak li raylal saꞌ xbe̱neb. Ma̱cuaꞌ junak cui̱nk ta̱sachok re li nim xcuanquil. Aꞌ ban li Dios.

Éxodo 12:12

Saꞌ li kꞌojyi̱n aꞌan la̱in tincuulak saꞌ li tenamit Egipto ut tincamsiheb chixjunileb li xbe̱n alalbej saꞌ xya̱nkeb laj Egipto, joꞌcan ajcuiꞌ li xbe̱n ral li queto̱mk. Ut la̱in tinrakok a̱tin saꞌ xbe̱neb lix dioseb li nequeꞌxlokꞌoni laj Egipto. La̱in li Ka̱cuaꞌ Dios.

San Mateo 25:6

Ut saꞌ tuktu kꞌojyi̱n, queꞌrabi nak yo̱queb chixjapbal reheb li tenamit chixyebal: “Cueꞌ chak li be̱lomej. Ayukex, cꞌulumak chak,” chanqueb.

Miqueas 2:13

Li Ka̱cuaꞌ Dios ta̱colok reheb chiruheb li tenamit li queꞌnumta saꞌ xbe̱neb. Chanchan nak yo̱ chixtebal li be chiruheb nak ta̱risiheb saꞌ xya̱nkeb li xicꞌ nequeꞌiloc reheb. Ut li Ka̱cuaꞌ, aꞌan ta̱cꞌamok be chiruheb ut aꞌanak lix reyeb.

Amós 5:17

Ut saꞌ chixjunil lix naꞌajeb li acui̱mk uvas ta̱cua̱nk li ya̱bac xban nak tinnumekꞌ la̱in saꞌ e̱ya̱nk chi rakoc a̱tin, chan li Ka̱cuaꞌ.

Isaías 42:13

Li Ka̱cuaꞌ riqꞌuin xnimal xcuanquil ta̱pletik riqꞌuineb li xicꞌ nequeꞌiloc re. Chanchanak jun li soldado ac cauresinbil chi pletic. Tixjap re, re xtiquibanquil li pletic ut ta̱numta̱k saꞌ xbe̱neb li xicꞌ nequeꞌiloc re.

2 Samuel 5:24

Nak ta̱cuabi li ecꞌa̱nc saꞌ rukꞌeb li cheꞌ chanchan yo̱queb chi be̱c li soldados, tatxic chi pletic riqꞌuineb xban nak la̱in tinxic chi ubej ut tinsach xcuanquileb lix solda̱deb laj filisteo, chan li Dios.

Éxodo 12:23

Li Dios ta̱numekꞌ saꞌ li junju̱nk chi cab chi rakoc a̱tin saꞌ xbe̱neb laj Egipto. Nak ta̱ril li quicꞌ saꞌ xbe̱n li puerta ut chiru li cuib chi cheꞌ li cuan saꞌ xcaꞌ pacꞌalil li puerta, li Ka̱cuaꞌ Dios ta̱numekꞌ saꞌ li puerta aꞌan ut tixram lix be laj camsinel re nak incꞌaꞌ ta̱oc saꞌ le̱ rochoch chi camsi̱nc.

Salmos 81:5

Li chakꞌrab aꞌin quiqꞌueheꞌ re laj José xban li Dios ut quixakaba̱c xcuanquil nak li Dios quirisiheb aran Egipto.