Éxodo 11:3 - Li Santil hu

³ Li Ka̱cuaꞌ Dios quixkꞌunobresi xchꞌo̱leb li tenamit Egipto ut queꞌxcꞌam rib saꞌ usilal riqꞌuineb laj Israel. Ut eb laj cꞌanjel chiru laj faraón joꞌ eb ajcuiꞌ chixjunileb laj Egipto queꞌx-oxlokꞌi chic laj Moisés.

Q'eqchi Bible

³ Li Qaawa' kixtenq'aheb' li xtenamit chi xtawb'al usilal chiruheb' laj Ejiipt. Laj Moisés a'an xnimal ru winq sa' xsutam Ejiipt, jo' chiruheb' laj tenq' re laj Parahón jo' chiruheb' li tenamit.

Éxodo 11:3 ပူးပေါင်းရင်းမြစ်များ

Éxodo 12:36

Ut xban nak li Dios quixba̱nu nak eb laj Egipto queꞌxcꞌam rib saꞌ usilal riqꞌuineb laj Israel, aꞌ yal cꞌaꞌru li queꞌxtzꞌa̱ma, queꞌqꞌueheꞌ reheb. Chi joꞌcaꞌin eb laj Israel quiru queꞌrisi chiruheb laj Egipto nabal lix biomaleb.

Éxodo 3:21

Ut la̱in tinba̱nu nak eb laj Egipto teꞌxcꞌam rib saꞌ usilal riqꞌuineb laj Israel re nak incꞌaꞌ tex-e̱lk chak aran Egipto chi ma̱cꞌaꞌ te̱cꞌam.

Apocalipsis 3:9

Cuanqueb li nequeꞌxba̱nu li cꞌaꞌru naraj laj tza. Nequeꞌxye nak tzꞌakaleb aj judío, abanan incꞌaꞌ nequeꞌcꞌanjelac chiru li Dios. Yal ticꞌtiꞌ nequeꞌxye. La̱in tincanabeb toj retal teꞌxcuikꞌib ribeb che̱ru re nak teꞌxqꞌue retal nak la̱in ninrahoc e̱re.

Isaías 60:14

Eb li ralal xcꞌajoleb li queꞌrahobtesin e̱re teꞌcha̱lk ut teꞌxcuikꞌib ribeb che̱ru. Chixjunileb li xicꞌ queꞌiloc e̱re teꞌcha̱lk ut teꞌxcuikꞌib ribeb ut teꞌxye nak la̱ex “lix tenamit li Dios”, la̱ex li cuanquex Sión saꞌ lix tzu̱l li Ka̱cuaꞌ, lix santil Dioseb laj Israel.

Salmos 106:46

Li Dios quixjal lix cꞌaꞌuxeb li tenamit li queꞌnumta saꞌ xbe̱neb laj Israel re nak incꞌaꞌ chic teꞌxba̱nu raylal reheb.

Génesis 39:21

Ut li Dios junelic cuan riqꞌuin. Quixtokꞌoba ru laj José ut quixtenkꞌa. Laj ilol tzꞌalam quixqꞌue retal nak laj José, aꞌan cha̱bil.

Hechos 7:22

Laj Moisés quixtzol rib joꞌ nequeꞌxtzol ribeb laj Egipto. Ut cuan xnaꞌleb chi a̱tinac ut chixba̱nunquil li cha̱bil naꞌleb.

Ester 9:4

Queꞌxucuac xban nak laj Mardoqueo nim xcuanquil saꞌ li rochoch li rey ut naꞌno ru yalak bar saꞌ eb li tenamit li cuanqueb rubel xcuanquil li rey. Ut rajlal yo̱ chi nima̱nc lix cuanquil li quiqꞌueheꞌ re.

2 Samuel 7:9

La̱in xintenkꞌan a̱cue saꞌ chixjunil li naꞌajej xatcuulac cuiꞌ ut xinkꞌaxtesi saꞌ a̱cuukꞌ chixjunileb li xicꞌ nequeꞌiloc a̱cue. Xinqꞌue a̱cuanquil joꞌ lix cuanquileb li xni̱nkal ru cui̱nk li cuanqueb saꞌ ruchichꞌochꞌ.

Deuteronomio 34:11

Ma̱ ani chic quiru xba̱nunquil li sachba chꞌo̱lej ut li milagros li quixba̱nu laj Moisés aran Egipto chiru laj faraón, ut chiruheb laj cꞌanjel chiru, joꞌqueb ajcuiꞌ chixjunileb li tenamit. Quixba̱nu joꞌ quitakla̱c cuiꞌ xban li Dios.

Génesis 12:2

—Eb la̱ cualal a̱cꞌajol teꞌqꞌuia̱nk. Ut ta̱nima̱nk lix cuanquileb saꞌ ruchichꞌochꞌ. Ut la̱in tin-osobtesi̱nk a̱cue. Ut la̱ cꞌabaꞌ naꞌno̱k ru yalak bar. Saꞌ a̱cꞌabaꞌ la̱at, nabaleb chic li cristian teꞌxcꞌul li usilal xban nak la̱at sicꞌbil a̱cuu inban.

Éxodo 12:35

Ac quilajeꞌxba̱nu laj Israel joꞌ queꞌyeheꞌ reheb xban laj Moisés. Quilajeꞌxtzꞌa̱ma riqꞌuineb laj Egipto li cꞌaꞌak re ru yi̱banbil riqꞌuin oro ut plata joꞌ ajcuiꞌ li rakꞌeb.

Deuteronomio 34:10

Chalen saꞌ li cutan aꞌan, ma̱ jun chic profeta quicuan saꞌ xya̱nkeb laj Israel joꞌ laj Moisés queꞌril ta ru li Dios chi tzꞌakal joꞌ quixba̱nu aꞌan.

Josué 4:14

Saꞌ li cutan aꞌan laj Josué quiqꞌueheꞌ xlokꞌal xban li Dios re nak eb laj Israel teꞌx-oxlokꞌi joꞌ najtil ta̱cua̱nk saꞌ xya̱nkeb, joꞌ nak queꞌx-oxlokꞌi laj Moisés junxil.