Éxodo 10:9 - Li Santil hu

⁹ Laj Moisés quichakꞌoc ut quixye: —Chikajunilo toxic xban nak toninkꞌei̱k chiru li kaDios. Teꞌxic li sa̱j cui̱nk ut teꞌxic li che̱quel cui̱nk ut teꞌxic ajcuiꞌ li ixk. Talajeꞌxic li kalal kacꞌajol. Ut takacꞌameb ajcuiꞌ li kaqueto̱mk, chan laj Moisés.

Q'eqchi Bible

⁹ Kichaq'ok laj Moisés: “Too'elq qochb'eeneb' li qakok'al ut li qacheekelal, qochb'eeneb' li qalal qak'ajol, li qakarneer ut li qawakax, xb'aan naq a'an qaninq'e sa' xk'ab'a' li Qaawa'”, chan.

Éxodo 10:9 ပူးပေါင်းရင်းမြစ်များ

Éxodo 5:1

Chirix nak queꞌa̱tinac riqꞌuineb laj Israel, laj Moisés ut laj Aarón queꞌco̱eb riqꞌuin laj faraón ut queꞌxye re: —Li nimajcual Dios, li nequeꞌxlokꞌoni laj Israel, xye chi joꞌcaꞌin, “Canabeb chi xic lin tenamit saꞌ li chaki chꞌochꞌ re nak aran teꞌninkꞌei̱k re xqꞌuebal inlokꞌal,” chan li Ka̱cuaꞌ Dios.—

Éxodo 3:18

Eb aꞌan teꞌrabi la̱ cua̱tin. La̱at ut eb li cui̱nk li nequeꞌcꞌamoc be saꞌ xya̱nkeb laj Israel texxic riqꞌuin lix reyeb laj Egipto ut te̱ye re, “Li nimajcual Dios li nequeꞌxlokꞌoni laj hebreo, aꞌan quixcꞌutbesi rib chiku. Choa̱canab chi xic saꞌ li chaki chꞌochꞌ oxib cutan chi be. Aran tomayejak chiru li Ka̱cuaꞌ Dios”, chaꞌkex re.

Efesios 6:4

Ex naꞌbej ex yucuaꞌbej, me̱chikꞌ xjoskꞌileb le̱ ralal e̱cꞌajol chi ma̱cꞌaꞌ rajbal. Cheqꞌuiresihakeb ban saꞌ xya̱lal riqꞌuin xkꞌusbaleb ut riqꞌuin xtijbaleb saꞌ xcꞌabaꞌ li Ka̱cuaꞌ Jesucristo.

Eclesiastés 12:1

Nak toj cuancat saꞌ la̱ sa̱jilal, chijulticokꞌ a̱cue li Dios li quiyoꞌobtesin a̱cue. Chijulticokꞌ a̱cue li Dios nak toj ma̱jiꞌ nacuulac li cutan nak cuan nabal li chꞌaꞌajquilal ut nak ma̱jiꞌ nacuulac li chihab nak ta̱ye: —Ma̱cꞌaꞌ chic nasahoꞌ cuiꞌ inchꞌo̱l.—

Proverbios 3:9

Cheqꞌuehak xlokꞌal li Ka̱cuaꞌ riqꞌuin li cꞌaꞌru cuan e̱re. Te̱mayeja li xbe̱n ru le̱ racui̱mk chiru li Ka̱cuaꞌ.

Josué 24:15

Cui la̱ex nequecꞌoxla nak incꞌaꞌ us cꞌanjelac chiru li Ka̱cuaꞌ Dios, sicꞌomak ani te̱cꞌanjela ru. ¿Ma texcꞌanjelak chiruheb li yi̱banbil dios li queꞌxcꞌanjela chak ru le̱ naꞌ e̱yucuaꞌ nak queꞌcuan jun pacꞌal li nimaꞌ Éufrates, malaj ut texcꞌanjelak chiruheb lix dioseb laj amorreo li cuanqueb arin saꞌ li naꞌajej aꞌin? Abanan, la̱in joꞌqueb ajcuiꞌ li cualal incꞌajol tocꞌanjelak chiru li Ka̱cuaꞌ Dios, chan laj Josué.

Números 29:12

Saꞌ li oꞌlaju xbe lix cuuk po teꞌxchꞌutub cuiꞌchic ribeb re xqꞌuebal inlokꞌal la̱in li Ka̱cuaꞌ. Ut ma̱ jun li cꞌanjel teꞌxba̱nu. Chiru cuukub cutan yo̱keb chi ninkꞌei̱k.

Éxodo 13:6

Cuukub cutan te̱cuaꞌ li caxlan cua li ma̱cꞌaꞌ xchꞌamal. Saꞌ xcuuk li cutan ta̱cua̱nk li ninkꞌe saꞌ xcꞌabaꞌ li Ka̱cuaꞌ Dios re xnimanquil ru.

Éxodo 5:3

Eb aꞌan queꞌxye re: —Li nimajcual Dios, li nakalokꞌoni la̱o aj hebreo, xcꞌutbesi rib chiku. Ba̱nu usilal, toa̱canab chi xic saꞌ li chaki chꞌochꞌ oxib cutan chi be. Ut aran tomayejak chiru li nimajcual Dios li nakalokꞌoni la̱o re nak incꞌaꞌ ta̱cha̱lk li rax ca̱mc saꞌ kabe̱n ut re ajcuiꞌ nak incꞌaꞌ tocamsi̱k riqꞌuin chꞌi̱chꞌ, chanqueb.

Génesis 50:8

Queꞌco̱eb ajcuiꞌ chixjunileb li cuanqueb saꞌ rochoch laj José. Queꞌco̱eb li ras ut li ri̱tzꞌin laj José. Queꞌco̱eb ajcuiꞌ li cuanqueb saꞌ rochoch lix yucuaꞌ camenak. Caꞌaj chic eb li cocꞌal ut li queto̱mk queꞌcana saꞌ li tenamit Gosén.

Éxodo 10:10

Laj faraón saꞌ joskꞌil quichakꞌoc. Re xhobbaleb nak quixye reheb: —Tento nak le̱ Dios textenkꞌa cui la̱ex cuan saꞌ e̱chꞌo̱l nak texincanab chi xic e̱rochbeneb le̱ cocꞌal. La̱in moco texincanab ta chi xic chi joꞌcan. La̱in ninnau nak inbalakꞌinquil te̱raj. Ma̱ jaruj texincanab chi xic che̱junilex.

Éxodo 10:26

Tento nak ta̱xic chixjunil li kaqueto̱mk. Ma̱ jun takacanab. Saꞌ xya̱nkeb aꞌan takasicꞌ ru li takamayeja chiru li kaDios. Nak tocuulak, aran takil bar cuan li ta̱cꞌanjelak chokꞌ kamayej, chan laj Moisés.

Éxodo 12:32

Cꞌamomak ajcuiꞌ che̱rix le̱ queto̱mk joꞌ xeye. Se̱bahomak e̱rib ut elenkex. Ut textijok chicuix, chan laj faraón.

Éxodo 12:37

Ut chixjunileb laj Israel queꞌel saꞌ li tenamit Ramesés ut queꞌco̱eb saꞌ li tenamit Sucot. Cuakib ciento mil (600,000) chi cui̱nk queꞌco̱eb chi rok. Eb li ixk joꞌ ajcuiꞌ eb li cocꞌal ma̱cꞌaꞌeb saꞌ ajl.

Éxodo 12:38

Ut cuanqueb ajcuiꞌ laj Egipto li queꞌco̱eb saꞌ xya̱nkeb laj Israel. Ut ma̱ caꞌchꞌin xqꞌuial li queto̱mk queꞌxcꞌam nak queꞌco̱eb.