Éxodo 10:7 - Li Santil hu

⁷ Ut eb laj cꞌanjel chiru laj faraón queꞌxye re laj faraón: —¿Joꞌ najtil chic toxchꞌiꞌchꞌiꞌi li cui̱nk aꞌin? Canabeb chi xic laj Israel re nak eb aꞌan teꞌxlokꞌoni chak li Ka̱cuaꞌ lix Dioseb. ¿Ma incꞌaꞌ nacacuil nak x-osoꞌ li katenamit Egipto? chanqueb.

Q'eqchi Bible

⁷ Toja' naq eb' laj k'anjel chiru laj Parahón ke'xye re: “Jo' najtil chik toxra'le li winq a'an? Kanab'eb' chi xik li tenamit a'in re naq te'xloq'oni li Qaawa' li xYoseb'. Ma toj maji' xataw ru naq yo chi oso'k li tenamit Ejiipt?”, chankeb'.

Éxodo 10:7 ပူးပေါင်းရင်းမြစ်များ

1 Samuel 18:21

Laj Saúl quixye saꞌ xchꞌo̱l: —La̱in tinsumub lix Mical riqꞌuin laj David yal re tixbalakꞌi ut ta̱camsi̱k xbaneb laj filisteo, chan. Joꞌcan nak quixye cuiꞌchic re laj David: —La̱at tat-oc chokꞌ inhiꞌ, chan.

Eclesiastés 7:26

Nak yo̱quin chixtzꞌilbal rix chixjunil li cꞌaꞌak re ru aꞌin, quintau jun li chꞌaꞌajquilal kꞌaxal ra chiru li ca̱mc. Aꞌan li ixk li incꞌaꞌ us xnaꞌleb. Naxkꞌunbesi li cui̱nk toj retal natꞌaneꞌ saꞌ rukꞌ. Caꞌaj cuiꞌ li cui̱nk li naxqꞌue xlokꞌal li Dios naru naxcol rib chiru li ixk aꞌan. Abanan, laj ma̱c tzꞌakal natꞌaneꞌ saꞌ rukꞌ aꞌan.

Josué 23:13

chenauhak nak li Ka̱cuaꞌ le̱ Dios incꞌaꞌ chic textenkꞌa chi numta̱c saꞌ xbe̱neb li tenamit nak yo̱kex chi pletic riqꞌuineb. Aꞌaneb ban chic teꞌnumta̱k saꞌ e̱be̱n. Teꞌcꞌanjelak joꞌ raꞌal chokꞌ e̱re, re nak textꞌanekꞌ saꞌ rukꞌeb. Chanchan yo̱keb chixqꞌuebal e̱tzꞌu̱m xban nak teꞌxba̱nu raylal e̱re. Chanchanakeb li qꞌuix li ta̱oc saꞌ xnakꞌ e̱ru. Cui te̱ba̱nu li incꞌaꞌ us, eb aꞌan teꞌnumta̱k saꞌ e̱be̱n ut ma̱ jun e̱re ta̱cana̱k saꞌ li cha̱bil naꞌajej aꞌin li xqꞌue e̱re li Ka̱cuaꞌ le̱ Dios.

Éxodo 23:33

Incꞌaꞌ te̱canabeb chi cua̱nc saꞌ le̱ naꞌaj re nak incꞌaꞌ texqꞌue chi ma̱cobc chicuu. Naru nequex-oc chixlokꞌoninquil lix dioseb, ut riqꞌuin aꞌan te̱tzꞌek e̱rib.

1 Corintios 7:35

Moco re ta nak incꞌaꞌ texsumla̱k nak ninye e̱re chi joꞌcaꞌin. Re ban e̱tenkꞌanquil. La̱in nacuaj nak te̱ba̱nu li us. Nacuaj nak te̱kꞌaxtesi e̱rib chi cꞌanjelac chiru li Ka̱cuaꞌ chi anchal e̱chꞌo̱l.

Sofonías 1:18

Chi moco lix plata chi moco lix oro ta̱ru̱k ta̱colok reheb chiru lix joskꞌil li Dios saꞌ li cutan aꞌan. Lix joskꞌil li Dios chanchan li xam nak tixsach chixjunil li ruchichꞌochꞌ. Chixjunileb li cuanqueb saꞌ ruchichꞌochꞌ teꞌosokꞌ chiru junpa̱t.

Jeremías 51:8

Abanan chiru junpa̱t quisacheꞌ ru li tenamit Babilonia. Chexya̱bak chirixeb. Yalomak xbanbal lix tochꞌolal. Ma̱re ta̱qꞌuira̱k.

Jeremías 48:4

Eb laj Moab yo̱keb chi cꞌuluc raylal ut eb li cocꞌal yo̱keb chi ya̱bac xban li raylal.

Isaías 51:9

Choa̱cuabi, at Ka̱cuaꞌ, ut choa̱tenkꞌa. Riqꞌuin lix nimal a̱cuanquil choa̱col joꞌ nak cacoleb la̱ tenamit najter. ¿Ma ma̱cuaꞌ ta biꞌ la̱at catcamsin re li nimla xul Rahab xcꞌabaꞌ li cuan saꞌ li palau ut pedasinbil cacanab?

Isaías 14:20

La̱at incꞌaꞌ tatmukekꞌ joꞌ nak xeꞌmukeꞌ li jun chꞌol chic rey xban nak xasach ru la̱ tenamit ut xacamsiheb li cristian. Ut ma̱ ani chic ta̱jultica̱nk reheb la̱ cualal a̱cꞌajol xban li ma̱usilal xaba̱nu.

Proverbios 29:6

Li ma̱c li nequeꞌxba̱nu li incꞌaꞌ useb xnaꞌleb, aꞌan ajcuiꞌ li nasachoc reheb. Abanan li ti̱queb xchꞌo̱l junelic nequeꞌbichan xban xsahileb xchꞌo̱l.

Salmos 107:34

Ut li chꞌochꞌ li cha̱bil na-el li acui̱mk chiru, naxsukꞌisi chi ma̱cꞌaꞌ chic na-el chiru. Naxba̱nu chi joꞌcan xban li ma̱usilal li nequeꞌxba̱nu li tenamit.

Éxodo 8:19

Eb laj kꞌe queꞌxye re laj faraón: —Aꞌin xba̱nuhom li Ka̱cuaꞌ Dios, chanqueb. Ut joꞌ quixye li Dios, laj faraón kꞌaxal cuiꞌchic quicacuubresi xchꞌo̱l ut incꞌaꞌ qui-abin chiruheb.

Éxodo 7:5

Nak tinrakok a̱tin saꞌ xbe̱neb teꞌxnau nak la̱in li Ka̱cuaꞌ Dios ut tincuisiheb lin tenamit saꞌ xya̱nkeb, chan li Dios.

Éxodo 12:33

Ut eb laj Egipto queꞌxtzꞌa̱ma ajcuiꞌ chiruheb laj Israel nak teꞌxse̱ba rib chi xic. Queꞌxye reheb: —Ayukex. Se̱bahomak e̱rib chi xic. Ma̱re toca̱mk ajcuiꞌ la̱o cui la̱ex incꞌaꞌ texxic, chanqueb.

1 Samuel 5:11

Joꞌcan nak queꞌxtakla xchꞌutubanquileb chixjunileb li nequeꞌtaklan saꞌ xbe̱neb laj filisteo ut queꞌxye reheb: —Taklahomak saꞌ xnaꞌaj lix Lokꞌlaj Ca̱x lix Dios eb laj Israel. Incꞌaꞌ nakaj nak toxcamsi la̱o ut li katenamit, chanqueb. Cꞌajoꞌ nak yo̱queb chi xucuac xban nak yalak bar yo̱queb chi ca̱mc xban nak yo̱ xjoskꞌil li Dios saꞌ xbe̱neb.