Éxodo 10:4 - Li Santil hu

⁴ Ut xye ajcuiꞌ, “Cui incꞌaꞌ nacacanabeb chi xic lin tenamit, cuulaj tintaklaheb laj sa̱cꞌ saꞌ la̱ tenamit.

Q'eqchi Bible

⁴ Wi ink'a' taakanab'eb' chi elk lintenamit, k'e reetal naq wulaj tintaqlaheb' chaq aj saak' sa' laatenamit,

Éxodo 10:4 ပူးပေါင်းရင်းမြစ်များ

Apocalipsis 9:3

Saꞌ li sib aꞌan queꞌel chak nabaleb li xul chanchaneb laj sa̱cꞌ ut queꞌxjeqꞌui ribeb saꞌ ruchichꞌochꞌ. Queꞌqꞌueheꞌ xcuanquil re nak teꞌtiꞌok. Lix may li teꞌxtiu, aꞌan chanchan xmay li nequeꞌxtiu laj xo̱cꞌ.

Joel 2:25

Li Ka̱cuaꞌ tixye: —La̱in tinqꞌue re̱kaj e̱re li quisach che̱ru saꞌ eb li chihab nak queꞌxcuaꞌ le̱ racui̱mk laj sa̱cꞌ, li torob, li motzoꞌ ut li chiliꞌ, li chanchaneb jun tu̱b chi soldado nak quebintakla e̱riqꞌuin re xsachbal le̱ racui̱mk.

Proverbios 30:27

Eb laj sa̱cꞌ ma̱ ani nacꞌamoc be chiruheb. Abanan ac chi chꞌu̱tal cuanqueb nak nequeꞌbe̱c.

Éxodo 9:18

Cuulaj ta̱qꞌue retal nak saꞌ li o̱r aꞌin tintakla chak li ni̱nki sakbach hamamnak saꞌ xbe̱n li tenamit Egipto. Ma̱ jun sut e̱rilom chak chalen kꞌe cutan.

Éxodo 9:5

Chꞌolchꞌo chiru li Dios jokꞌe ta̱cꞌulma̱nk aꞌin. Li Dios quixye reheb: —Cuulaj tinba̱nu aꞌin saꞌ li tenamit, chan.

Éxodo 8:23

Sicꞌbil ru inban lin tenamit. Jalan tinba̱nu re lin tenamit la̱in chiru la̱ tenamit la̱at. Cuulaj ta̱ba̱numa̱nk li xinye a̱cue”, chan li Ka̱cuaꞌ Dios.

Éxodo 8:10

Laj faraón quixye: —Cuulaj ajcuiꞌ ta̱ba̱nu.— Ut laj Moisés quixye re: —Cuulaj ajcuiꞌ ta̱uxma̱nk li cꞌaꞌru yo̱cat chixtzꞌa̱manquil re nak ta̱cuil nak ma̱cꞌaꞌ chic junak Dios joꞌ li Ka̱cuaꞌ Dios, li nakalokꞌoni la̱o.

Éxodo 10:3

Tojoꞌnak laj Moisés ut laj Aarón queꞌco̱eb riqꞌuin laj faraón ut queꞌxye re: —Joꞌcaꞌin xye a̱cue li Ka̱cuaꞌ Dios, lix Dioseb laj hebreo. “¿Jokꞌe ta̱cubsi a̱cuib chicuu? Canabeb chi xic lin tenamit re nak tineꞌxlokꞌoni.”

Éxodo 10:5

Tintakla li qꞌuila okꞌob chi aj sa̱cꞌ toj retal ta̱tzꞌapo̱nk li chꞌochꞌ xbaneb. Joꞌ qꞌuial chic li acui̱mk incꞌaꞌ xcamsi li sakbach, talajeꞌxlou chixjunil. Talajeꞌxcuaꞌ xxak li cheꞌ.

Deuteronomio 28:38

Nabal li iyaj li te̱rau, abanan caꞌchꞌin ajcuiꞌ li ru li te̱xoc xban nak eb laj sa̱cꞌ teꞌxcuaꞌ le̱ racui̱mk.

Éxodo 4:23

Xinye a̱cue nak ta̱canabeb chi xic eb laj Israel re nak teꞌcꞌanjelak chicuu. Cui incꞌaꞌ nacacanabeb chi xic, la̱in tincamsi li xbe̱n a̱cualal, chaꞌkat re laj faraón,” chan li Dios re laj Moisés.

Éxodo 5:1

Chirix nak queꞌa̱tinac riqꞌuineb laj Israel, laj Moisés ut laj Aarón queꞌco̱eb riqꞌuin laj faraón ut queꞌxye re: —Li nimajcual Dios, li nequeꞌxlokꞌoni laj Israel, xye chi joꞌcaꞌin, “Canabeb chi xic lin tenamit saꞌ li chaki chꞌochꞌ re nak aran teꞌninkꞌei̱k re xqꞌuebal inlokꞌal,” chan li Ka̱cuaꞌ Dios.—