Éxodo 10:23 - Li Santil hu

²³ Eb laj Egipto incꞌaꞌ quiru queꞌril rib xban nak kꞌaxal cuiꞌchic kꞌojyi̱n. Yal chunchu̱queb aj chic saꞌ lix naꞌajeb saꞌ kꞌojyi̱n chiru li oxib cutan aꞌan. Ma̱ bar naru nequeꞌxic. Abanan eb laj Israel cutan saꞌ li naꞌajej li cuanqueb cuiꞌ.

Q'eqchi Bible

²³ Eb' li poyanam ink'a' chik neke'ril rib' ut maajun ki'elk sa' li xna'aj chiru oxib' kutan; ab'an chixjunileb' laj Israel wank xsaqenkeb' sa' li xna'ajeb'.

Éxodo 10:23 ပူးပေါင်းရင်းမြစ်များ

Éxodo 8:22

Aban incꞌaꞌ tintakla li raxya̱t saꞌ li naꞌajej Gosén bar cuanqueb cuiꞌ lin tenamit. Aran incꞌaꞌ teꞌchꞌiꞌchꞌiꞌi̱nk li raxya̱t. Riqꞌuin aꞌan te̱nau nak la̱in li Ka̱cuaꞌ Dios ut cuan incuanquil saꞌ xbe̱n li ruchichꞌochꞌ.

1 Pedro 2:9

La̱ex sicꞌbil e̱ru xban li Dios. Sicꞌbil e̱ru chi cꞌanjelac chiru li Dios joꞌ nak nequeꞌcꞌanjelac laj tij. La̱ex lix tenamit li Dios ut santobresinbilex. La̱ex chic ralal xcꞌajol li Dios. Sicꞌbil e̱ru chixyebal resil lix nimal xcuanquilal li Dios. Li Dios quexrisi saꞌ xkꞌojyi̱nal ru li ma̱c ut anakcuan cuanquex chic saꞌ xcutan xsaken.

Isaías 42:16

Abanan la̱in tinberesiheb li mutzꞌ saꞌ eb li be li ma̱ jun sut xeꞌnumeꞌ cuiꞌ. Saꞌ eb li be li incꞌaꞌ xeꞌxnau la̱in tinberesiheb. Tinsukꞌisi li kꞌojyi̱n chokꞌ cutan chiruheb ut tinti̱cobresi li be chiruheb. Chixjunil li cꞌaꞌak re ru aꞌin tinba̱nu. Incꞌaꞌ tintzꞌekta̱naheb.

Éxodo 9:4

Abanan lix queto̱mkeb laj Israel ma̱cꞌaꞌ teꞌxcꞌul. Caꞌaj cuiꞌ lix queto̱mkeb laj Egipto teꞌca̱mk”, chan li Dios.

Colosenses 1:13

Li Dios corisi rubel xcuanquil laj tza ut coxkꞌaxtesi rubel xcuanquil li Cꞌajolbej li kꞌaxal raro xban li Dios.

Malaquías 3:18

Toj aran te̱qꞌue retal li ani quixba̱nu li us ut li ani incꞌaꞌ quixba̱nu li us. Te̱qꞌue retal lix jalanil riqꞌuineb li ani queꞌcꞌanjelac chicuu ut li ani incꞌaꞌ queꞌcꞌanjelac chicuu, chan li Ka̱cuaꞌ.

Josué 24:7

Ut eb le̱ xeꞌto̱nil yucuaꞌ queꞌxjap re chixtzꞌa̱manquil xtenkꞌanquil chicuu. Ut quinqꞌue li kꞌojyi̱n saꞌ xyiheb aꞌan ut eb laj Egipto. Ut la̱in quintakla li haꞌ re nak tixjunaji rib saꞌ xbe̱neb laj Egipto ut queꞌosoꞌ. La̱ex nequenau cꞌaꞌru quinba̱nu. Ut najt quexcuan saꞌ li chaki chꞌochꞌ.

Éxodo 14:20

Li chok quicana saꞌ xyiheb laj Israel ut laj Egipto. Chi joꞌcan quikꞌojyi̱noꞌ lix beheb laj Egipto ut eb laj Israel cutan yo̱queb cuiꞌ chi xic. Quinumeꞌ li kꞌojyi̱n ut incꞌaꞌ queꞌcuulac cuanqueb cuiꞌ laj Israel.

Éxodo 9:26

Caꞌaj chic saꞌ li tenamit Gosén incꞌaꞌ quicuan li sakbach xban nak aran cuanqueb laj Israel.

Amós 4:7

—La̱in incꞌaꞌ chic xinqꞌue li hab nak oxib po chic ma̱ nacuulac xkꞌehil li kꞌoloc. Xinqꞌue li hab saꞌ jun li tenamit ut saꞌ li jun chic incꞌaꞌ xinqꞌue. Saꞌ jun li cꞌaleba̱l xinqꞌue li hab ut saꞌ li jun chic xchakic li acui̱mk xban nak incꞌaꞌ xinqꞌue li hab.

Éxodo 7:25

Cuukub cutan tzꞌakal quicuan chokꞌ quicꞌ li haꞌ xban li Ka̱cuaꞌ Dios.

Éxodo 8:18

Joꞌcan ajcuiꞌ eb laj kꞌe queꞌxyal xba̱nunquil riqꞌuin lix naꞌleb aꞌan. Abanan incꞌaꞌ queꞌru. Li suk nequeꞌhananac chirixeb li cristian joꞌ eb ajcuiꞌ li xul.

Éxodo 8:19

Eb laj kꞌe queꞌxye re laj faraón: —Aꞌin xba̱nuhom li Ka̱cuaꞌ Dios, chanqueb. Ut joꞌ quixye li Dios, laj faraón kꞌaxal cuiꞌchic quicacuubresi xchꞌo̱l ut incꞌaꞌ qui-abin chiruheb.