Éxodo 10:21 - Li Santil hu

²¹ Ut li Ka̱cuaꞌ Dios quixye re laj Moisés: —Taksi la̱ cuukꞌ re nak ta̱kꞌojyi̱nokꞌ ru li cutan saꞌ li tenamit Egipto. Nak teꞌbe̱k li cristian yal teꞌxchꞌeꞌ aj chic lix beheb, chan li Dios.

Q'eqchi Bible

²¹ Kixye li Qaawa' re laj Moisés: “Ye' laawuq' sa' xjayal li choxa ut chiwanq xnimal aak'ab' sa' li tenamit Ejiipt, li taaruuq xch'e'b'al”.

Éxodo 10:21 ပူးပေါင်းရင်းမြစ်များ

San Judas 1:6

Ninjultica ajcuiꞌ che̱ru nak cuan li ángel queꞌxtzꞌekta̱na lix lokꞌal qꞌuebileb re joꞌ ajcuiꞌ lix naꞌajeb. Anakcuan tzꞌaptzꞌo̱queb saꞌ li kꞌojyi̱n xban li Dios ut bacꞌbo̱queb riqꞌuin cadena toj ta̱cuulak xcutanquil li rakba a̱tin.

2 Pedro 2:17

Eb laj tzolonel aj balakꞌ chanchaneb lix julel haꞌ li ma̱cꞌaꞌ haꞌ chi saꞌ. Ma̱cꞌaꞌ na-oc cuiꞌ. Chanchaneb li chok li nacꞌameꞌ yalak bar xban li ikꞌ. Eb li cui̱nk aꞌin teꞌxic saꞌ lix kꞌojyi̱nal ru li xbalba li ac yi̱banbil chokꞌ reheb.

2 Pedro 2:4

Li Dios incꞌaꞌ quixcuy xma̱queb li ángel li queꞌma̱cob chiru. Quixcuteb ban saꞌ xbalba saꞌ chamal jul kꞌojyi̱n xsaꞌ. Bacꞌbo̱queb chi cadena quixcanabeb toj ta̱cuulak xkꞌehil li rakba a̱tin. Joꞌcan ajcuiꞌ tixba̱nu reheb laj balakꞌ. Incꞌaꞌ tixcuy xma̱queb.

San Lucas 23:44

Tuktu cuaꞌleb quikꞌojyi̱noꞌ saꞌ chixjunil li ruchichꞌochꞌ ut toj saꞌ oxib o̱r re ecuu quicutanoꞌ cuiꞌchic.

San Marcos 15:33

Tuktu li cuaꞌleb nak quikꞌojyi̱noꞌ saꞌ chixjunil li ruchichꞌochꞌ ut oxib o̱r re ecuu quicutanoꞌ cuiꞌchic.

San Mateo 27:45

Tuktu cuaꞌleb nak quikꞌojyi̱noꞌ saꞌ chixjunil li ruchichꞌochꞌ ut toj saꞌ oxib o̱r re ecuu quicutanoꞌ cuiꞌchic.

Proverbios 4:19

Abanan eb li incꞌaꞌ useb xnaꞌleb cuanqueb saꞌ xkꞌojyi̱nal ru li ma̱c xban li ma̱usilal nequeꞌxba̱nu. Moco teꞌxnau ta cꞌaꞌru ta̱cha̱lk saꞌ xbe̱neb.

Salmos 105:28

Li Dios quixtakla li kꞌojyi̱n saꞌ chixjunil li naꞌajej Egipto. Abanan eb laj Egipto incꞌaꞌ queꞌxba̱nu li cꞌaꞌru quixye li Dios.

Deuteronomio 28:29

Yal te̱chꞌeꞌ aj chic le̱ be nak yo̱kex chi be̱c joꞌ nequeꞌxba̱nu li mutzꞌ nak nequeꞌxchꞌeꞌ lix be, usta chi cutan yo̱kex chi be̱c. Ut incꞌaꞌ te̱tau li be li texxic raj cuiꞌ. Incꞌaꞌ tex-e̱lk chi us riqꞌuin li cꞌaꞌru te̱ba̱nu. Junelic rahobtesinbilakex ut ta̱elkꞌa̱k li cꞌaꞌru e̱re. Ma̱ ani ta̱tenkꞌa̱nk e̱re.

Éxodo 9:22

Ut li Ka̱cuaꞌ Dios quixye re laj Moisés: —Taksi la̱ cuukꞌ ut riqꞌuin aꞌan ta̱tꞌanekꞌ chak li sakbach saꞌ chixjunil li tenamit Egipto. Telajeꞌtꞌanekꞌ chak saꞌ xbe̱neb li cristian ut saꞌ xbe̱neb li xul joꞌ ajcuiꞌ li acui̱mk yalak bar saꞌ li tenamit Egipto, chan li Dios.

San Judas 1:13

Nak na-el chak xcuokx li palau xban xcacuil rok li haꞌ, nalemeb rib chire li haꞌ lix tzꞌajnil li haꞌ. Joꞌcan ajcuiꞌ lix xuta̱neb laj balakꞌ xban li ma̱usilal li nequeꞌxba̱nu. Chanchaneb li chahim li yal naxbeni rib yalak bar chiru choxa. Eb li cui̱nk aꞌin ac xakabanbileb chi xic chi junaj cua toj saꞌ xchamal ut xkꞌojyi̱nal li tojba ma̱c.

Eclesiastés 6:4

Usta li cꞌulaꞌal aꞌin li yal quinumeꞌ incꞌaꞌ quiyoꞌla saꞌ xya̱lal, quicana yal chi joꞌcan. Chanchan quicana saꞌ kꞌojyi̱n chi ma̱cꞌaꞌ xcꞌabaꞌ.

Eclesiastés 2:14

Li ani cuan xnaꞌleb naxnau cꞌaꞌru ta̱cha̱lk saꞌ xbe̱n. Ut li ma̱cꞌaꞌ xnaꞌleb incꞌaꞌ naxnau cꞌaꞌru ta̱cha̱lk saꞌ xbe̱n. Abanan juntakꞌe̱t tixcꞌul li cuan xnaꞌleb riqꞌuin li ma̱cꞌaꞌ xnaꞌleb.

Salmos 78:49

Li Dios quixcꞌutbesi lix joskꞌil chiruheb nak quixtakla li rahil chꞌo̱lej saꞌ xya̱nkeb. Xban xjoskꞌil li Dios quixtakla lix ángel chixcamsinquil li xbe̱n ralaleb laj Egipto.

Salmos 35:6

Kꞌojyi̱n taxak ru lix beheb ut yolyo̱lak taxak ru li be nak yo̱k ra̱linanquileb xban lix ángel li Ka̱cuaꞌ.

Apocalipsis 8:12

Ut li xca̱ ángel quixya̱basi li trompeta ut caꞌchꞌin chic ma̱ yijach (1/3) li sakꞌe incꞌaꞌ chic quicutanoꞌ ru. Ut caꞌchꞌin chic ma̱ yijach li po incꞌaꞌ chic quicutanoꞌ ru. Ut caꞌchꞌin chic ma̱ yijach li chahim incꞌaꞌ chic queꞌlemtzꞌun. Caꞌchꞌin chic ma̱ yijach li cutan quikꞌojyi̱noꞌ ru. Ut joꞌcan ajcuiꞌ li po chiru li kꞌojyi̱n. Caꞌchꞌin chic ma̱ yijach li kꞌojyi̱n incꞌaꞌ quicutanoꞌ ru.

Éxodo 7:19

Li Dios quixye ajcuiꞌ re laj Moisés: —Ta̱ye re laj Aarón, “Yeꞌ la̱ xukꞌ saꞌ xbe̱neb li haꞌ li cuan Egipto, saꞌ xbe̱neb li nimaꞌ, li cocꞌ rok haꞌ, joꞌ eb ajcuiꞌ li palau re nak ta̱quicꞌokꞌ. Yalak bar naxocman cuiꞌ li haꞌ saꞌ li tenamit Egipto, junes quicꞌ chic ta̱tauma̱nk,” chan.

Ezequiel 32:7

Nak la̱in tinsach a̱cuu, la̱in tinba̱nu̱nk re nak incꞌaꞌ chic teꞌlemtzꞌu̱nk li chahim. Incꞌaꞌ chic ta̱ilok li sakꞌe chi moco li po.

Deuteronomio 1:30

Li Ka̱cuaꞌ le̱ Dios, aꞌan ta̱cꞌamok be che̱ru. Aꞌan ta̱tenkꞌa̱nk e̱re chi pletic, joꞌ nak quextenkꞌa nak cuanquex Egipto. La̱ex queqꞌue retal cꞌaꞌru quixba̱nu.

Deuteronomio 4:34

¿Ma cuan ta biꞌ junak Dios quixsicꞌ ta ru junak tenamit saꞌ xya̱nkeb li jun chꞌol chic? Li Dios quixcꞌutbesi nabal li retalil nak quexrisi chak saꞌ li naꞌajej Egipto. Quixba̱nu riqꞌuin milagro ut sachba chꞌo̱lej ut riqꞌuin pletic. Riqꞌuin xnimal xcuanquil quixba̱nu li cꞌaꞌak re ru xiu xiu rilbal. La̱ex queril nak li Ka̱cuaꞌ le̱ Dios quixba̱nu li sachba chꞌo̱lej nak quexrisi chak saꞌ li naꞌajej Egipto.

Li xHu LAJ JOB 5:14

Usta yo̱queb chi be̱c chi cutan, abanan chanchan saꞌ kꞌojyi̱n yo̱queb chi be̱c chi incꞌaꞌ nequeꞌxtau cꞌaꞌru teꞌxba̱nu.