Éxodo 10:19 - Li Santil hu

¹⁹ Li Ka̱cuaꞌ Dios quixtakla cuiꞌchic jun li cacuil ikꞌ. Qui-el chak saꞌ li na-oc cuiꞌ li sakꞌe. Eb laj sa̱cꞌ quilajeꞌcꞌameꞌ xban li ikꞌ. Quilajeꞌcuteꞌ saꞌ jun li nimla palau Mar Rojo xcꞌabaꞌ. Ti̱c ma̱ jun chic laj sa̱cꞌ queꞌcana saꞌ li tenamit Egipto.

Q'eqchi Bible

¹⁹ ut li Qaawa' kixtaqla chaq jun kawil iq' li ki'elk sa' li palaw, ut kixk'ameb' laj saak', koxkuteb' sa' li Kaqi Palaw. Tik maajun chik aj saak' kikanaak sa' xsutam chixjunil Ejiipt.

Éxodo 10:19 ပူးပေါင်းရင်းမြစ်များ

Joel 2:20

La̱in tinyolesiheb laj sa̱cꞌ li queꞌchal saꞌ li norte. Cuan li tebintakla saꞌ li chaki chꞌochꞌ. Cuan li tebintakla saꞌ li palau Mar Muerto ut cuan li tebintakla saꞌ li palau Mediterráneo. Ut telajeꞌca̱mk. Teꞌkꞌa̱k ut teꞌchuhokꞌ. Sachba chꞌo̱lej tinba̱nu nak tincoleb lin tenamit, chan.

Hebreos 11:29

Xban lix pa̱ba̱leb laj Israel, queꞌnumeꞌ saꞌ xyi li Caki Palau. Chaki chꞌochꞌ li queꞌnumeꞌ cuiꞌ. Ut joꞌcan ajcuiꞌ queꞌraj xba̱nunquil eb laj Egipto. Aban incꞌaꞌ queꞌru xban nak li haꞌ quixjunaji rib saꞌ xbe̱neb ut aran queꞌosoꞌ chixjunileb.

Éxodo 15:4

Quixcanabeb chi osocꞌ saꞌ li haꞌ lix carruaje laj faraón joꞌ eb ajcuiꞌ lix soldado. Lix soldado li kꞌaxal tzolbileb queꞌosoꞌ saꞌ li Caki Palau.

Éxodo 13:18

Li Dios quixcꞌameb aꞌan saꞌ li chaki chꞌochꞌ saꞌ xjayal li palau Mar Rojo xcꞌabaꞌ. Nequeꞌtzololnac nak queꞌel chi junju̱nk chꞌu̱tal saꞌ li tenamit Egipto.

Éxodo 10:18

Laj Moisés qui-el riqꞌuin laj faraón ut quitijoc chiru li Ka̱cuaꞌ Dios.

Éxodo 10:20

Li Ka̱cuaꞌ Dios quixcacuubresi cuiꞌchic xchꞌo̱l laj faraón ut incꞌaꞌ quixcanabeb chi xic laj Israel.

Salmos 109:23

Yo̱ chi osocꞌ lin yuꞌam. Chanchan nak nanumeꞌ li kꞌojyi̱n saꞌ junpa̱t. Chanchanin chic laj sa̱cꞌ li yalak bar nacꞌameꞌ xban ikꞌ.