Éxodo 10:16 - Li Santil hu

¹⁶ Tojoꞌnak laj faraón saꞌ junpa̱t quixbokeb chak laj Moisés ut laj Aarón. Quixye reheb: —Xinma̱cob chiru li Ka̱cuaꞌ la̱ Dios ut che̱ru ajcuiꞌ la̱ex.

Q'eqchi Bible

¹⁶ Toja' naq laj Parahón kixb'oqeb' chi junpaat laj Moisés ut laj Aharón ut kixye reheb': “Xinmaakob'k chiru li Qaawa' leeYos ut cheru laa'ex.

Éxodo 10:16 ပူးပေါင်းရင်းမြစ်များ

Éxodo 9:27

Tojoꞌnak laj faraón quixtakla xbokbaleb laj Moisés ut laj Aarón. Quixye reheb: —Anakcuan xinnau nak xinma̱cob. Moco li Ka̱cuaꞌ Dios ta cuan re. La̱in cuan cue ut joꞌ ajcuiꞌ lin tenamit cuanqueb re.

San Mateo 27:4

Quixye reheb: —Xinma̱cob nak xinkꞌaxtesi e̱re li cui̱nk aꞌin xban nak ma̱cꞌaꞌ xma̱c, chan. Aꞌut eb aꞌan queꞌxye re: —¿Cꞌaꞌ takaj re la̱o? Il cꞌaꞌru ta̱ba̱nu.—

Proverbios 28:13

Li ani naxmuk lix ma̱c, incꞌaꞌ us ta̱e̱lk. Abanan li ani tixpatzꞌ xcuybal xma̱c ut tixcanab xba̱nunquil li ma̱usilal, ta̱uxta̱na̱k ru.

2 Samuel 19:20

La̱in ninnau nak quinma̱cob cha̱cuu. Joꞌcan nak la̱in li xbe̱n li xincꞌulun anakcuan cha̱cꞌulbal, at rey. La̱in xbe̱n cua xincꞌulun chiruheb chixjunileb li ralal xcꞌajol laj José, chan.

1 Samuel 26:21

Ut laj Saúl quixye re: —At David, at cualal, sukꞌin chak cuiqꞌuin. Ma̱cꞌaꞌ tinba̱nu a̱cue xban nak incꞌaꞌ xina̱camsi anakcuan. Ma̱cꞌaꞌ innaꞌleb. Incꞌaꞌ us li xinba̱nu, chan laj Saúl.

1 Samuel 15:30

Laj Saúl quixye re: —La̱in xinma̱cob. Abanan nintzꞌa̱ma cha̱cuu nak ta̱qꞌue inlokꞌal chiruheb li nequeꞌcꞌamoc be chiruheb lin tenamit Israel ut chiruheb ajcuiꞌ chixjunileb li tenamit. Tatsukꞌi̱k cuochben re nak tinlokꞌoni li Ka̱cuaꞌ la̱ Dios, chan.

1 Samuel 15:24

Tojoꞌnak laj Saúl quixye re laj Samuel: —La̱in xinma̱cob. Xinkꞌet li ra̱tin li Dios ut xinkꞌet ajcuiꞌ la̱ cua̱tin la̱at. Xban nak xinxucuac chiruheb li tenamit, joꞌcan nak xinba̱nu li cꞌaꞌru xeꞌxye. Ba̱nu usilal, chacuy inma̱c.

Números 22:34

Laj Balaam quixye re lix ángel li Ka̱cuaꞌ: —La̱in xinma̱cob. La̱in incꞌaꞌ xinnau nak xakxo̱cat arin chixrambal inbe. Cui incꞌaꞌ nacacuaj nak tinxic, la̱in tinsukꞌi̱k saꞌ cuochoch, chan.

Números 21:7

Eb li cristian queꞌcuulac riqꞌuin laj Moisés ut queꞌxye re: —La̱o xoma̱cob nak xkacuechꞌi rix li Dios ut xoma̱cob ajcuiꞌ nak xatkacuechꞌi la̱at. Chatzꞌa̱ma chiru li Dios nak ta̱risiheb saꞌ kaya̱nk li cꞌantiꞌ aꞌin, chanqueb. Ut laj Moisés quitijoc chirixeb li tenamit.

Éxodo 8:8

Tojoꞌnak laj faraón quixbok laj Moisés ut laj Aarón. Quixye reheb: —Te̱tzꞌa̱ma chiru li Ka̱cuaꞌ Dios nak ta̱risi chixjunil li amoch cuiqꞌuin joꞌ ajcuiꞌ riqꞌuineb lin tenamit. Ut la̱in tincanabeb chi xic laj Israel re nak teꞌxic chi mayejac chiru li Dios, chan.

Éxodo 8:25

Ut laj faraón quixbok laj Moisés ut laj Aarón ut quixye reheb: —Mayejankex chak chiru le̱ Dios. Aban te̱ba̱nu saꞌ li naꞌajej li cuanquex cuiꞌ, chan.

2 Samuel 24:10

Nak ac queꞌajla̱c chixjunileb laj Israel, quiyotꞌeꞌ xchꞌo̱l laj David. Quitijoc ut quixye re li Dios: —At Ka̱cuaꞌ, nimla ma̱c li xinba̱nu la̱in. Nintzꞌa̱ma cha̱cuu nak ta̱cuy ta̱sach taxak lin ma̱c. Xma̱cꞌaꞌil innaꞌleb xinba̱nu cuiꞌ, chan.

2 Samuel 24:17

Laj David quiril li ángel li yo̱ chi camsi̱nc reheb li cristian ut quixye re li Dios: —At Ka̱cuaꞌ, la̱in xinba̱nun re li ma̱usilal aꞌin. La̱in cuan inma̱c. Eb li cristian aꞌin ma̱cꞌaꞌeb xma̱c. Chanchaneb li carner. Nintzꞌa̱ma cha̱cuu nak ta̱qꞌue li raylal saꞌ inbe̱n la̱in ut saꞌ xbe̱neb li cualal incꞌajol, chan.