Éxodo 10:14 - Li Santil hu

¹⁴ Quilajeꞌchal laj sa̱cꞌ saꞌ chixjunil li tenamit Egipto. Nequeꞌhirirnac saꞌ xbe̱n li tenamit. Ma̱ jun cua rilomeb aꞌan chalen kꞌe cutan, ut ma̱ jun cua chic teꞌril mokon.

Q'eqchi Bible

¹⁴ Eb' laj saak' kilaje'ok sa' chixjunil xsutam Ejiipt ut ke'xhiri rib' sa' chixjunil li xna'ajeb' laj Ejiipt, k'ajo' xk'ihaleb': maajun sut rilomeb' a'an junxil chi moko te'ril chik moqon.

Éxodo 10:14 ပူးပေါင်းရင်းမြစ်များ

Salmos 78:46

Quixtakla laj sa̱cꞌ chixchoybal chixjunil li racui̱mkeb li queꞌrau.

1 Reyes 8:37

Ut cui ta̱cua̱nk cueꞌej saꞌ xya̱nkeb laj Israel, malaj ut li caki yajel, malaj ut li acui̱mk ta̱chakik xban li tik malaj ut ta̱cha̱lk jalan xyajel li acui̱mk joꞌ li moꞌ, joꞌ laj sa̱cꞌ, ut li motzoꞌ, malaj ut teꞌcha̱lk li xicꞌ nequeꞌiloc ke chixsutbal li katenamit, malaj ut yajel malaj ut cꞌaꞌak chic re ru chi raylalil ta̱cha̱lk saꞌ kabe̱n,

Deuteronomio 28:42

Eb le̱ cheꞌ ut eb le̱ racui̱mk teꞌsachekꞌ chi junaj cua xbaneb laj sa̱cꞌ.

Éxodo 11:6

Saꞌ li tenamit Egipto chixjunileb li cristian japjo̱keb re chi ya̱bac xban xrahileb saꞌ xchꞌo̱l. Ma̱ jun sut rabiom li ya̱bac chi joꞌcan chi moco ta̱abima̱nk mokon.

Deuteronomio 28:38

Nabal li iyaj li te̱rau, abanan caꞌchꞌin ajcuiꞌ li ru li te̱xoc xban nak eb laj sa̱cꞌ teꞌxcuaꞌ le̱ racui̱mk.

Joel 1:7

Xeꞌxsach ru chi junaj cua li ka-uva. Ut xeꞌxsach ajcuiꞌ li kacheꞌ higo. Quilajeꞌtꞌaneꞌ li rukꞌ. Michꞌbil chic rix queꞌxcanab ut ma̱cꞌaꞌ chic xxak.

Éxodo 9:18

Cuulaj ta̱qꞌue retal nak saꞌ li o̱r aꞌin tintakla chak li ni̱nki sakbach hamamnak saꞌ xbe̱n li tenamit Egipto. Ma̱ jun sut e̱rilom chak chalen kꞌe cutan.

Proverbios 30:27

Eb laj sa̱cꞌ ma̱ ani nacꞌamoc be chiruheb. Abanan ac chi chꞌu̱tal cuanqueb nak nequeꞌbe̱c.