Éxodo 10:13 - Li Santil hu

¹³ Ut laj Moisés quixtaksi lix xukꞌ saꞌ xbe̱n li tenamit Egipto. Ut li Ka̱cuaꞌ Dios quixtakla chak jun cacuil ikꞌ. Li ikꞌ qui-el chak saꞌ li na-el cuiꞌ chak li sakꞌe. Chi cutan ut chi kꞌojyi̱n yo̱ li ikꞌ. Ut nak quisake̱u, ac cuanqueb chic laj sa̱cꞌ li quixcꞌam chak li ikꞌ.

Q'eqchi Bible

¹³ Laj Moisés kixye' li xxuq' sa' xb'een Ejiipt, ut li Qaawa' kixtaqla chaq li tiqwal iq' sa' xb'een li tenamit chiru li kutan a'an ut chiru li q'oqyink. Naq kisaqewk, ak wankeb' chik laj saak' aran xb'aan li iq'.

Éxodo 10:13 ပူးပေါင်းရင်းမြစ်များ

San Mateo 8:27

Ut cꞌajoꞌ nak queꞌsach xchꞌo̱l lix tzolom nak queꞌril li quixba̱nu ut queꞌxye chi ribileb rib: —¿Chanru nak cuan xcuanquil li cui̱nk aꞌin nak naxkꞌus li ikꞌ ut li palau ut nequeꞌabin chiru? chanqueb.

Jonás 4:8

Ut nak quitikcuoꞌ li sakꞌe, li Dios quixtakla chak jun li tikcual ikꞌ yo̱ chi cha̱lc saꞌ releb sakꞌe. Ut laj Jonás quicꞌateꞌ xban li sakꞌe ut quichal xlubic. Qui-oc xtzꞌa̱manquil xcamic ut quixye: —Kꞌaxal us raj chokꞌ cue li ca̱mc chiru nak yoꞌyo̱kin arin saꞌ ruchichꞌochꞌ, chan.

Jonás 1:4

Abanan li Ka̱cuaꞌ quixtakla jun li ca̱k-sut-ikꞌ saꞌ xbe̱n li palau. Numtajenak cuiꞌchic cau li ca̱k-sut-ikꞌ. Queꞌxcꞌoxla nak oc re chi jachecꞌ li jucub.

Salmos 148:8

Cheꞌxqꞌuehak ta xlokꞌal li Ka̱cuaꞌ li ca̱k, li sakbach, li ratzꞌam que ut li xchuꞌque, joꞌ ajcuiꞌ li ca̱k-sut-ikꞌ li na-abin chiru.

Salmos 105:34

Yal riqꞌuin ra̱tin, li Dios quixtaklaheb laj sa̱cꞌ. Incꞌaꞌ quiru rajlanquileb xban xqꞌuialeb.

Salmos 78:26

Quixtakla chak jun li ikꞌ. Quichal saꞌ li na-el cuiꞌ chak li sakꞌe ut saꞌ li sur.

Éxodo 14:21

Tojoꞌnak laj Moisés quixqꞌue li rukꞌ saꞌ xbe̱n li palau. Li Ka̱cuaꞌ Dios quixtakla jun cacuil ikꞌ li nachal chak saꞌ releb li sakꞌe. Yo̱ li ikꞌ chixjunil li kꞌojyi̱n ut xban li ikꞌ li palau quixjach rib ut quixchakihobresi lix beheb laj Israel li teꞌnumekꞌ cuiꞌ saꞌ li palau.

Génesis 41:6

Ut quiril ajcuiꞌ nak queꞌel chak cuukub chi̱j chic chi trigo kꞌaxal cocꞌ ut ac xtzꞌumar xban li tikcual ikꞌ.

Salmos 78:46

Quixtakla laj sa̱cꞌ chixchoybal chixjunil li racui̱mkeb li queꞌrau.

Proverbios 30:27

Eb laj sa̱cꞌ ma̱ ani nacꞌamoc be chiruheb. Abanan ac chi chꞌu̱tal cuanqueb nak nequeꞌbe̱c.