Éxodo 10:12 - Li Santil hu

¹² Tojoꞌnak li Ka̱cuaꞌ Dios quixye re laj Moisés: —Taksi la̱ cuukꞌ saꞌ xbe̱n li tenamit re nak teꞌcha̱lk laj sa̱cꞌ. Chixjunil li cheꞌcꞌam saꞌ li tenamit Egipto li incꞌaꞌ qui-osoꞌ xban li sakbach, eb laj sa̱cꞌ talajeꞌxcuaꞌ chixjunil, chan li Ka̱cuaꞌ Dios.

Q'eqchi Bible

¹² Toja' naq kixye li Qaawa' re laj Moisés: “Ye' laawuq' sa' xb'een li tenamit Ejiipt re naq te'chalq laj saak'. Te'taqe'q chaq sa' xb'een Ejiipt ut te'xk'ux chixjunil li xpimul li ch'och', jo'nimal li xkole'k chiru li saqb'ach”, chan.

Éxodo 10:12 ပူးပေါင်းရင်းမြစ်များ

Éxodo 7:19

Li Dios quixye ajcuiꞌ re laj Moisés: —Ta̱ye re laj Aarón, “Yeꞌ la̱ xukꞌ saꞌ xbe̱neb li haꞌ li cuan Egipto, saꞌ xbe̱neb li nimaꞌ, li cocꞌ rok haꞌ, joꞌ eb ajcuiꞌ li palau re nak ta̱quicꞌokꞌ. Yalak bar naxocman cuiꞌ li haꞌ saꞌ li tenamit Egipto, junes quicꞌ chic ta̱tauma̱nk,” chan.

Apocalipsis 9:3

Saꞌ li sib aꞌan queꞌel chak nabaleb li xul chanchaneb laj sa̱cꞌ ut queꞌxjeqꞌui ribeb saꞌ ruchichꞌochꞌ. Queꞌqꞌueheꞌ xcuanquil re nak teꞌtiꞌok. Lix may li teꞌxtiu, aꞌan chanchan xmay li nequeꞌxtiu laj xo̱cꞌ.

Éxodo 10:15

Quikꞌojyi̱noꞌ li tenamit Egipto xban xqꞌuialeb laj sa̱cꞌ ut quitzꞌapon li chꞌochꞌ xbaneb. Quilajeꞌxcuaꞌ chixjunil li cheꞌcꞌam ut li ru li cheꞌ li incꞌaꞌ qui-osoꞌ xban li sakbach, quilajeꞌxcꞌux. Ma̱cꞌaꞌ chic cꞌaꞌru rax ru quicana saꞌ li tenamit Egipto. Ma̱cꞌaꞌ chic li cheꞌcꞌam, ut ma̱cꞌaꞌeb chic lix xak li cheꞌ.

Salmos 105:34

Yal riqꞌuin ra̱tin, li Dios quixtaklaheb laj sa̱cꞌ. Incꞌaꞌ quiru rajlanquileb xban xqꞌuialeb.

Éxodo 9:32

Aban li trigo ut li centeno ma̱cꞌaꞌ queꞌxcꞌul xban nak toj yo̱queb chi mokc.