Éxodo 10:1 - Li Santil hu

¹ Li Ka̱cuaꞌ Dios quixye re laj Moisés: —Tatxic cuiꞌchic riqꞌuin laj faraón. La̱in xincacuubresi xchꞌo̱l laj faraón joꞌ eb ajcuiꞌ laj cꞌanjel chiru re nak tincꞌut lin cuanquilal chiruheb.

Q'eqchi Bible

¹ Kixye li Qaawa' re laj Moisés: “Ayu rik'in laj Parahón, xb'aan naq xinkawub'resi xch'ool jo' ajwi' li xch'ooleb' laj k'anjel chiru, re xb'aanunkil eb' li xninqal reetalil a'in sa' xyanqeb'.

Éxodo 10:1 ပူးပေါင်းရင်းမြစ်များ

Éxodo 4:21

Li Ka̱cuaꞌ Dios quixye ajcuiꞌ re laj Moisés: —Nak cua̱nkat aran Egipto, ta̱ba̱nu chiru laj faraón chixjunil li cꞌaꞌru xinye a̱cue ut xinqꞌue a̱cuanquilal chixba̱nunquil. La̱in tinqꞌue xcacuil xchꞌo̱l laj faraón re nak incꞌaꞌ tixcanabeb chi e̱lc eb laj Israel.

Romanos 9:17

Joꞌcaꞌin nak tzꞌi̱banbil saꞌ li Santil Hu li a̱tin li quixye li Dios re laj faraón: Xatinxakab chokꞌ xreyeb laj Egipto re nak ta̱cꞌutu̱nk lin cuanquilal a̱ban. Chi joꞌcan ta̱yema̱nk cuesilal yalak bar saꞌ chixjunil li ruchichꞌochꞌ. (Ex. 9:16)

Éxodo 3:20

La̱in tincꞌut lin cuanquil chiruheb laj Egipto. Tinrahobtesiheb ut riqꞌuin aꞌan texcanab chi e̱lc.

Salmos 7:11

Li Dios narakoc a̱tin saꞌ ti̱quilal. Ut junelic narakoc a̱tin saꞌ xbe̱n laj ma̱c.

1 Samuel 4:8

¿Ani ta̱ru̱k ta̱colok ke chiruheb lix dioseb li ni̱nkeb xcuanquil? Eb li dios aꞌan, aꞌan eb li queꞌtaklan re nabal li raylal saꞌ xbe̱neb laj Egipto saꞌ li chaki chꞌochꞌ ut queꞌxsach ruheb.

Éxodo 9:27

Tojoꞌnak laj faraón quixtakla xbokbaleb laj Moisés ut laj Aarón. Quixye reheb: —Anakcuan xinnau nak xinma̱cob. Moco li Ka̱cuaꞌ Dios ta cuan re. La̱in cuan cue ut joꞌ ajcuiꞌ lin tenamit cuanqueb re.

Éxodo 9:16

Abanan la̱in incꞌaꞌ xinqꞌue li yajel aꞌan saꞌ e̱be̱n xban nak xcuaj xcꞌutbal lin cuanquil che̱ru. Ut re ajcuiꞌ nak te̱ye cuesilal saꞌ ruchichꞌochꞌ.

Éxodo 7:4

Ut laj faraón ti̱c incꞌaꞌ ta̱abi̱nk che̱ru. La̱in tinrakok a̱tin saꞌ xbe̱neb laj Egipto. Tintakla nabal raylal saꞌ xbe̱neb re nak ta̱ru̱k tincuisiheb lin tenamit Israel saꞌ xya̱nkeb laj Egipto.

San Juan 12:40

Chanchaneb li mutzꞌ xban nak queꞌiloc ut incꞌaꞌ queꞌxtau xya̱lal. Queꞌcacuubresi̱c lix chꞌo̱leb xban li Dios re nak incꞌaꞌ teꞌxtau xya̱lal chi moco teꞌsukꞌi̱k riqꞌuin re nak tixqꞌuirtesiheb. (Isa. 6:10)

Romanos 9:18

Joꞌcan nak li Dios naril xtokꞌoba̱l ru li ani naraj xtokꞌobanquil ru ut naxcacuubresi xchꞌo̱l li ani naraj xcacuubresinquil xchꞌo̱l saꞌ li ma̱usilal.

Éxodo 9:12

Ut li Ka̱cuaꞌ Dios quixcacuubresi xchꞌo̱l laj faraón. Joꞌ quixye li Ka̱cuaꞌ Dios re laj Moisés junxil, laj faraón ti̱c incꞌaꞌ quixba̱nu li cꞌaꞌru queꞌxye.

Josué 11:20

Li Ka̱cuaꞌ quixcacuubresi lix chꞌo̱leb li tenamit li cuanqueb Canaán re nak teꞌpletik, re nak teꞌsachekꞌ ruheb chixjunileb xbaneb laj Israel. Li Ka̱cuaꞌ Dios ac quixye re laj Moisés nak incꞌaꞌ teꞌril xtokꞌoba̱l ruheb. Teꞌxcamsiheb ban chixjunileb.

Éxodo 10:20

Li Ka̱cuaꞌ Dios quixcacuubresi cuiꞌchic xchꞌo̱l laj faraón ut incꞌaꞌ quixcanabeb chi xic laj Israel.